१ कोरिन्‍थी 3:12 - जिरेल

¹² दि जगी लाकराङ कोईकी सेरगी खाम्‍बा जोओङ। कोईकी चाँदी खाम्‍बा जोओङ। थोकराङ खाला कोईकी आउदी महँगो महँगोते युईते, कोईकी स्‍यिङगीते, कोईकी काम्‍बाते चेते थेमे कोईकीचेन पराल खाम्‍बा जोओङ।

१ कोरिन्‍थी 3:12 Iomraidhean Croise

शक्ति काम 20:30

दोस्‍यिककामा मेन, ख्‍योकोन खेराङ नाङदुकीङ कोई कोईकी मेन्‍दा मेन्‍दे बात लाप्‍ला थुप थुपला ख्‍योकोन गाङेला खोपरोङ छ्य्‌वापा लै खित ज्‍युता छोल्‍ग्‍यो।

रोमी 16:17

आज्‍यो न्‍वावे, था थोरूम बातज्‍यीक च्‍यि सासीन ओर्च्‍ये ख्‍योकोनगी खेराङ नाङ फाटो ओङ ज्‍युत्‍कान्‍ते थेमे खेराङला गोमाका लाप्‍कीन बिन्‍दाते गा लाङच्‍येते बातताङ मिडिक्‍च्‍येते बात लाप्‍ला अलमल्‍ल लोङकान्‍ते मिओन सु सु ईन्‍दाका सिन छ्या स्‍येला थेबाताङ च्‍याङबो खि। थोक्‍ते मिओनताङचेन ख्‍योकोनगी साङराङ माकेत।

१ कोरिन्‍थी 3:11

थेमे ङुरूङते तिङाते जगचेन येशू ख्रीष्‍टकामा ईन। सुङगीङ था ज्‍येन जग दिङा मुथुबो।

१ कोरिन्‍थी 3:13

थेमे खाम्‍बा जोकान्‍ते मिओनगी सु सुकी चुक खाईन जोबा ओता ईन्‍दाका सिन ङीमाई गाङे छ्या स्‍येक्‍यो। येशू ख्रीष्‍ट ग्‍युरला वाला मि गाङे न्‍याय खिते छोमु सु सुकी चुक खाबा ओता ईन्‍दाका सिन डेल्‍ग्‍यो। सु मि काम चुक दुका सिन थे छोमु मे नाङ लुक्‍ला तेइओ।

२ कोरिन्‍थी 2:17

ईन्‍सीनोङ मि काल्‍बेईकी खोपरोङ फाइदे लाईदु खाबाच्‍योक खाला ङ्योकोननी ङेराङ फाइदे लाईदु परमेश्‍वर बात मोलोबो। बरू ख्रीष्‍टताङ जीउज्‍यीकराङ ओङा ओतेकी परमेश्‍वर दोन्‍दुराङ दि काम खिन ओत सिराच्‍योक खाला सेमदु छ्याःङ पापताङ लोभ मोज्‍योबा खाला ङ्योकोनचेन परमेश्‍वरगी ङेराङला जिम्‍मा बिन्‍दाते काम खिओ।

२ कोरिन्‍थी 4:2

ङ्योकोन ईप्‍ला छ्याक्‍ला ज्‍येनला ठगे खित्‍च्‍येते च्‍योक्‍ते ङोचा लाङच्‍येते काम मिक्‍किओ, मिला छक्‍के खिताला ईनराङ मेन्‍दे बात मोलोबो, ङ्योकोननी परमेश्‍वर बात खुदुक जोला लोप्‍च्‍येतेङ मिक्‍किओ। परमेश्‍वर दोन्‍दुराङ काम खाबाच्‍योक खाला ङ्योकोननी सत्‍यते बातला जे साला दुक थेकामा लोप्‍क्‍यो। थोक ईन्‍देकी ङ्योकोनगी सत्‍यते बातकामा लापा ओत सिन मि गाङेकी सिरा थुप्‍क्‍यो।

कलस्‍सी 2:8

ख्‍योकोन च्‍याङबो खाला देत। सुइँदेकी दोक दोक खासीन लेमु ओङगो सिरजीन थेबे बात माङेन। थेबेकी लोप्‍च्‍येते बातनी छ्याःङ काम लै मिक्‍किच्‍येते ईनराङ मेन्‍दे बात ईन। थोक्‍ते बातनी दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति बातकामा ईन। थोक्‍ते बात ख्रीष्‍ट सु ईन्‍दे, चुक्‍ते ईन्‍दे सिरच्‍येते बातताङ बान्‍दा मिडिगो।

१ तिमोथी 6:3

थेमे सुइँदेकी ङे लापाच्‍योक मेन्‍गीन खुदुकराङ बात लाप्‍ला ङुरूङ प्रभु येशू ख्रीष्‍ट सत्‍यते बातताङ मिडिक्‍च्‍येते बात लाप्‍सीन थेमे परमेश्‍वरला चुक खाला माने खिता फाप्‍कीते सिन लापा ओताच्‍योक खाईन मालाप्‍सुङ सासीन

