१ कोरिन्‍थी 3:6 - जिरेल

⁶ ङे ख्‍योकोन नाङ खाबाते कामचेन सुइँदेकी खइँदे बिरूवा जुच्‍येते च्‍योक ओतान। थेमे अपोल्‍लोस कामचेन थे बिरूवाला छ्यु लुच्‍येते च्‍योक ओतान। ङ्योकोनगी दोक खासीनोङ थे बिरूवाला छार ज्‍युत्‍कान्‍तेचेन परमेश्‍वरराङ ईन।

१ कोरिन्‍थी 3:6 Iomraidhean Croise

शक्ति काम 11:18

थेकी दि गाङे बात सानामेकी गोमा थेला ङारकान्‍ते मि गाङेराङ खाराक्‍पा देत्‍सुङ। थेमे थेबेकी परमेश्‍वरते जय जय खिनकामा “दि चुक अचम्‍बे बात ईन्‍दाका। थानी परमेश्‍वरगी ङुरूङगी च्‍योकराङ खाला ज्‍येन ज्‍येन जातकी मिकीङ नोमुङ मिसिन्‍च्‍येते जुनी ङेत्‍स्‍यीत सिन थेबाला खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍ये मौका तेराला स्‍यूदुक,” सिन बात खासुङ।

शक्ति काम 14:27

थेपा लेप्‍नामेकी येशू ख्रीष्‍ट मि गाङेला जम्‍मा खाईन थेबा ङिबोकी परमेश्‍वरगी खोपरोङला चुक चुक खित च्‍युत्‍सुङा थेमे ज्‍येन ज्‍येन जातकी मिलाङ थेकी चुक खाईन येशूला विश्‍वास खित्‍च्‍येते मौका बिन्‍सुङा सिन गाङे बात लाःप्‍सुङ।

शक्ति काम 16:14

थेबे नाङ परमेश्‍वरला माने खित्‍कान्‍ते लिडिया सिराज्‍यीगोङ ओताक्‍वा। थे थिआटीरा सिराते सारगी मि ओतान। थे मोर्मुते रंग ग्‍यापाते आउदी दामीते खोलाक बेपार खित्‍कान्‍ते मि ओतान। प्रभु येशूकी थे फेम्‍मे मिला पावलगी साबाते बातओन लेमु खाला ङेन्‍च्‍ये सेम बिन्‍देकी थेकी लेमु खाईन थे बात ङेन्‍सुङ।

शक्ति काम 18:24

पावल थोक खाला ठाउँ ठाउँला युगीन ओते बेलालाराङ अपोल्‍लोस एफिससदु लेप्‍सुङ। थे अलेक्‍जेन्‍ड्रियापे यहूदी ओतान। थे आउदी लेमु खाला बात खिता स्‍येकानज्‍यीक ओतान। थेकी परमेश्‍वर बादोङ गाङे लेमु खाईन छ्या स्‍येबा ओतान।

शक्ति काम 19:1

अपोल्‍लोस कोरिन्‍थदु ओते बेलाला पावलचेन समुन्‍द्रे लामला मोन्‍डोबा खाईन ठाउँ ठाउँला युगीन एफिससदु लेप्‍सुङ। थेरू लेप्‍नामेकी थेकी येशू चेला कोई कोईला ठेत्‍सुङ।

शक्ति काम 21:19

थेबा गाङेला ठेत्‍नामेई पावलगी थे खोरोङगी येशू बात लोप्‍जीन थे छ्य्‌वापेई परमेश्‍वरगी ज्‍येन ज्‍येन जातकी मिला चुक लेमु खासुङा सिन बातज्‍यीगोङ बाँकी मोज्‍योबा खाईन लाःप्‍सुङ।

रोमी 15:18

ङे लापाते बात ङेन्‍गीन ज्‍येन ज्‍येन जातकी मिकी परमेश्‍वरगी खि साबाते ङेन्‍दाला स्‍यूसुङ। ङाराङगी स्‍याप स्‍याप खाईन खाबाते कामगी खित्‍सादुका थेबेकी दोक खिताला स्‍यूबाते ईन सिनचेन ङा नोउ छ्ये मिक्‍किओ। च्‍यिला सासीन ङे थेबे नाङ खाबाते कामताङ बात गाङे ख्रीष्‍टकी शक्ति छ्य्‌वापेकी खाबाते ईन।

