१ कोरिन्‍थी 3:10 - जिरेल

¹⁰ परमेश्‍वरगी ङाला दया खाईन थे खोरोङ काम खि साबा ओतेकी ङे खाम्‍बा ज्‍वाप्‍ला आउदी सिपालु ओताते मिकी च्‍योकराङ खाईन जग तिङाप। ज्‍येनगीचेन दि जगी लाक खाम्‍बा जोइन ओत। तर खाम्‍बा जोकान्‍ते मिकी थे खोरोङगी चुक खाला जोइन ओते सिन लेमु खाला छ्या स्‍येबा फाप्‍क्‍यो।

१ कोरिन्‍थी 3:10 Iomraidhean Croise

मत्ती 24:45

थेजीनसाक ख्‍योकोन चुक खिन देता फाप्‍कीते सासीन मालिकतेकी कोत्‍कीन ज्‍याक्‍पाते ङेन्‍ला लेमु खाला काम खित्‍कान्‍ते मि च्‍योकराङ ओङा फाप्‍क्‍यो। थोक्‍ते मिलाचेन मालिकतेकी थे खोरोङ खइँसापा डोजीन थे खाम्‍बादुराङ काम खित्‍कान्‍ते ज्‍येनतेबाला लेमु खाला साप थुङा बिना सिन खाम्‍बे कामओन जिम्‍मा बिन्‍ला डुइओ।

मत्ती 7:24

बात दोक दोक ईन्‍देकी थाल्‍लासाक ङे साबाते बाततेबा ङेन्‍ला खि साबा च्‍योकराङ खित्‍कान्‍ते मिचेन लेमु खाला विचार खाला खाम्‍बा जोकान्‍ते मि च्‍योक्‍ते ईन। थोक्‍ते मिकीचेन लेमुते ठाउँ छाने खाला जस्‍तो ओङजीनोङ माराम्‍च्‍या खाला जग तिङला खाम्‍बा जोइओ।

लूका 11:35

थोगी मिक लेमु मेत्‍ला नाम्‍दाकला मेन्‍देकी मुन्‍दाकला देता माफाप्‍स्‍यीत सिन ख्‍योकोन च्‍याङबो खाला देत।

लूका 21:8

थोक सिरजीन येशूकी “च्‍याङबो खाला देत। सुङगीङ ख्‍योकोनला छक्‍के खाला ङे छ्य्‌वापेई मेडेल्‍स्‍यीत। परमेश्‍वरगी मिओनला जोए खिताला तोङगो साबाते मि ङाराङ ईन। था दि जुग सिन्‍दे बेला लेप्‍सुङ सिन सिरकान्‍ते मि था काल्‍बेई ओङगो। थेबे बात ङेन्‍ला ख्‍योकोन थेबे तिङ माङ्योक।

शक्ति काम 18:27

तिरी अपोल्‍लोसकी अखैये लुङबापा डोच्‍येते बात खित्‍जीन एफिससदु ओताते आज्‍यो न्‍वाओनगीङ थेला थेपा गाल्‍सीन लेमु ईन सिन साकीन च्‍याकीन अखैयादु ओताते येशू चेलाओनला थेला थेपा वानामेकी लेमु खि सिन चिट्ठीज्‍यीक टिकीन बिन्‍गीन ताङसुङ। थेपा लेप्‍नामेकी थेकी परमेश्‍वर दयेकी खित्‍सादु थेरू येशूला विश्‍वास खिताला स्‍यूबाते थेबा गाङेला आउदी मद्धत खासुङ।

रोमी 1:5

जात जातकी मि गाङेकी थे खोरोङला विश्‍वास खाला थे खोरोङगी साबाते ङेन्‍स्‍यीत थेमे थे खोरोङ चुक छ्ये ईन्‍दे सिन छ्या स्‍येस्‍यीत सिन थेबाला गा लाङच्‍येते बात लोपाला परमेश्‍वरगीराङ दया खाईन ङ्योकोनला खटे खाबाते ईन।

