१ कोरिन्‍थी 3:1 - जिरेल

¹ आज्‍यो न्‍वावे, ङे ख्‍योकोनताङ परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिओनताङ च्‍योक खाईन बात खिता माथुप्‍सुङ। बरू दाक्‍पोन खुशीला ख्‍याम्‍कान्‍ते मिओनताङ च्‍योक खाईन बात खिता फाप्‍सुङ। ख्रीष्‍टला विश्‍वास खित्‍च्‍येते बात विचार खित्‍जीन ख्‍योकोन थोरूमसाक पाको गाला मिन्‍दुक, बालकते फिजा च्‍योकराङ दुक।

१ कोरिन्‍थी 3:1 Iomraidhean Croise

मत्ती 16:23

थोक खित्‍जीन ख्‍युर ग्‍युरगीन थेकी थेला “शैतान, खो दुरू ङे मिगी दोन्‍दु मादेत। खो ङे काम ङ्ये ज्‍युता छोल्‍गीदुक। परमेश्‍वरगी दोक खाला काम मिक्‍किओ। खुई साबाते दि बातनी परमेश्‍वरगी खित्‍च्‍येते कामताङ डिकराङ मिडिक्‍च्‍येते ईन,” सिन ङारसुङ।

रोमी 7:14

परमेश्‍वर नियमचेन परमेश्‍वरगीराङ बिन्‍दाते ईन सिन ङुरूङला छ्या ओत। ङाचेन परमेश्‍वरगी खि साबाच्‍योक खिता मुथुप्‍कान्‍ते मिकामा ईन। थेमे पापकी योक्‍पो च्‍योकराङ ओङा ओतेकी ङे खालि मेलेबाते कामताङ बात खिता फाप्‍कीदुक।

१ कोरिन्‍थी 14:20

आज्‍यो न्‍वावे, था ख्‍योकोनगी लेमुताङ मेलेबा डेला मुथुप्‍कान्‍ते फिजा च्‍योक माकेत बरू छारगीन लेमु खाईन बुद्धि स्‍यूबाते मिकी च्‍योक खाला काम खि। मेलेबाते कामचेन छ्याःङ खिता मास्‍येबाते बालकते फिजा च्‍योक ओङला देत।

१ कोरिन्‍थी 14:37

सुइँदेकी ङा परमेश्‍वरगी सिर च्‍युताते बात खित्‍कान्‍ते मि ईन कि परमेश्‍वर आत्‍मेकी ङाला थोक खित्‍च्‍येते शक्ति बिन्‍दा ओत खिदुक सासीन थोक्‍ते मिला ङा दि बात सिओ। च्‍यि सासीन थेकी ङे टिबाते दि बातओन प्रभु येशूकीराङ खि सिन कोताते ईन सिन छ्या स्‍येबा फाप्‍क्‍यो।

१ कोरिन्‍थी 2:6

ईन्‍सीनोङ बात लेमु खाला खोबा थुप्‍कान्‍ते पाकोते मिओनताङचेन ङ्योकोन बुद्धि बादोङ खिओ। तर ङ्योकोनगी खित्‍च्‍येते बुद्धि बातचेन दि सा लुङबे मिओन थेमे ज्‍येनला राज्‍य खित्‍कान्‍ते मिओनगी खित्‍च्‍येते बुद्धि बात च्‍योक्‍ते मेन। थे छ्ये छ्ये मिनी ङीमाई दाक स्‍यिला थेबेते जेसुकै तोरला डुइओ।

गलाती 6:1

आज्‍यो न्‍वावे, ख्‍योकोन नाङ सुइँदेकी गल्‍ती खासीन परमेश्‍वर आत्‍मेकी खि साबाच्‍योक खित्‍कान ख्‍योकोनगीचेन खेराङगीङ दाक गल्‍ती खिता थुप्‍क्‍यो सिन टोक मेज्‍येता खाला थेकी थोक खाबाते लेमु मेन, थानामेकी थोक माकेत सिन खा छ्येत लेमुकीराङ सम्‍झे खाला बिन।

हिब्रू 5:13

शुरू शुरूला लोप्‍च्‍येते बातकामा ङेन्‍गीन देत्‍कान्‍ते मिचेन नुमा थुङकान्‍ते फिजा च्‍योकराङ ईन। परमेश्‍वरगी खि साबाते काम च्‍यि ईन्‍दे सिन थेकी लेमु खाला डेला मुथुबो।

१ यूहन्‍ना 2:12

फिजावे, येशू ख्रीष्‍टकी खाबाते कामगी खित्‍सादु ख्‍योकोन पाप माफ ओङा ओतेकी ङा ख्‍योकोनला दि बात टिगीन ओत।