१ कोरिन्थी 3:9 - जिरेल9 ङ्योकोनचेन परमेश्वरताङ डिक्ला काम खित्कान्ते ईन। थेमे ख्योकोनचेन परमेश्वर स्यीङ च्योक्ते ईन। दोस्यिककामा मेन, ख्योकोननी परमेश्वरगी जोइन ओताते खाम्बाराङ ईन। Faic an caibideil |
१ कोरिन्थी 3:9
41 Iomraidhean Croise
थोगी थेकी चेलातेबाला “स्यीङदु थोक्पा रूक्पा फाप्च्येते बाली काल्बेई ओत्कीन खेतालाचेन टिक्पीईकामा ओत्सीन स्यीङगी धनीला ज्येनोङ खेताला गोच्या दुक सिन सिरा फाप्क्यो मेन? थोकराङ खाला ज्येनला परमेश्वर बात लोप्कान्ते मि टिक्पीईकामा ओतेकी थोक्ते मि काल्बेई फेल छ्युत सिन ख्योकोनगी परमेश्वरला प्रार्थना खि। च्यिला सासीन स्वर्गे राज्यदु स्यूक्पा छोल्कान्ते मि आउदी काल्बेई दुक,” सिन सिदुक।
च्यि सासीन येशू ख्रीष्ट सु ईन्दे, चुक्ते ईन्दे सिन खेराङगी छ्या स्येबाते बात ङेन्दा नोमुङ मातोङ, झन झन लेमु खाला थे बातला खि साबा च्योकराङ खिन येशू ख्रीष्टला विश्वास खिन देत, ज्येनगी जे सासीनोङ खेराङला लाप्कीन बिन्दाते येशू ख्रीष्ट बातला छ्याःङ शंका माकेत थेमे परमेश्वरगी खेराङला चुक लेमु खासुङा सिन थेला धन्यवाद सिरा नोमुङ मातोङ।
केही कुरोकी ङा होत्ता मासीनोङ दि बातओन पढे खानामेई परमेश्वर खाम्बे मिओनगी चुक खिता फाप्च्या ईन्दाका, चुक खाला देता फाप्च्या ईन्दाका सिन खुई छ्या स्येक्यो। थोक्ते मिओन सोम्बोते परमेश्वर मि ईन। थेबेकी खित्सादु परमेश्वर सत्यते बात च्यि ईन्दे सिन गाङेकी छ्या स्येला थे बातताङ मिडिक्च्येते बात डेला थुप्क्यो।
ख्रीष्टकीङ थे खोरोङ काम लेमु खाईन खाबा ओतान। तर थेचेन मोशा च्योक्ते मेन। मोशा सुइँदे खाम्बादु काम खित्कान्ते मि च्योक ओतान सासीन ख्रीष्टचेन होथे खाम्बे धनी फुज्युङ च्योकराङ ईन। थेमे ङुरूङचेन थे खाम्बे मि ईन। थोक ईन्सीनोङ जस्तो ओङजीनोङ ज्यीबा मिक्किता खाईन थेमे सेम मेसेता खाईन परमेश्वरगी था तिरी दाक्पोनला तेरग्यो साबाते गाङे ङेत्क्यो सिन थेला विश्वास खिन देत्सीनकामा ङुरूङ थे खाम्बे मि ईन।
परमेश्वरगी जुनी बिन्दाते ख्योकोनोङ दो च्योक्तेराङ ईन। दोक्ते दोई छ्य्वापेई परमेश्वरगी थे खोरोङ आत्मा देत्च्येते मन्दिर जोच्येते ईन्देकी ख्योकोनगी थेला मेङगो मिसिरा खाला थोक खित छ्युत। दोक ओङनामेई ख्योकोनगी परमेश्वरला मन परे खित्च्येतेबा चढे खित्कान्ते पूजारी ओङला थेला मन परे खित्च्येते काम खिता थुप्क्यो। दोकचेन ख्योकोनगी येशू ख्रीष्टकी खाबाते कामगी खित्सादु खिता थुप्क्यो।
Sanasan