१ कोरिन्‍थी 3:3 - जिरेल

³ च्‍यि सासीन ख्‍योकोननी दाक्‍पोन खुशीला ख्‍याम्‍कान्‍ते मिओन च्‍योकराङ दुक। ख्‍योकोन दाक्‍पोन दाक्‍पोन नाङ डार खिन थेमे थोम्‍मु खिन देत्‍ला परमेश्‍वर आत्‍मेकी च्‍यि खि सिका थे ङेनराङ मेङेन्‍दुक। थोगी च्‍यि ख्‍योकोन दाक्‍पोन खुशीला ख्‍याम्‍कान्‍ते ज्‍येन मि च्‍योकराङ मायाङसुङरो?

१ कोरिन्‍थी 3:3 Iomraidhean Croise

रोमी 13:13

चुक सासीन ङुरूङगी गाङे ङोन्‍दु खिता ओङच्‍येते कामताङ बातकामा खिता फाप्‍क्‍यो। ज्‍येनताङ रूला भक्‍कुचूर सोला थुला मोज मज्‍जा खित्‍च्‍येते, छ्याङ रक्‍सीकी जिला ख्‍याम्‍च्‍येते थेमे रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खिता मेङगो। ज्‍येनताङ थोम्‍मु जीङगा खित्‍च्‍येते थेमे मिला डार खित्‍च्‍येतेङ खिता मेङगो।

१ कोरिन्‍थी 1:10

आज्‍यो न्‍वावे, ङुरूङ प्रभु येशू ख्रीष्‍टकीराङ ङाला दोक खित्‍च्‍येते अधिकार बिन्‍दा ओतेकी ङा ख्‍योकोनला च्‍यि सिते सासीन ख्‍योकोनगी खेराङ नाङ फाटो ओङच्‍येते काम माकेत। बरू गाङेकी सेमज्‍यीकराङ खाला डिक्‍ला काम खि।

१ कोरिन्‍थी 1:11

ङा ख्‍योकोनला च्‍यिला दोक सिन ओते सासीन ङुरूङ नुमु क्‍लोए खाम्‍बे मिओन खानापेकी ङे ख्‍योकोन खेराङ नाङ मिडिक्‍च्‍याक्‍वालो सिन थोसुङ।

१ कोरिन्‍थी 11:18

च्‍यि सासीन येशू ख्रीष्‍ट मि ख्‍योकोन जम्‍मा ओङजीन खेराङ नाङ मिडिक्‍तुक्‍लो सिन ङे थोसुङ। ङाला दि बात पक्‍काराङ ईन्‍दासीन सिराच्‍योक लाङगीदुक।

१ कोरिन्‍थी 3:4

ख्‍योकोन दोक्‍पोईकी “ङा पावलगी साबाते ङेन्‍कान्‍ते ईन,” सिरच्‍या, ज्‍येनज्‍यीगी “ङा अपोल्‍लोसकी साबाते ङेन्‍कान्‍ते ईन,” सिन सिरच्‍येते च्‍यि परमेश्‍वर आत्‍मा ङेता मेताते मिओनगी खिताच्‍योक खाबाते मेनरो?

२ कोरिन्‍थी 12:20

था ङा थेपा ओङजीन ङे साबा ओताच्‍योक मेन्‍देकी ख्‍योकोनगी खुदुकराङ काम खिन ओताते थोङा फाप्‍कीता सिन ङाला पीर लाबा ओत। थोकराङ खाला ख्‍योकोनगीङ ङाला खुदुकराङ गालाते च्‍योक थोङगीता सिनोङ ङाला पीर लाबा ओत। च्‍यि सासीन थोरूमोङ ख्‍योकोन थोम्‍मु जीङगा खिन ओताते, मिला डार खिन ओताते, मित्ताङ स्‍येदाङ खित्‍च्‍येते, ज्‍येनगी वास्‍ता मिक्‍किता खाला दाक्‍पोन फाइदाकामा ताच्‍येते, मिला मोत्‍च्‍येते, मि पनी खित्‍च्‍येते, ङा ङाराङ ईन सिराच्‍योक खित्‍च्‍येते थेमे गाङेराङ डिक्‍ला थुन्‍ला काम खिता साटोला आफूराङस्‍ये खाला ख्‍याम्‍गीन ओताते थेप्‍कीता सिन ङाला सुर्ता लाबा ओत।

गलाती 5:15

दोक्‍पोईकी ज्‍येनज्‍यीकला ङिङज्‍ये खिता साटोला ख्‍योकोन किताङ फाक्‍पा ठेताच्‍योक खिन देत्‍सीन च्‍याङबो खि याङ। ख्‍योकोन खेराङ खेराङराङ स्‍यिरीङ खिता फाबोङ।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

याकूब 3:16

ज्‍येनला डार खित्‍कान्‍ते थेमे दाक्‍पोनकामा छ्ये ओङा छोल्‍कान्‍ते मि ओत्‍नामेकीराङ दाक्‍पोन दाक्‍पोन नाङ माडिक्‍ला फाटो ओङच्‍येते थेमे मिकी मेलेबाते कामताङ बात खित्‍च्‍येते ईन।

१ पत्रुस 4:2

ख्रीष्‍टला ताला थेकी च्‍योकराङ खानामेई था ख्‍योकोनगी दाक्‍पोन खुशी खिन जे खिता सेम लाङगीदुक थेराङ खिन देता माफाबो, बरू सोन सोनसाकराङ परमेश्‍वरगी च्‍यि खि सिका थे छ्या स्‍येला थेकी खि साबा च्‍योकराङ खिन देता थुप्‍क्‍यो।