२ तिमोथी 2:20

थेमे दि बादोङ विचार खि। च्‍यि सासीन छ्ये छ्ये मि खाम्‍बाला सेरताङ चाँदी स्‍यीकामा मेन, सबी स्‍यीताङ स्‍यिङगी नोततेबाङ ओङगो। सेरताङ चाँदी स्‍यीचेन साप साजीन थेमे भोज लै खित्‍जीन चले खिओ। तर स्‍यिङताङ सबी नोतचेन ज्‍येन कामगी लाईदु चले खिओ।

२ तिमोथी 3:13

थेमे मेलेबा काम खित्‍कानताङ ज्‍येनला छक्‍के खित्‍कान्‍ते मिओनचेन होथोक्‍ते कामकामा खिन देत्‍ला झन झन ङ्येकीन डुइओ। थोक खित्‍जीन थेबेकी ज्‍येनलाङ ङ्ये ज्‍युत्‍क्‍यो, खोपरोङोङ ङ्येक्‍यो।

२ तिमोथी 3:7

थेबेकी ज्‍येनगी लापाते बात जहिलेङ छ्या स्‍येबा छोल्‍ग्‍यो। थोक ईन्‍सीनोङ सत्‍यते बात च्‍यि ईन्‍दे सिन नोमुङ छ्या स्‍येबा मुथुबो।

२ तिमोथी 4:3

ङे च्‍यिला दोक साबाते ईन्‍दे सासीन था समयज्‍यीक ओङगो। थेजीनचेन मिओनला मिकी ङेन्‍दा फाप्‍च्‍येते सत्‍यते बात ङेन्‍दाला गाराङ मालाङो। बरू जसकी खोपरोङला ङेन्‍दा सेम लाङच्‍येते बात लोप्‍कीदुक होथोक्‍ते मि काल्‍बेईला रूला गा खिन थेबे बात ङेन्‍ग्‍यो।

हिब्रू 13:9

बात दोक ईन्‍देकी परमेश्‍वर बात ईन सिन थे बातताङ डिकराङ मिडिक्‍च्‍येते खुदुक खुदुकते बात ङेन्‍ला छक्‍के माकेत। परमेश्‍वरगी दया खाबा ओतेकी खित्‍सादु होथोक्‍ते बातला नामज्‍योक मेसेता खाला छ्याःङ शंका मिक्‍किता खाला थेला विश्‍वास खिन देता लेमु ईन। दि सा ओङगो, थे सा मेङगो सिरच्‍येते नियम ङेन्‍ला सुङलाङ छ्याःङ फाइदा मेत।

१ पत्रुस 1:7

मेला लुगीन ताकीन सक्‍कली दुका सिन छ्या स्‍येबाते सेरोङ ङीमाई छ्याःङ काम लै मिक्‍किच्‍या डुइओ। सेर आउदी दामी चीज ईन्‍सीनोङ दि भन्‍दाङ ख्‍योकोनगी येशू ख्रीष्‍टला खिन ओताते विश्‍वास झन आउदी छ्ये ईन। दोक्‍ते परी परीतेन्‍दे दुक्‍पा ओङजीनराङ ख्‍योकोनगी थेला पक्‍काराङ खाईन विश्‍वास खाबाते ईन्‍दाकाना मेन्‍दाका सिन छ्या स्‍येक्‍यो। जति दुक्‍पा ओङजीनोङ सेम मेसेता खाईन थेला विश्‍वास खिनराङ देत्‍सीन था थे ग्‍युरला ओङे छोमु परमेश्‍वरगी ख्‍योकोनला आउदी लेमु खासुङ सिन साला थे खोरोङगी ज्‍वा चाला च्‍योकराङ लेमु जोला मान तेरग्‍यो।

छ्या स्‍ये च्‍युताते बात 2:14

थोक ईन्‍सीनोङ ङे ख्‍योकोनला सिरा फाप्‍च्‍येते बातज्‍यीक बात ङि ओत। च्‍यि सासीन ख्‍योकोन नाङ लाला लाला बालामगी लापाते बात ङेन्‍कान दुक। बालामगीचेन बालाक गेल्‍बोला ल्‍हाला पूजा खाबाते सोसीन ओङगो, रन्‍डीबाजी थेमे होदि च्‍योक्‍ते खिता मेङच्‍येते काम खासीनोङ ओङगो सिन लाप्‍कीन बिन्‍गीन इस्राएलीओनला थोक खित च्‍युता ओतान।

छ्या स्‍ये च्‍युताते बात 21:18

थे गारोचेन स्‍फटिक सिराते युईते जोबा ओतान। थेमे थे सारचेन सिसा च्‍योकराङ जेसुकै छ्याङे थोङा थुप्‍च्‍याज्‍यीक सक्‍कलीते सेरगी जोबा ओतान।

छ्या स्‍ये च्‍युताते बात 3:18

थोगी ङा ख्‍योकोनला च्‍यि खि सिते सासीन खेराङला जेसुकै दाङस्‍यीत ख्‍योप्‍स्‍यीत सिन मेला लुगीन ताकीन सक्‍कली दुका सिन छ्या स्‍येबाते सेर ङात्ताङ ङ्यो, ङोचा लाङच्‍या पेर्दुङबाराङ ओतेकी खोन्‍दाला ख्‍योकोनगी ङात्ताङ ओताते खापाङ छ्याःङ दाग माखोबाते खोलाक कार्मुते ङ्योला खोन थेमे खेराङ मिगी थोङस्‍यीत सिन ङात्ताङ ओताते मलम ङ्योला कु।