१ कोरिन्‍थी 3:7 - जिरेल

⁷ बातचेन दिराङ ईन। च्‍यि सासीन बिरूवा जुकान्‍तेङ छ्यु लुकान्‍तेङ ङिकाराङ छ्याःङ मेन। छ्येतेचेन थे बिरूवाला छार ज्‍युत्‍कान्‍ते ईन। थेचेन परमेश्‍वरराङ ईन।

१ कोरिन्‍थी 3:7 Iomraidhean Croise

यूहन्‍ना 15:5

अंगूर दोङबो ङा ईन। ख्‍योकोनचेन थे हाँगाओन ईन। ङात्ताङ डिक्‍लाराङ देत्‍कान्‍ते मित्ताङचेन ङाङ डिक्‍लाराङ देत्‍क्‍यो। थेमे अंगूर काल्‍बेई गोन्‍दाच्‍योक खाला होथोक्‍ते मिकीराङ लेमु लेमु कामकामा खिता थुप्‍क्‍यो। ङात्ताङ ठाल्‍ला ख्‍योकोनगी छ्याःङ कामोङ खिता मुथुबो।

१ कोरिन्‍थी 13:2

ङेचेन परमेश्‍वरगी सिर च्‍युताते बात खित्‍च्‍येते शक्ति ङेता ओत्‍सीनोङ, परमेश्‍वरगी गोमा सुङलाङ छ्या स्‍ये च्‍युता मेताते बाततेबा गाङे छ्या स्‍येकान्‍ते ईन्‍सीनोङ थेमे परमेश्‍वरगी चुक खाला काम खिते सिरच्‍येते बात गाङे छ्या स्‍येबा ओत्‍सीनोङ ङे ज्‍येनला ङिङज्‍ये माक्‍यासीन दि बाततेबा छ्या स्‍येला छ्याःङ काम लै मिक्‍किओ, ङा छ्याःङ मेन। थेमे परमेश्‍वरगी जेङ खिता थुप्‍क्‍यो सिन थेला विश्‍वास खाला बोमज्‍यीकला सरे खाला ग्‍युक साला थे बोमला समेत सरे खित ज्‍युता थुप्‍सीनोङ ङा छ्याःङ मेन।

१ कोरिन्‍थी 3:6

ङे ख्‍योकोन नाङ खाबाते कामचेन सुइँदेकी खइँदे बिरूवा जुच्‍येते च्‍योक ओतान। थेमे अपोल्‍लोस कामचेन थे बिरूवाला छ्यु लुच्‍येते च्‍योक ओतान। ङ्योकोनगी दोक खासीनोङ थे बिरूवाला छार ज्‍युत्‍कान्‍तेचेन परमेश्‍वरराङ ईन।

१ कोरिन्‍थी 3:8

बिरूवा जुकान्‍तेताङ छ्यु लुकान्‍ते ङिकाराङ थोजोराङ ईन। परमेश्‍वरगी था तिरी गाङेला दाक्‍पोन दाक्‍पोनगी खाबाते काम ताला इनाम तेरग्‍यो।

२ कोरिन्‍थी 12:11

ङे छ्याःङ बुद्धि मेताते लेम्‍बाते मिकी च्‍योक खाईन ङा दोक्‍ते मि ईन, ङे दोक खिता थुप्‍क्‍यो सिन छ्ये खिन बात खाबाप। ङाला दोक खित ज्‍युत्‍कान्‍ते ख्‍योकोनराङ ईन। ख्‍योकोनगीका थे दोक्‍ते मि ईन, थेकी दोक दोक खिओ सिन ङे बात खिता फाप्‍च्‍येते ईन। ईन्‍दाका ङाला छ्ये ज्‍वा फाप्‍च्‍येते ङा सुङ मेन। ईन्‍सीनोङ खेराङगी येशू ख्रीष्‍टकी खटे खाबाते मि नाङ खापान खापान छ्ये ईन सिराच्‍योक ठाने खाबाते मिओन भन्‍दा ङा छ्याःङ कुरोलाङ कम्‍ती मेत।

२ कोरिन्‍थी 12:9

दोक खित्‍जीन थेकी ङाला “ङे खोल्‍ला आउदी खाईन दया खाबा ओत। दि भन्‍दा ल्‍हाक्‍पा था खोल्‍ला छ्याःङ मोगोओ। खोरोङगी छ्याःङ खिता मुथुप्‍जीनराङ खुई ङेताते ङे शक्ति चुक छ्ये ईन्‍दाका सिन खुई छ्या स्‍येक्‍यो,” सिन सिदुक। थोगी ङाराङगी छ्याःङ खिता मुथुप्‍जीन ङानी गाका खिओ। च्‍यिला सासीन थोक्‍ते बेलालाराङ ख्रीष्‍टकी ङाराङला थे खोरोङ शक्ति बिन्‍दा ओत सिन ङे छ्या स्‍येकीदुक।

गलाती 6:3

दोक खाला दोक्‍पोईकी ज्‍येनज्‍यीकला मद्धत खिता साटोला सुइँदा मि ङानी ज्‍येन च्‍योक मेन सिराच्‍योक खाला छ्ये खिदुक सासीन थोक्‍ते मि लेम्‍बा ईन। थेचेन थे खोरोङगी विचार खाबा च्‍योक्‍ते मि मेन।