१ कोरिन्‍थी 4:10 - जिरेल

¹⁰ ख्रीष्‍टकी मि ईन्‍देकी ङ्योकोनचेन छ्याःङ मेस्‍येकान्‍ते लेम्‍बाते मि च्‍योक ओङा ओत। तर ख्रीष्‍टकी खित्‍सादु ख्‍योकोननी आउदी च्‍याङबो गाल्‍दुक। थेमे ङ्योकोन छ्याःङ खिता मुथुप्‍कान्‍ते मि ईन। ख्‍योकोनचेन जेङ खिता थुप्‍कान्‍ते ईन। थोकराङ खाला मिओनगी ङ्योकोनला दिबाङ सु ईन्‍देरो सिराच्‍योक खिदुक। ख्‍योकोनलाचेन गाङेकी मान खिओ।

१ कोरिन्‍थी 4:10 Iomraidhean Croise

मत्ती 24:9

ख्‍योकोनला दुक्‍पा तेरस्‍यीत थेमे सेत्‍स्‍यीत सिन थेजीन ज्‍येनगी ख्‍योकोनला जिन च्‍युत्‍ला छ्ये छ्ये मि लाःक्‍तु सोम्‍पे खिओ। ङे मि ईन्‍देकीराङ गाङे लुङबा लुङबाला मिओनगी ख्‍योकोनला मिगी थोङसार्मु खिओ।

मत्ती 5:11

थेमे ङाला विश्‍वास खाबेकी खित्‍सादु ज्‍येनगी ख्‍योकोनला मेलेबा मि ईन साला मनपरी सिओ, ख्‍योकोनला खेदापानी खिओ थेमे ईनराङ मेन्‍दे बात जोला ख्‍योकोनला मेन्‍दा मेन्‍दे दोष लै खिओ। दोक्‍ते दुक्‍पा ङेत्‍कान्‍तेबा ख्‍योकोन भाग्‍यमानी ईन।

लूका 10:16

था ख्‍योकोनगी परमेश्‍वर राज्‍य बात लोप्‍जीन जसकी ख्‍योकोन बात ङेन्‍गीदुक थेकी ङे बातराङ ङेन्‍दाते ईन। थेमे जसकी ख्‍योकोन बात मेङेन्‍दुक थेकीचेन ङे बात माङेन्‍दाते ईन। ङे बात मेङेन्‍कान्‍तेकीचेन ङाला दुरू तोङकान्‍तेकी साबातेङ माङेन्‍दाते ईन,” सिन थेबाला थेरूई ताङसुङ।

लूका 18:9

थेरू कोई कोई ङ्योकोननी परमेश्‍वर नियम ङेन्‍कान्‍ते ईन्‍देकी धर्मतीते मि ईन सिरकानोङ ओतान। थेबेकी ज्‍येनलाचेन खोपरोङ च्‍योक्‍ते ईनराङ मेन सिराच्‍योक खिन ओतान। होथोक्‍ते मिओनला येशूकी दि बात सिराला स्‍यूसुङ।

लूका 6:22

थेमे परमेश्‍वर ओत्‍सादुई वाबाते मि ङाला विश्‍वास खाबेकी खित्‍सादु ज्‍येनगी ख्‍योकोनला मिगी थोङसार्मु खिओ। ख्‍योकोनला खाम्‍बाताङ युलदुकी देन्‍ग्‍यो। थेबेकी ख्‍योकोनला नाना-भाँती दोष लै खिओ, मेलेबा मि ईन सिन सिओ। दोक्‍ते दुक्‍पा ङेत्‍कान्‍तेबा ख्‍योकोन भाग्‍यमानी ईन।

शक्ति काम 17:18

थे मि रूक्‍सादु इपिक्‍युरीताङ स्‍तोइकी सिरातेन्‍दे पाटी गुरूओनोङ ओतान। पावलगी लापाते येशू बात थेमे स्‍यिनामेकी याङराङ सोम्‍बो लोइओ सिरच्‍येते बात थोजीन थेत्ताङ छलफल खिन थेबे नाङ लालेकी “दि फतफते बादोङ च्‍यि ङेन्‍च्‍ये?” सिन सासुङ। लालेकीचेन “दिकी ज्‍येन लुङबे ल्‍हे बात खित्‍च्‍या ईन्‍दा च्‍यिन्‍दा,” सिन सासुङ।

शक्ति काम 17:32

पावलगी परमेश्‍वरगी स्‍याप्‍ते मिला सोम्‍बो लोक्‍पा ओत सानामेई थेरू ओताते कोई कोई मिकी “दोक बादोङ चुक खाला ओङगीतेरो,” सिन थेला आउदी खाईन खिस्‍यी खासुङ। तर कोईकीचेन थेला “दि बात ङ्योकोनला था तिरीङ पालोई लाप्‍ला नाङ,” सिन सासुङ।

