लोक्ला चाङगी बुटे नाङला फाप्कीन केकीनोङ चाङगी बुटेकीराङ सोबाते सोन साबातेचेन थोरूमोङ ज्येन थरीज्यीक मिला साबाते ईन। थोक्ते मिओनगी स्वर्गे राज्य बातनी ङेन्ग्यो। ईन्सीनोङ साच्या थुङच्याताङ खोन्च्ये पीर थेमे सम्पत्ति लोभकी खित्सादु थेबेकी थोबाते बात दाक टोक ज्येत्ला छ्याःङ काम लै मिक्किओ।
१ कोरिन्थी 2:6 - जिरेल6 ईन्सीनोङ बात लेमु खाला खोबा थुप्कान्ते पाकोते मिओनताङचेन ङ्योकोन बुद्धि बादोङ खिओ। तर ङ्योकोनगी खित्च्येते बुद्धि बातचेन दि सा लुङबे मिओन थेमे ज्येनला राज्य खित्कान्ते मिओनगी खित्च्येते बुद्धि बात च्योक्ते मेन। थे छ्ये छ्ये मिनी ङीमाई दाक स्यिला थेबेते जेसुकै तोरला डुइओ। Faic an caibideil |
१ कोरिन्थी 2:6
36 Iomraidhean Croise
थेमे थेकी “खोल्ला परमेश्वरगी खि साबा साबा च्योककामा खाला साँच्चीराङ नोमुङ मिसिन्च्येते जुनी ङेता सेम लाङगीदुक सासीन था गाल्ला खोरोङते ओताते जति जेसुकै च्वाला पैसाचेन दुक्पा ङेताते मिओनला गोला बिन। थोक खासीन खुई मिनला स्वर्गने नोमुङ सिन्ला तोरला मोन्डोच्येते स्वर्गे सम्पत्ति जम्मा ओङला देत्क्यो। ङे थाल्ला साबाच्योक खाला खोरोङचेन ङात्ताङ ख्योम,” सिन सिदुक।
थेकी चुक चुक खाका सिरच्येते दि बात गाङे थाहा छ्येत्नामेकी धनीतेकी थेला ‘बिई, खुई चुक च्याङबो खाका। ङा ओत्सादुई थेन्नामेई खोल्ला था थे मिओनगीराङ सोइओ,’ सिन सादुक्लो। दि जुनी विचारकामा खित्कान्ते मिओनगी खोपरोङ काम आउदी च्याङबो खाला खिओ। बरू परमेश्वर बात ङेन्कान्ते मिओनगीङ दोक च्याङबो खाला काम खिता मेस्येओ।
आज्यो न्वावे, ङे ख्योकोनताङ परमेश्वर आत्मेकी खित ज्युता चालाच्योक खित्कान्ते मिओनताङ च्योक खाईन बात खिता माथुप्सुङ। बरू दाक्पोन खुशीला ख्याम्कान्ते मिओनताङ च्योक खाईन बात खिता फाप्सुङ। ख्रीष्टला विश्वास खित्च्येते बात विचार खित्जीन ख्योकोन थोरूमसाक पाको गाला मिन्दुक, बालकते फिजा च्योकराङ दुक।
थेमे दि बात ङ्योकोन छ्याःङ ज्यीबा मिक्किता खाला सिरा थुप्क्यो। च्यि सासीन ज्येनगी दोन्दु ईन्स्यीत, ख्योकोन दोन्दु ईन्स्यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्योबा खाईन परमेश्वरगी खि साबा च्योकराङ खाईन लेमुते कामताङ साँचोते बातकामा खाबा ओत। ङेराङ स्येतताङ बुद्धिकी खित्सादु ङ्योकोनगी थोक खिता थुपाते मेन। परमेश्वर दयेकी खित्सादुराङ थोक खिता थुपाते ईन।
लो आज्यो न्वावे, था ज्येन बातका च्यि सिरच्ये, ख्योकोनगी परमेश्वरगी खेराङला ज्वा चाला च्योकराङ लेमु मि ओङस्यीत सिन थोक्ते मि ओङच्ये छ्य्वापा स्येत खि। ङे लाःपा कोताते ङेन्ला था चुक खिता फाप्कीका थोककामा खि, ख्योकोन गाङेराङ सेमज्यीकराङ खाला डिक्ला थुन्ला देत। थोक खासीन गाङेला ङिङज्ये खित्कान्ते थेमे डिक्ला थुन्ला देत ज्युत्कान्ते परमेश्वर ख्योकोनताङ ङ्योम्बुराङ देत्क्यो।
ख्रीष्ट दोक खाला ज्येन ज्येन जातकी मि सेमगी नाङ देत्क्यो सिन ङ्योकोन मि गाङेला लोप्क्यो। च्यि सासीन ख्रीष्टताङ जीउज्यीकराङ ओङाते मिओन काम बात जे कुरोलाङ पाको गालाते मि ओङला परमेश्वर दोन्दु देता थुप्स्यीत सिन ङ्योकोनगी लोप्च्येते बात लेमु खाला ङेन सिन मि गाङेला दि बात परमेश्वरगी बिन्दाते बुद्धिकी लेमु खाला लोप्क्यो।
थोकराङ खाला खेराङ युलगी मि इपाफ्रासतेङ ख्योकोनला नमस्ते ओत्लो। थेङ येशू ख्रीष्ट काम खित्कान्ते मिराङ ईन सिन ख्योकोनला छ्याराङ ओत। ख्योकोन काम बात जे कुरोलाङ पाको गालाते मि ओङस्यीत थेमे परमेश्वरगी खेराङला च्यि खि सिका सिन लेमु खाला छ्या स्येला खि साबा च्योकराङ खित्स्यीत सिन दिकी ख्योकोन लाईदु परमेश्वरताङ आउदी खाला प्रार्थना खिदुक।
दोक मेन्देकी पाको गाल्गीन ज्येनलाङ लोपा थुप्कान्ते मिओनगीचेन परमेश्वर बात लेमु खाला खोबा थुप्क्यो। थेबाचेन छारगीन दाक्पोनगी मुरला साच्येते साप साकान्ते मि च्योक्ते ईन। होदोक्ते मिओनगीचेन च्यि खिता लेमु ईन्दे, च्यि मेलेबा ईन्दे सिन खोपरोङगीराङ छ्या स्येला दोक्ते बात जहिलेङ डेला थुप्क्यो।
बात दोक ईन्देकी था ङुरूङगी ख्रीष्ट सु ईन्दे, थेकी च्यि खासुङा सिन शुरू शुरूला लोपा फाप्च्येते बातओनकामा लोप्कीन मेदेता खाला होदोक्ते बात लेमु खाला खोबा थुप्कान्ते पाकोते मि च्योक ओङा फाप्क्यो। च्यि सासीन थाचेन ङुरूङगी नरककुण्डमा स्यूक्च्येते काम खिता ताङला परमेश्वर छ्य्वापा लै खाला थेला विश्वास खित्च्येते,
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
Sanasan