१ कोरिन्‍थी 1:12

चुक सासीन ख्‍योकोन कोईकी “ङा पावलगी साबाते ङेन्‍कान्‍ते ईन,” खिदुक्‍लो, कोईकी “ङा अपोल्‍लोसकी साबाते ङेन्‍कान्‍ते ईन,” खिदुक्‍लो। लोक्‍ला कोईकी “ङा पत्रुसकी साबाते ङेन्‍कान्‍ते ईन,” खिदुक्‍लो सासीन ज्‍येनज्‍यीगीचेन “ङानी ख्रीष्‍टकी साबातेकामा ङेन्‍कान्‍ते ईन,” खिदुक्‍लो।

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

१ कोरिन्‍थी 3:22

च्‍यि सासीन पावल, अपोल्‍लोस, पत्रुस गाङे ख्‍योकोनला लेमु ओङाला काम खित्‍कान्‍ते मि ईन। थेमे दि सा लुङबादु ओताते जेसुकै ख्‍योकोन लाःक्‍तुराङ ओत। सोन्‍ला देत्‍च्‍येते, स्‍यिच्‍येते, थरिङोला ओङगीन ओताते थेमे था तिरी ओङच्‍येते दुक्‍पा किम्‍मु बात जेसुकै ख्‍योकोनला लेमु ओङालाराङ ईन।

१ कोरिन्‍थी 3:7

बातचेन दिराङ ईन। च्‍यि सासीन बिरूवा जुकान्‍तेङ छ्यु लुकान्‍तेङ ङिकाराङ छ्याःङ मेन। छ्येतेचेन थे बिरूवाला छार ज्‍युत्‍कान्‍ते ईन। थेचेन परमेश्‍वरराङ ईन।

१ कोरिन्‍थी 9:1

च्‍यि ङाराङगी खिता चालाते काम ङे ङाराङ खुशीकी खिता मेङेदोतरो? च्‍यि ङाङ येशू ख्रीष्‍टकी खटे खाबाते मि मेनरो? च्‍यि ङे ङुरूङ प्रभु येशूला थोङा मेत साबाप? थेमे च्‍यि ङे प्रभु येशूकी ङाला कोताते काम खाबेकीका ख्‍योकोनगी थेला विश्‍वास खाबाते मेनरो?

एफिसी 3:17

थेमे थेला विश्‍वास खाबेकी खित्‍सादु ख्‍योकोन सेमगी नाङ ख्रीष्‍ट देत्‍स्‍यीत सिन प्रार्थना खिओ। थेमे ख्रीष्‍ट ङुरूङला थोई ङिङज्‍ये खित्‍कान्‍ते ईन्‍दे सिन नोमुङ टोक मेज्‍येता खाला जहिलेङ ख्‍योकोनगी ज्‍येनला ङिङज्‍ये खिन देता थुप्‍स्‍यीत।

१ थिस्‍सलोनिकी 1:5

च्‍यिला सासीन ङ्योकोनगी लोप्‍च्‍येते गा लाङच्‍येते बातचेन मि बातकामा मेन्‍देकी थे बातकी छ्य्‌वापेई परमेश्‍वरगी ख्‍योकोन नाङ छ्ये छ्ये शक्ति काम खासुङ। थे बात पक्‍काराङ सत्‍यते ईन सिन परमेश्‍वर आत्‍मे छ्य्‌वापेई लेमु खाईन छ्या स्‍येबेकी ङ्योकोनगी थे बात ख्‍योकोनला लेमु खाईन लोपा थुपाते ईन। थेजीन ख्‍योकोनताङ देत्‍जीन ख्‍योकोनला लेमु ओङस्‍यीत सिन ङ्योकोनगी चुक चुक खाबा ओताने सिन ख्‍योकोनला गाङे छ्या ओतेकी ङ्योकोनगी छ्याःङ सिरा माफाप्‍तासीन।