१ कोरिन्थी 2:4 - जिरेल4 ख्योकोनला येशू ख्रीष्ट सु ईन्दे सिरच्येतेताङ थेला स्यिङगी थामला टाँए खाईन सेताते बातओन लोप्जीन मिओनला बातकीराङ ल्वा थुप्कान्ते सिपालुते मिओनगी च्योक खाईन ङे ङाराङ बुद्धिकी मालाप बरू परमेश्वरताङ चुक छ्येज्यीक शक्ति ओते सिन ङेचेन परमेश्वर आत्मे छ्य्वापेई थे बातओन लापाप। Faic an caibideil |
१ कोरिन्थी 2:4
28 Iomraidhean Croise
थे खोरोङगी साबाच्योक खिओ सिन आश खाला देत ज्युत्कान्ते परमेश्वरराङ ईन। थेला विश्वास खित्कान ईन्देकी थेकी ख्योकोन गाङेला आउदी खाला गा खिन थेमे डिक्ला थुन्ला देत ज्युत्स्यीत सिन ङा प्रार्थना खिओ। थेकी थोक खानामेईचेन परमेश्वर आत्मे शक्ति छ्य्वापेकी ख्योकोन था परमेश्वरगी ङुरूङला खिओ साबाच्योक खिओतराङ सिन छ्याःङ शंका मिक्किता खाला झन आश खाला गुला देता थुप्क्यो।
ख्रीष्टकी ङाला मिओनला बप्तिस्मा बिन सिन खटे खाबाते मेन। ङालानी थेकी गा लाङच्येते बात लोपालाका खटे खाबाते ईन। थेमे थे बात लोप्जीन नोमुङ ङे आउदी पढे खाबाते मिओनगी च्योक खाईन बात माक्या। थोक खाबा ईन्सीन ख्रीष्टकी थे खोरोङ ज्यान बिन्गीन स्यिङगी थामला टाँए खाईन स्याप्ते बात छ्याःङ च्योक ओङच्या मेतान।
ङे दोक सिन सिनोङ थोरूमोङ च्यि परमेश्वरला मेन्देकी मिओनला खुशी ज्वाप्लाका ङे दि बातओन साबाते ईन्दासीन सिराच्योक लाङगीदुक? ना मिओनगी ङाराङला लेमु मि सिरस्यीत सिन ङे दोक साबाते ईन सिराच्योक लाङगीका? ङा थोक खाला मि मान छोल्कान्ते ईन्सीन ङा ख्रीष्टकी काम खित्कान्ते ईन सिन ङे चुक खाला सिरा थुप्च्या ओतानेरो?
च्यिला सासीन ङ्योकोनगी लोप्च्येते गा लाङच्येते बातचेन मि बातकामा मेन्देकी थे बातकी छ्य्वापेई परमेश्वरगी ख्योकोन नाङ छ्ये छ्ये शक्ति काम खासुङ। थे बात पक्काराङ सत्यते ईन सिन परमेश्वर आत्मे छ्य्वापेई लेमु खाईन छ्या स्येबेकी ङ्योकोनगी थे बात ख्योकोनला लेमु खाईन लोपा थुपाते ईन। थेजीन ख्योकोनताङ देत्जीन ख्योकोनला लेमु ओङस्यीत सिन ङ्योकोनगी चुक चुक खाबा ओताने सिन ख्योकोनला गाङे छ्या ओतेकी ङ्योकोनगी छ्याःङ सिरा माफाप्तासीन।
परमेश्वरगी खोपरोङला सिर च्युताते होदि बातओन थेबा खोपरोङ लाईदु मेन्देकी ख्योकोन लाईदु ईन सिन परमेश्वरगी थेबाला छ्या स्ये च्युता ओतान। थेबेकी साबाते होथे बाततेबा थरिङोला गा लाङच्येते बात लोप्कान्ते मिओनगी ख्योकोनला लाप्कीन बिन्दा ओत। दि गा लाङच्येते बात परमेश्वरगी स्वर्गनेकी ताङाते परमेश्वर आत्मे छ्य्वापेई थेबेकी ख्योकोनला लाप्कीन बिन्दा ओत। होदि बातओन परमेश्वर दूतओनगीङ आउदी खाला छ्या स्येबा सेम खिओ।
च्यिला सासीन थेबेकी काम लै खित्च्येते बात सिराते छ्याःङ मोलोबो। खोपरोङ जे बादोङ छ्या स्येकान ईन सिराच्योक खाला आउदी छ्ये छ्ये बात खिओ। दाक्पोन खुशी खिन दि सा लुङबे मिओनगी खित्च्येते च्योक्ते खिता मेङच्या ङोचा लाङच्येते काम खिता ताङगीन भर्खर भर्खर परमेश्वरला विश्वास खिताला स्यूबाते मिओनला दिबेकी होथोक्ते काम खासीन छ्याःङ मेङगो साला लोक्ला गोमा खाबाते होथोक्ते कामराङ खित ज्युत्कीदुक।
Sanasan