शक्ति काम 26:24

पावल दोक खाला बात खिन खिनला किल्‍दुराङ हाकिम फेस्‍तसकी गाङेकी थोच्‍या खाईन “पावल, खो लेम्‍बे बात माकेत। खोनी काल्‍बा बात छ्या स्‍येच्‍या गाल्‍गीन ङ्योकीन सिन्‍दुक,” सिन सासुङ।

शक्ति काम 9:16

ङा सु ईन्‍दे सिन लोप्‍जीन थेकी आउदी दुक्‍पा खपे खिता फाप्‍क्‍यो सिरच्‍येते बादोङ ङा थेला सिओ,” सिन सिदुक।

१ कोरिन्‍थी 1:21

दोक खाईन आउदी बुद्धि पुरे खाला काम खित्‍कान्‍ते परमेश्‍वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्‍येबा मुथुबो सिन तेन्‍गीन बिन्‍दा ओत। मिओनगी लेम्‍बे बात ईन सिरच्‍येते ङ्योकोनगी लोप्‍च्‍येते बातराङ मिओनगी ङेन्‍स्‍यीत थेमे दि बात ङेन्‍ला येशूला विश्‍वास खित्‍कान्‍तेबाला पापकी सजायदुकी डेल्‍ग्‍यो सिन परमेश्‍वरगी टुङ्गो खाईन दोक खिताराङ थेला लेमु लासुङ।

१ कोरिन्‍थी 1:23

दोक ईन्‍सीनोङ ङ्योकोनचेन ख्रीष्‍ट मिओनला पापकी सजायदुकी डेलाला स्‍यिङगी थामला टाँए खाईन स्‍याप्‍ते ईन सिन मिओनला लोप्‍क्‍यो। दि बात लोप्‍जीन यहूदीओनचेन दिनी परमेश्‍वर विरोध खाबाते ईन सिन स्‍येदाङ खिदुक। थेमे ग्रीकओनचेन दि लेम्‍बे बात ईन सिन ङेनराङ मेङेन्‍दुक।

१ कोरिन्‍थी 1:25

मिओनला परमेश्‍वरगी खाबाते काम लेम्‍बे काम ईन सिराच्‍योक लासीनोङ मित्ताङ भन्‍दा थेत्ताङ झन आउदी बुद्धि ओत। थेमे मिओनला परमेश्‍वरगी छ्याःङ खिता मुथुबो सिराच्‍योक लासीनोङ मिते भन्‍दा थेत्ताङ खापान खापान छ्येज्‍यीक शक्ति ओत।

१ कोरिन्‍थी 10:12

थोगी ङा नोमुङ थोक मेलेबा काम मिक्‍किओ सिरकान्‍तेबा ख्‍योकोन च्‍याङबो खाला देत। थोक सिरकान्‍ते मिकी झन होत्ता मेलेबा काम खिता थुप्‍क्‍यो।

१ कोरिन्‍थी 2:14

परमेश्‍वर आत्‍मा ङेता मेताते मिओनगीनी परमेश्‍वर आत्‍मेकी लापाते बातओन ङेनराङ मेङेनो। दोक्‍ते बातनी थेबे लाईदु कामराङ लै मिक्‍किच्‍या लेम्‍बे बात च्‍योकका ओङगो। परमेश्‍वर आत्‍मे छ्य्‌वापेईकामा थे बात चुक्‍ते ईन्‍दे सिन छ्या स्‍येबा थुप्‍च्‍येते ईन्‍देकी परमेश्‍वर आत्‍मा ङेता मेताते मिओनगी दोक्‍ते बात छ्याःङ खोबाराङ मुथुबो।

१ कोरिन्‍थी 2:3

थेजीन ङा चुक खाला थे बातओन लेमु खाला लोपा थुप्‍कीका सिन थेतेकामा सुर्ता खिन ज्‍यीबा खिन देताप।

१ कोरिन्‍थी 3:18

ख्‍योकोन सुङगीङ दाक्‍पोनगी ठुबाते डालुम नाङ दाक्‍पोनराङ स्‍यूक्‍च्‍येते काम माकेत। च्‍यि सासीन दि सा लुङबे मिकी कोईला आउदी बुद्धि ओताते मि ईन सिओ। ख्‍योकोन नाङ सुइँदाला खेराङ होथेबेकी साबा च्‍योक्‍ते मि ईन सिराच्‍योक लाङगीदुक सासीन बरू ख्‍योकोनगी ङानी छ्याःङ मेस्‍येकान्‍ते मि ईन सिराच्‍योक खि। दोक खाला छ्ये मिक्‍किकान्‍ते मिराङ बुद्धि ओताते मि ईन।

