१ कोरिन्‍थी 3:8 - जिरेल

⁸ बिरूवा जुकान्‍तेताङ छ्यु लुकान्‍ते ङिकाराङ थोजोराङ ईन। परमेश्‍वरगी था तिरी गाङेला दाक्‍पोन दाक्‍पोनगी खाबाते काम ताला इनाम तेरग्‍यो।

१ कोरिन्‍थी 3:8 Iomraidhean Croise

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

लूका 19:19

थे गेल्‍बोकी थेलाङ ‘खुई लेमु खादुक, ङा खोल्‍लाङ सार ङाला राज्‍य खित ज्‍युत्‍क्‍यो,’ साकीन थेलाङ थोस्‍यिक सारला राज्‍य खित च्‍युत्‍तुक्‍लो।

रोमी 2:6

थे छोमु परमेश्‍वरगी सु सुकी च्‍यि खाला दुका ताला लेमु काम खित्‍कान्‍तेबाला इनाम थेमे मेलेबा काम खित्‍कान्‍तेबालाचेन सजाय तेरग्‍यो।

१ कोरिन्‍थी 15:58

थोगी ङिङज्‍येते आज्‍यो न्‍वावे, जस्‍तो ओङसीनोङ प्रभु येशूला विश्‍वास खिन देत, मि बात ङेन्‍ला शंका माकेत। प्रभु येशूकी खेराङला जिम्‍मा बिन्‍दाते काम थुपासम्‍म स्‍येत खाला खि। च्‍यिला सासीन थेकी खेराङला खि साबाच्‍योक खाबाते थाराङ खेरोला डोच्‍येते मेन सिन ख्‍योकोनला छ्याराङ ओत।

१ कोरिन्‍थी 3:14

थोक खाला मे नाङ लुजीनोङ सुइँदा मिकी थे जगी लाक जोबाते खाम्‍बा छिगीन थाला मागाल्‍सुङ सासीन थेलाचेन परमेश्‍वरगी इनाम तेरग्‍यो।

१ कोरिन्‍थी 3:7

बातचेन दिराङ ईन। च्‍यि सासीन बिरूवा जुकान्‍तेङ छ्यु लुकान्‍तेङ ङिकाराङ छ्याःङ मेन। छ्येतेचेन थे बिरूवाला छार ज्‍युत्‍कान्‍ते ईन। थेचेन परमेश्‍वरराङ ईन।

१ कोरिन्‍थी 3:9

ङ्योकोनचेन परमेश्‍वरताङ डिक्‍ला काम खित्‍कान्‍ते ईन। थेमे ख्‍योकोनचेन परमेश्‍वर स्‍यीङ च्‍योक्‍ते ईन। दोस्‍यिककामा मेन, ख्‍योकोननी परमेश्‍वरगी जोइन ओताते खाम्‍बाराङ ईन।

१ कोरिन्‍थी 4:15

ख्‍योकोनला दोक खि, थोक माकेत सिन ख्रीष्‍टकी बात लोप्‍कान्‍ते हजार च्‍युताम्‍बा मि ओत्‍सीनोङ थेबा ख्‍योकोन आबा मेन। ङे ख्‍योकोनला गा लाङच्‍येते बात लाप्‍कीन बिन्‍गीन ख्‍योकोन येशू ख्रीष्‍टताङ जीउज्‍यीकराङ ओङाते ईन्‍देकी ङाराङ ख्‍योकोन आबा ईन।

१ कोरिन्‍थी 9:7

च्‍यि ख्‍योकोनगी सुइँदा लडाइँला डोकान्‍ते मिल्‍टेरीकी थे खोरोङ खर्च सोकीन गालाते थोङा ओत? थेमे च्‍यि अंगूर खेती खित्‍कान्‍ते मिकी थे खोरोङ स्‍यीङगी अंगूर मास्‍साओ? थोकराङ खाला च्‍यि रा लुक सोला सुइँदेकी थेबे थारा ओमा मास्‍साओतरो?

गलाती 6:4

मि सुङगीङ फलानेकी भन्‍दानी ङेका लेमु खाबाते ईन सिराच्‍योक खाला छ्ये खिता मेङगो। बरू दाक्‍पोनगी खिता फापा च्‍योकराङ खाताकाना माक्‍याताका सिन विचार खाला ता फाप्‍क्‍यो। दोक खाला ताजीन दाक्‍पोनगी खिता फापा च्‍योकराङ खाबा ओताते मिकीचेन गा खिता ङेत्‍क्‍यो।

गलाती 6:5

दाक्‍पोन दाक्‍पोन जिम्‍माचेन मि गाङेकी दाक्‍पोनगीराङ खुरा फाप्‍क्‍यो।

हिब्रू 6:10

ख्‍योकोनगी परमेश्‍वरला थोई ङिङज्‍ये खिते सिन परमेश्‍वर सन्‍तान ज्‍येनतेबाला ङिङज्‍ये खाईन लेमु खाबाते थेमे थोरूमोङ थोकराङ खिन ओताते बातकी छ्य्‌वापेई लेमु खाला छ्या स्‍येबा थुप्‍कीदुक। ख्‍योकोनगी थोक खाबाते परमेश्‍वरला गाङे छ्या ओत। थेकी दि बात थाराङ टोक मेज्‍येदो।

१ पत्रुस 5:4

दोक खासीन था येशू ख्रीष्‍ट ग्‍युरला ओङजीन थेकी ख्‍योकोनला इनाम सिन छ्येज्‍यीक मान तेरग्‍यो। थेकी थोक खानामेई ख्‍योकोन सधैँ मान ङेत्‍ला देता ङेत्‍क्‍यो। येशू ख्रीष्‍टचेन ज्‍येन गोठाला गाङेला कोत्‍कान्‍ते छ्येते गोठाला च्‍योक्‍ते ईन।

२ यूहन्‍ना 1:8

थोक्‍ते मिओनताङ च्‍याङबो खाला देत। खेराङगी दुक्‍पा खाबाते थाराङ खेरो मोन्‍डोस्‍यीत बरू परमेश्‍वरगी खेराङला तेरग्‍यो साबाते इनाम जति गाङे ङेता थुप्‍स्‍यीत सिन थोरूमसाक खिन ओता च्‍योकराङ खिन देता मातोङ।

छ्या स्‍ये च्‍युताते बात 2:23

थोकराङ खाला थे फिजा च्‍योकराङ ओङला थे बात ङेन्‍कान्‍ते मिओनलाङ ङा आउदी मेलेबाते रोग लै खित च्‍युत्‍ला स्‍यिर ज्‍युत्‍क्‍यो। दोक ओङा थोङनामेकी मि सेमगी बात गाङे छ्या स्‍येकान्‍ते ङाराङ दुका सिन ठाउँ ठाउँला जम्‍मा ओङकान्‍ते येशू ख्रीष्‍ट मि गाङेकी छ्या स्‍येक्‍यो। ङा ख्‍योकोन काम ताला लेमु खाबा ओत्‍सीन लेमु, मेलेबा खाबा ओत्‍सीन मेलेबाराङ खिओ।

छ्या स्‍ये च्‍युताते बात 22:12

थेमे याङराङ प्रभु येशूकी “था ङा होत्ताराङ ओङगीन ओत। थेबेकी खाबाते लेमु मेलेबा कामताङ बात ताला मि गाङेला सु सुला च्‍यि तेरा फाप्‍कीका थे थेराङ ङा तेरग्‍यो।