१ कोरिन्‍थी 2:9 - जिरेल

⁹ दि बात थेबा सुङगीङ छ्या मास्‍येसीनोङ परमेश्‍वर बातला चुक सिन टिला दुका सासीन “सुङगीङ माथोङाते, माथोबाते थेमे मिकी दोक ओङगीता सिन नोमुङ विचारराङ माक्‍याबाते कामतेबा परमेश्‍वरगी थे खोरोङला ङिङज्‍ये खित्‍कान्‍ते मिओनला खाला तेरग्‍यो सिन ठीक खाबा ओत,” सिन साला दुक।

१ कोरिन्‍थी 2:9 Iomraidhean Croise

मत्ती 20:23

याङराङ थेकी “ईन्‍दाका ख्‍योकोनगीङ ङे च्‍योकराङ दुक्‍पा भोगे खिता फाप्‍क्‍यो। ईन्‍सीनोङ तिरी सु सुला थोक छ्येज्‍यीक मान बिन्‍ला ङाराङ फारताङ छुरला ज्‍य्‌वाच्‍ये सिरच्‍येते अधिकारचेन ङात्ताङ मेत। आबेकी ङे फारताङ छुरला देताला छाने खाबाते मिओनराङ थोक खाला ङात्ताङ देत्‍क्‍यो,” सिन सिदुक।

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

यूहन्‍ना 3:16

चुक सासीन परमेश्‍वरगी दि सा लुङबे मिओनला आउदी ङिङज्‍ये खाईन थे खोरोङते दोक्‍पोईकामा ओताते फुज्‍युङोङ देमा ताङसुङ। थोगी परमेश्‍वर फुज्‍युङला विश्‍वास खित्‍कान्‍ते मिचेन सुङ नरककुण्‍डमा स्‍यूक्‍पा माफाबो, थेबा गाङेकी नोमुङ मिसिन्‍च्‍येते जुनी ङेत्‍क्‍यो।

रोमी 8:28

थेमे दि बादोङ ङुरूङला लेमुराङ खाला छ्या ओत। च्‍यि सासीन परमेश्‍वरला ङिङज्‍ये खित्‍कान्‍ते मिओनलाचेन दुक्‍पा किम्‍मु जेराङ ओङसीनोङ परमेश्‍वरगी लेमुराङ ओङ ज्‍युत्‍क्‍यो। थेबे लाईदु थे खोरोङगी खिओ साबाते काम खिताप सिन परमेश्‍वरगी थेबाला थे खोरोङ दोन्‍दु स्‍योक सिन काताङाते ईन।

हिब्रू 11:16

तर था थेबा देताला डुइन ओताते लुङबानी खोपरोङगी ताङगीन वाबाते लुङबा भन्‍दाङ खापान खापान लेमुते ईन। थेचेन स्‍वर्गने ओत। थोगीराङ खोचेन अब्राहाम, इसहाक थेमे याकूबकी माने खाबाते परमेश्‍वर ईन सिरजीन थेला छ्याःङ ङोचा मालाङो। थेबे परमेश्‍वर ईन्‍देकीराङ थेकी स्‍वर्गने थेबा देत्‍च्‍येते सारोङ जोबा ओत।

याकूब 1:12

थेमे दुक्‍पा ओङजीन खपे खिन देत्‍कान्‍ते मि भाग्‍यमानी ईन। च्‍यिला सासीन थोक्‍ते दुक्‍पा खपे खाईन सिन्‍नामेकी थोक्‍ते मिला परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते इनाम तेरग्‍यो। थे इनामचेन नोमुङ मिसिन्‍च्‍येते जुनी ईन।

याकूब 2:5

ङिङज्‍येते आज्‍यो न्‍वावे, दि बात लेमु खाला ङेन। येशू ख्रीष्‍टला विश्‍वास खित्‍कान्‍ते मि ओङला थे खोरोङ राज्‍यदु देताला च्‍यि परमेश्‍वरगी ज्‍येनगी छ्याःङज्‍यीक खाङज्‍यीक मेताते मि ईन सिरच्‍येते मिओनलाराङ छाने खाबाते मेनरो? था थेबा परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते राज्‍यदु देता ङेत्‍क्‍यो।

१ पत्रुस 1:12

परमेश्‍वरगी खोपरोङला सिर च्‍युताते होदि बातओन थेबा खोपरोङ लाईदु मेन्‍देकी ख्‍योकोन लाईदु ईन सिन परमेश्‍वरगी थेबाला छ्या स्‍ये च्‍युता ओतान। थेबेकी साबाते होथे बाततेबा थरिङोला गा लाङच्‍येते बात लोप्‍कान्‍ते मिओनगी ख्‍योकोनला लाप्‍कीन बिन्‍दा ओत। दि गा लाङच्‍येते बात परमेश्‍वरगी स्‍वर्गनेकी ताङाते परमेश्‍वर आत्‍मे छ्य्‌वापेई थेबेकी ख्‍योकोनला लाप्‍कीन बिन्‍दा ओत। होदि बातओन परमेश्‍वर दूतओनगीङ आउदी खाला छ्या स्‍येबा सेम खिओ।

१ यूहन्‍ना 4:19

गोमा परमेश्‍वरगी ङुरूङला ङिङज्‍ये खासुङ। थोगी ङुरूङ दोक्‍पोईकी ज्‍येनज्‍यीकला ङिङज्‍ये खिओ।