१ कोरिन्‍थी 4:11 - जिरेल

¹¹ थोरूमसाकोङ ङ्योकोन साप थुङा माङेत्‍ला पालोताङ पालो त्‍वाबा तुक्‍पाराङ ख्‍याम्‍गीन ओत। खोलाक डाकस्‍याक डिकस्‍यिकराङ काल्‍ला ख्‍याम्‍ग्‍यो। थेमे मिओनगी ङ्योकोनला छ्याःङ दया मोज्‍योबा खाला दुङगीदुक। ङेराङते सिराते खाम्‍बा जग्‍गा छ्याःङ मेताच्‍योक खाला ङ्योकोन युगीन देत्‍क्‍यो।

१ कोरिन्‍थी 4:11 Iomraidhean Croise

मत्ती 8:20

थोक सिरजीन थेकी “तर दि बात छ्या स्‍येबा खि। च्‍यि सासीन किप्‍च्‍याङते देत्‍च्‍येते ठाउँ ओङगो। थोकराङ खाला छ्योज्‍युङमेतेङ छाङ ओङगो। तर परमेश्‍वर ओत्‍सादुई वाबाते मि ङेतेनी थेबेते च्‍योक खाला देत्‍च्‍येते ठाउँ छारीनी गोःज्‍यीक रिल्‍ला देत्‍च्‍येते ठाउँओङ मेत,” सिन सिदुक।

शक्ति काम 14:19

थे तिरी एन्‍टिओखियाताङ आइकोनियमदुकी कोई कोई यहूदी थेरू लेप्‍कीन थेरू मिओनला उल्‍के खाईन खोपरोङ छ्य्‌वापा लै खित च्‍युत्‍सुङ। थेमे थे यहूदीओनगी पावलला सेता फाप्‍क्‍यो सिन थेला आउदी खाईन दोईकी ग्‍याप्‍सुङ। थेमे थे स्‍याप्‍सीन सिन थेला सारदुकी ठुत्‍कीन खेरगीन पाङला क्‍युरसुङ।

शक्ति काम 16:23

थोक खाईन डन्‍डीकी आउदी खाईन दुङ च्‍युत्‍नामेई थेबेकी थेबा ङिबोला जेलदु लु च्‍युत्‍कीन थे जेलगी हाकिमला “दिबा ङिबोला फ्रोबा मुथुप्‍च्‍या खाला लेमु खाला स्‍योगा,” सिन कोत्‍सुङ।

शक्ति काम 23:2

थेकी परमेश्‍वरला लेमु खाईन माने खाबा ओत सिरजीन गाङे भन्‍दा छ्येते पूजारी हननियेकी स्‍येदाङगी पावल खादु देता ओताते मिओनला “ए थे खे लाक्‍पा ग्‍योप,” सिन सिदुक।

रोमी 8:35

थोगी च्‍यि था सुइँदेकी थेमे खइँदेकी ङुरूङला ङिङज्‍ये खित्‍कान्‍ते येशू ख्रीष्‍ट छ्य्‌वापेकी डेला थुप्‍क्‍योतरो? च्‍यि सासीन ङुरूङला दुक्‍पा ओङसीनोङ, पीर फाप्‍सीनोङ, ज्‍येनगी खेदा खाईन दुक्‍पा बिन्‍सीनोङ, त्‍वाबा तुक्‍पाताङ पेर्दुङबाराङ देता फाप्‍सीनोङ, खइँसाला दाक खइँदा ओङगीता सिन ज्‍यीबा खिता फाप्‍सीनोङ थेमे सेत्‍सुङराङ सासीनोङ येशू ख्रीष्‍टकी ङुरूङला ङिङज्‍ये खिता ताङाक्‍वा सिन नोमुङ सिरा माफाबो।

१ कोरिन्‍थी 9:4

च्‍यि ङ्योकोनगीचेन गा लाङच्‍येते बात लाप्‍नामेई ङेराङला साप थुङा गोच्‍येते लिन्‍दा ङेत्‍च्‍येते मेनरो?

२ कोरिन्‍थी 11:20

च्‍यि सासीन खेराङला योक्‍पो योङमु जोबाते ख्‍योकोनला लेमु लाङच्‍याक्‍वा। खेराङते ओताते जति नाङ खाईन खाम्‍बा तोङबा जोसीनोङ, ईनराङ मेन्‍दे बात लाप्‍ला छक्‍के खासीनोङ थेमे खेराङला काम्‍बे पुज्‍या छेदोङ गने माक्‍याबाते ख्‍योकोनला गा लाङच्‍याक्‍वा। थेबेकी ख्‍योकोनला छ्येतकी नाङपाराङ ग्‍याप्‍सीनोङ ख्‍योकोनला छ्याःङ च्‍योक मालाङच्‍याक्‍वा।

२ कोरिन्‍थी 4:8

च्‍यिला सासीन ङेराङगी ङेतासम्‍म दुक्‍पा ङेत्‍सीनोङ ङ्योकोनगी ङेराङ काम खिता ताङा मेत, च्‍यि खित्‍च्‍ये चुक खित्‍च्‍ये सिन बेला बेलाला अलमल्‍ल परे खिता फाप्‍सीनोङ था ईन्‍सीन छ्याःङ खिता मुथुबो सिराच्‍योक खाईन हरेस सोबा मेत,

फिलिप्‍पी 4:12

दुक्‍पा ओङसीनोङ ङा च्‍यिला दोक ओङसुङा सिन मिसिरो, काल्‍बेई लेमु ओङजीनोङ सधैँभरि दोकराङ ओङस्‍यीत सिन मिसिरो। सुबा दुकीन दुकीन सा ङेत्‍सीनोङ त्‍वाबा तुक्‍पाराङ देता फाप्‍सीनोङ, कहिले दाङगीन ख्‍योप्‍कीन किम्‍मु ङेत्‍सीनोङ खाँचो फाप्‍कीन दुक्‍पा ङेत्‍सीनोङ, जे ओङसीनोङ जहाँ देत्‍सीनोङ चुक खाला देता फाप्‍कीते सिन ङे छ्या स्‍येबा ओत।

२ तिमोथी 3:11

मिओनगी ङाला खेदा खाईन खाईन दुक्‍पा बिन्‍दाते थेमे ङे भोगे खाबाते जेसुकै दुक्‍पा खोल्‍ला छ्या मेताते मेन। एन्‍टिओखिया, आइकोनियम थेमे लिस्‍त्रा सारगी नाङला मिओनगी ङाला चुक मेलेबा खाबा ओताने सिरच्‍येते बादोङ खोल्‍ला छ्याराङ ओत। ङाला जहाँदु जस्‍तो दुक्‍पा ओङसीनोङ प्रभु येशू ख्रीष्‍टकी थोक्‍ते गाङे दुक्‍पादुकी जोए खाबा ओत।