रोमी 12:3

परमेश्‍वरगी ङाला दया खाईन थे खोरोङ काम खि साबा ओतेकी ङा ख्‍योकोन गाङेला दि बातओनोङ सिओ। च्‍यि सासीन खेराङगी च्‍यि खिता थुप्‍कीते सिन लेमु खाला विचार मिक्‍किता खाला ख्‍योकोन सुङगीङ ङा जेङ खिता थुप्‍क्‍यो सिराच्‍योक खाला छ्ये माकेत। परमेश्‍वरगी खेराङला च्‍यि खित्‍च्‍येते सीप कि शक्ति बिन्‍ला दुका ङाला परमेश्‍वरगी दोस्‍यिकराङ खि साबाते ईन सिन विश्‍वास खाला ख्‍योकोनगी थेकी खि साबा भन्‍दाङ ल्‍हाक्‍पा खिता थुप्‍क्‍यो सिराच्‍योक माकेत।

रोमी 15:15

ईन्‍सीनोङ ख्‍योकोनगी छ्या स्‍येबा ओताते बात टोक मेज्‍येता खाला झन लेमु खाला छ्या स्‍येस्‍यीत सिन ङे दि चिट्ठीला कोई कोई बात छ्याःङ ज्‍यीबा मिक्‍किता खाईन टिबा ओत। परमेश्‍वरगी ङाला दया खाईन थे खोरोङ काम खि साबा ओतेकी ङे ख्‍योकोनला दोक खाईन टिबाते ईन।

रोमी 15:20

दोक खित्‍जीन ङा ज्‍येन मिकी ज्‍युबाते कामला स्‍यूक्‍पाच्‍योक खाईन गोमाका ज्‍येनगी थे बात लाप्‍कीन बिन्‍दाते ठाउँला मागाल। बरू ङेचेन येशू ख्रीष्‍ट सु ईन्‍दे सिन नोमुङ थे बात थोबा मेताते ठाउँला गाल्‍ला गा लाङच्‍येते बात लोपा फाप्‍क्‍यो सिन थोक्‍ते ठाउँला थे बात लोप गालाप।

१ कोरिन्‍थी 3:11

थेमे ङुरूङते तिङाते जगचेन येशू ख्रीष्‍टकामा ईन। सुङगीङ था ज्‍येन जग दिङा मुथुबो।

१ कोरिन्‍थी 9:2

ज्‍येनगी ङाला येशू ख्रीष्‍टकी खटे खाबाते मि मेन खिदुक्‍लो। ख्‍योकोनगीनी थोक मिसिरो सिन ङाला छ्या ओत। च्‍यिला सासीन ङे ख्‍योकोन नाङ गा लाङच्‍येते बात लाप्‍नामेई ख्‍योकोनगी प्रभु येशूला विश्‍वास खाबेकी ङा येशू ख्रीष्‍टकी खटे खाबाते मि ईन सिरच्‍येते बात लेमु खाला छ्या स्‍येक्‍यो।

२ कोरिन्‍थी 10:15

लोक्‍ला ङ्योकोननी ज्‍येनगी खाबाते कामला ङ्योकोनगीका खाबाते ईन सिराच्‍योक खाला छ्येङ मिक्‍किओ। बरू ख्‍योकोनगी प्रभु येशूला झन लेमु खाला विश्‍वास खिन गाल्‍नामेई परमेश्‍वरगी ङेराङला ख्‍योकोन नाङ खि साबाते काम झन काल्‍बा खिता थुप्‍क्‍यो सिरच्‍येते आश ओत।

एफिसी 2:20

येशू ख्रीष्‍टकी खटे खाबाते मिओनताङ परमेश्‍वर बात खित्‍कान्‍ते मिओनगी तिङाते जगी लाक गारो चिबाच्‍योक खाईन ख्‍योकोनला ज्‍याक्‍पा ओत। थे जगीते आउदी काम लै खित्‍च्‍येते थे मेताला छ्याःङ खिता मुथुप्‍च्‍येते दोचेन येशू ख्रीष्‍टराङ ईन।

कलस्‍सी 1:29

मिओन थोक खाला देता थुप्‍स्‍यीत सिनराङ ङा दुक्‍पा खाला खाला दि बाततेबा ज्‍येनला लोप्‍क्‍यो। ङाराङगी थुपासम्‍म स्‍याप स्‍याप खाईन काम खासीनोङ ङाला थोक खिताला छ्येज्‍यीक शक्ति तेरकान्‍तेचेन ख्रीष्‍टराङ ईन।

कलस्‍सी 4:17

थेमे अर्खिप्‍पसला च्‍यि सिसे सासीन प्रभु येशूकी थे खोरोङला जिम्‍मा बिन्‍दाते काम मासिनथुप खिनराङ देत सि।

