१ कोरिन्‍थी 3:11 - जिरेल

¹¹ थेमे ङुरूङते तिङाते जगचेन येशू ख्रीष्‍टकामा ईन। सुङगीङ था ज्‍येन जग दिङा मुथुबो।

१ कोरिन्‍थी 3:11 Iomraidhean Croise

मत्ती 16:18

पत्रुस, खुई मिनगी अर्थ दो साबाते ईन। थोगी ङा खोल्‍ला च्‍यि सिते सासीन दोई जगी लाक्‍तु खाम्‍बा ज्‍वा च्‍योकराङ ङाङ ङाराङ मिओन खुई छ्य्‌वापेकीराङ ओङ ज्‍युत्‍क्‍यो। थेमे थेबाला शैतानगीङ ग्‍याल्‍ला नरककुण्‍डमा लुबा मुथुबो।

१ कोरिन्‍थी 3:10

परमेश्‍वरगी ङाला दया खाईन थे खोरोङ काम खि साबा ओतेकी ङे खाम्‍बा ज्‍वाप्‍ला आउदी सिपालु ओताते मिकी च्‍योकराङ खाईन जग तिङाप। ज्‍येनगीचेन दि जगी लाक खाम्‍बा जोइन ओत। तर खाम्‍बा जोकान्‍ते मिकी थे खोरोङगी चुक खाला जोइन ओते सिन लेमु खाला छ्या स्‍येबा फाप्‍क्‍यो।

१ कोरिन्‍थी 3:12

दि जगी लाकराङ कोईकी सेरगी खाम्‍बा जोओङ। कोईकी चाँदी खाम्‍बा जोओङ। थोकराङ खाला कोईकी आउदी महँगो महँगोते युईते, कोईकी स्‍यिङगीते, कोईकी काम्‍बाते चेते थेमे कोईकीचेन पराल खाम्‍बा जोओङ।

एफिसी 2:20

येशू ख्रीष्‍टकी खटे खाबाते मिओनताङ परमेश्‍वर बात खित्‍कान्‍ते मिओनगी तिङाते जगी लाक गारो चिबाच्‍योक खाईन ख्‍योकोनला ज्‍याक्‍पा ओत। थे जगीते आउदी काम लै खित्‍च्‍येते थे मेताला छ्याःङ खिता मुथुप्‍च्‍येते दोचेन येशू ख्रीष्‍टराङ ईन।

२ तिमोथी 2:19

तर परमेश्‍वर सत्‍यते बातचेन नोमुङ माराम्‍च्‍या खाईन तिङाते खाम्‍बे जग च्‍योकराङ ईन। थे बात नोमुङ खुदुक मोन्‍डोओ। खइँदा खाम्‍बा च्‍यि लाईदु जोबाते ईन्‍दे सिन खाम्‍बे दोज्‍यीकला कोरगीन टिबाते बात च्‍योक खाईन परमेश्‍वर सत्‍यते बातला दोक दोक सिन टिबा ओत। चुक सासीन “थे खोरोङ मि सु सु ईन्‍दे सिन प्रभु परमेश्‍वरगी लेमु खाला छ्या स्‍येक्‍यो,” थेमे “प्रभु परमेश्‍वर मि ईन सिन सिरकान गाङेकी मेलेबा काम खिता तोङा फाप्‍क्‍यो,” सिन टिबा ओत।

१ पत्रुस 2:4

ख्‍योकोन येशू ख्रीष्‍ट दोन्‍दु ग्‍युक। थेचेन कर्मीओनगी कामराङ लै मिक्‍किओ सिन क्‍युराते तर परमेश्‍वरगी आउदी काम लै खित्‍च्‍येते सिन छाने खाबाते दो ईन। थे सोम्‍बो ओत।