१ कोरिन्‍थी 3:2

थोगी ङे ख्‍योकोनला बालकते फिजाला च्‍योक खाईन ज्‍येनतोक साप मेतेरा खाईन ओमाकामा लुताप। ङा ख्‍योकोनताङ ओत्‍जीनोङ ख्‍योकोनगी फिजेकी च्‍योक ओमा बाई ज्‍येनतोक साप पच्‍चे खिता थुप्‍कीन मेतान। थोरूमसाकोङ थोक्‍ते साप पच्‍चे खिता थुप्‍कान गाला मिन्‍दुक।

१ कोरिन्‍थी 4:8

खेराङगी चालाते ख्‍योकोनगी गाङे ङेत्‍कीन सिन्‍दुक। था ख्‍योकोन छ्याःङ मोगोच्‍या गाल्‍गीन सिन्‍दुक। था ख्‍योकोनला ङ्योकोन मोगोच्‍याक्‍वा। ख्‍योकोननी गेल्‍बोङ ओङगीन सिन्‍दुक। ख्‍योकोन गेल्‍बो ओङाते ङाला गा लाङगीदुक। साँच्‍चीराङ ख्‍योकोन थोक ओङाते ईन्‍सीन ङ्योकोनोङ ख्‍योकोनताङ गेल्‍बो ओङला राज्‍य खित्‍च्‍या ओतान।

२ कोरिन्‍थी 10:10

ख्‍योकोन कोई कोईकी “पावलगी खालि थारीला गाल्‍नामेईकामा स्‍येदाङ खिन दोक खिताङ थोक खि सिन कोत्‍ला चिट्ठी टिइदुक। ङुरूङताङ ङ्योम्‍बु ओत्‍जीनचेन थेकी ङेन्‍गीन देत्‍की सिराच्‍योक खाला बादोङ खिता मुथुबो, थे चुकस्‍यिक ओते सिन ङुरूङला छ्या ओत,” सिन बात खिदुक्‍लो।

२ कोरिन्‍थी 11:19

ख्‍योकोन आउदी बुद्धि ओताते मि ईन। थोगी ङा दोक्‍ते ईन, ङे दोक खिता थुप्‍क्‍यो सिन छ्ये खित्‍कान्‍ते मि ख्‍योकोनला लेमु लाङगो मेन?

२ कोरिन्‍थी 11:29

च्‍यि थेबे नाङ मेराज्‍यीकराङ ईन्‍सीनोङ मेन्‍दे बात ङेन्‍गीन छक्‍के खासीन ङाला पीर मालाङो? थेबे नाङ दोक्‍पोईलाकामा ईन्‍सीनोङ सुइँदेकी पाप खित च्‍युत्‍सीन ङाला मेलेबा मालाङोतरो?

२ कोरिन्‍थी 13:9

थेमे ङेराङ छ्याःङ खिता मुथुप्‍कान्‍ते च्‍योक थोङसीनोङ ख्‍योकोन लेमु खित्‍कान ओङसीन ङ्योकोनला गा लाङगो। परमेश्‍वरगी ज्‍वा चाला च्‍योकराङ ख्‍योकोन लेमु मि ओङस्‍यीत सिनोङ ङ्योकोन प्रार्थना खिओ।

२ कोरिन्‍थी 4:12

ङ्योकोनगी ङेराङ नाम स्‍यिइताना सिराच्‍योक खाईन दुक्‍पा भोगे खिन काम खाबेकी खित्‍सादु ख्‍योकोनगी नोमुङ मिसिन्‍च्‍येते जुनी ङेता ओत।

२ कोरिन्‍थी 6:8

थेमे कोईकी ङ्योकोनला मान खिदुक, कोईकीचेन दिबाङ सु ईन्‍देरो सिराच्‍योक खाला छ्याःङ च्‍योक गने मिक्‍किदुक। कोईकी फलानाबा लेमु काम खित्‍कान्‍ते मि ईन सिन बात खिदुक। ङ्योकोन सत्‍यते बात लोप्‍कान्‍ते ईन। ईन्‍सीनोङ मिओनगी ङ्योकोनला मेन्‍दे बात लोप्‍कान ईन खिदुक।

१ थिस्‍सलोनिकी 4:8

थोगी ङ्योकोनगी होथोक्‍ते काम माकेत सिन साबाते दि बातला सुइँदेकी नामज्‍योक मेसेत्‍तुक सासीन थोक्‍ते मिकी मिला मेन्‍देकी परमेश्‍वरलाराङ नामज्‍योक मासेताते ईन। परमेश्‍वरचेन ख्‍योकोनला थे खोरोङ आत्‍मा तेरकान्‍ते ईन।

१ पत्रुस 4:14

ख्रीष्‍टकी मि ईन्‍देकी ज्‍येनगी मनपरी सासीन ख्‍योकोननी भाग्‍यमानीका ईन। थेबेकी थोक खित्‍जीन ख्‍योकोनगी छ्येज्‍यीक शक्ति ओताते परमेश्‍वर आत्‍मा खेराङताङ ओत सिन झन लेमु खाला छ्या स्‍येक्‍यो।