१ थिस्‍सलोनिकी 3:2

ङुरूङ न्‍वा तिमोथीला ख्‍योकोन ओत्‍सापा ताङा ओतान। तिमोथीङ ङ्योकोनताङराङ परमेश्‍वर काम खिन मिओनला ख्रीष्‍टते गा लाङच्‍येते बात लोप्‍कान्‍ते मिराङ ईन सिन ख्‍योकोनला सिरा माफाप्‍तासीन। ज्‍येनगी दुक्‍पा तेरजीन ख्‍योकोन सुङगीङ प्रभु येशूला विश्‍वास खिता तोङा मेङगो, बरू जति दुक्‍पा ओङसीनोङ सेम मेसेता खाला थेला विश्‍वास खिनराङ देता फाप्‍क्‍यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्‍वास खाबेकी खित्‍सादु ङुरूङगी दुक्‍पा भोगे खिता फाप्‍क्‍यो सिन ख्‍योकोनला लेमु खाला छ्याराङ ओत।

१ तिमोथी 4:16

खोरोङगी चुक खिन ओते, चुक्‍ते बात लोप्‍कीन ओते सिन लेमु खाला विचार खिन देत। खुई दोक खिन देत्‍सीन खोरोङगी थेमे खुई लापाते बात ङेन्‍कान्‍ते मिओनगी तिरी पापकी सजाय भोगे खिता माफाबो।

२ तिमोथी 2:15

परमेश्‍वरगी खोरोङला लेमु खाला काम खित्‍कान्‍ते मि ईन सिरस्‍यीत सिन खुईचेन लेमु काम खित्‍च्‍ये छ्य्‌वापाकामा स्‍येत खि। थोक ओङला थे दोन्‍दु खोरोङगी छ्याःङ ङोचा खिता माफाप्‍स्‍यीत सिन सत्‍यते बात लोप्‍जीन खुई च्‍यि बात चुक खाला लोपा फाप्‍च्‍येते ईन्‍दे होथोकराङ खाला लोप।

याकूब 3:1

आज्‍यो न्‍वावे, ज्‍येनला परमेश्‍वर बात लोप्‍कान्‍ते मि ओङाला ख्‍योकोन थोप्‍सुम माकेत। ज्‍येनला परमेश्‍वर बात लोप्‍कान ङ्योकोनला परमेश्‍वरगी झन कडा खाला न्‍याय खिओ सिन ख्‍योकोनला छ्याराङ ओत।

१ पत्रुस 4:11

च्‍यि सासीन ज्‍येनला परमेश्‍वर बात लोप्‍कान्‍तेकी परमेश्‍वरगी जे साला दुक थेराङ लोप। थेमे ज्‍येनला ता फाप्‍कानगीङ परमेश्‍वरगी ङाला थोक खित्‍च्‍येते शक्ति बिन्‍दाते ईन सिन थे काम खि। दोक खाला जसकी जे खासीनोङ येशू ख्रीष्‍ट छ्य्‌वापेकी परमेश्‍वरते जय जय खित्‍च्‍येते काम खि। परमेश्‍वरते सधैँभरि जय जय ओङस्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

२ पत्रुस 3:15

मिओन पापकी सजायदुकी थारस्‍यीत सिनकामा प्रभु परमेश्‍वर थोरूमसाक सजाय मेतेरा खाईन गुकीन देताते ईन। परमेश्‍वरगी छ्या स्‍ये च्‍युत्‍कीन बिन्‍दा ओतेकी ङुरूङ ङिङज्‍येते आज्‍यो पावलगीङ परमेश्‍वर च्‍यिला गुकीन देताते ईन्‍दे सिन बात खित्‍जीन ख्‍योकोनला दि बातराङ टिबा ओत।

छ्या स्‍ये च्‍युताते बात 21:14

थे सारगी गारोते जग च्‍युन्‍ङी ओतान। थे जगओन लाक्‍तुचेन लुई रीउकी खटे खाबाते मेन्‍दा च्‍युन्‍ङी मिओन मिन टिबा ओतान।

छ्या स्‍ये च्‍युताते बात 21:19

गारो जगओनचेन आउदी लेमुते खुदुक खुदुकते यु लुगीन जोबा ओतान। गाङे भन्‍दा गोमे जगचेन स्‍फटिक सिराते युईते, थे तिरी जग नीर सिराते युईते,