१ कोरिन्‍थी 2:3 - जिरेल

³ थेजीन ङा चुक खाला थे बातओन लेमु खाला लोपा थुप्‍कीका सिन थेतेकामा सुर्ता खिन ज्‍यीबा खिन देताप।

१ कोरिन्‍थी 2:3 Iomraidhean Croise

शक्ति काम 17:1

पावलबा ख्‍याम्‍गीन ख्‍याम्‍गीन अम्‍फिपोलिसताङ अपोल्‍लोनिये लामला खाईन थिस्‍सलोनिकादु लेप्‍सुङ। थेरूङ यहूदीओनते मिटिङ खित्‍च्‍येते खाम्‍बाज्‍यीक ओतान।

शक्ति काम 18:1

दि तिरी पावल एथेन्‍सदुकी कोरिन्‍थ सारनापा गाल्‍सुङ।

शक्ति काम 18:12

तर थेरू गल्‍लियो सिराते मि अखैये लुङबादु रोमी गेल्‍बो हाकिम ओङनामेई था पावलला खइँदा माक्‍याबाला मायाङसुङ सिन यहूदीओनगी डिगीन च्‍याकीन थेला जुम्‍गीन अड्डापा खेरसुङ।

शक्ति काम 18:6

तर थेरू काल्‍बा च्‍योक्‍ते यहूदीओनगी “खुई लापाते सत्‍यते बात ईनराङ मेन,” सिन थे विरोध खासुङ। थोक खानामेई पावलचेन “लो ख्‍योकोनगी ङे बात माङेन्‍सुङ। था तिरी परमेश्‍वरगी ख्‍योकोनला सजाय बिन्‍सीन थे खेराङ गल्‍तीकी खित्‍सादु ईन। ङेते छ्याःङ गल्‍ती मेत। थाचेन ङा ख्‍योकोनला ताङला ज्‍येन ज्‍येन जातकी मि ओत्‍साला डुइओ,” सिन थे खोरोङ खोलाकला खोबाते थाला समेदोङ टाक टाक खाईन

२ कोरिन्‍थी 10:1

थेमे ज्‍येन बात कोई कोईकी ङा ख्‍योकोन दोन्‍दु ओत्‍जीनचेन बात खितालाङ ज्‍यीबा खिन ओतान, थारीला गाल्‍नामेईचेन ङाराङ ईन सिराच्‍योक खाला बात खित्‍च्‍याक्‍वा सिन ङे बात खिदुक्‍लो। था ङा पावल ख्रीष्‍टकी खाबा च्‍योकराङ ङाराङ ईन सिराच्‍योक मिक्‍किता खाला थेमे स्‍येदाङ मिक्‍किता खाला ख्‍योकोनताङ बात खितामीन।

२ कोरिन्‍थी 10:10

ख्‍योकोन कोई कोईकी “पावलगी खालि थारीला गाल्‍नामेईकामा स्‍येदाङ खिन दोक खिताङ थोक खि सिन कोत्‍ला चिट्ठी टिइदुक। ङुरूङताङ ङ्योम्‍बु ओत्‍जीनचेन थेकी ङेन्‍गीन देत्‍की सिराच्‍योक खाला बादोङ खिता मुथुबो, थे चुकस्‍यिक ओते सिन ङुरूङला छ्या ओत,” सिन बात खिदुक्‍लो।

२ कोरिन्‍थी 13:4

ईन्‍दानी मिओनगी स्‍यिङगी थामला टाँए खाला सेत्‍जीन थे छ्याःङ खिता मुथुप्‍कान्‍ते च्‍योकराङ थोङा ओतान। थोक ईन्‍सीनोङ परमेश्‍वरगी थे खोरोङ शक्तिकी थेला सोम्‍बो लोक्‍पेकी थे सोम्‍बोराङ ओत। ख्रीष्‍टताङ जीउज्‍यीकराङ ओङाते मि ङ्योकोनलाङ मिओनगी छ्याःङ खिता मुथुप्‍कान्‍ते च्‍योकराङ थोङगो। ईन्‍सीनोङ ङ्योकोनगी ख्‍योकोन नाङ खित्‍च्‍येते गाङे काम ख्रीष्‍टताङ जीउज्‍यीकराङ ओङगीन परमेश्‍वर शक्ति छ्य्‌वापेकी खित्‍च्‍येते ईन।

२ कोरिन्‍थी 13:9

थेमे ङेराङ छ्याःङ खिता मुथुप्‍कान्‍ते च्‍योक थोङसीनोङ ख्‍योकोन लेमु खित्‍कान ओङसीन ङ्योकोनला गा लाङगो। परमेश्‍वरगी ज्‍वा चाला च्‍योकराङ ख्‍योकोन लेमु मि ओङस्‍यीत सिनोङ ङ्योकोन प्रार्थना खिओ।

२ कोरिन्‍थी 4:1

परमेश्‍वरगी ङ्योकोनला दया खाईन दि जमान बात लोप सिन जिम्‍मा बिन्‍दाते ईन्‍देकी ङ्योकोन सेम मेसेदो।

२ कोरिन्‍थी 4:16

बात दोक दोक ईन्‍देकी ङ्योकोन नोमुङ सेम मेसेदो। ङेराङ स्‍येत घटे खिन खोले खोले छ्याःङ खिता मुथुप्‍च्‍या डुइन ओत्‍सीनोङ परमेश्‍वरगी बिन्‍दाते नोमुङ मिसिन्‍च्‍येते जुनीचेन दोक डुइन मोन्‍डोओ सिन ङीमे ठाङमा झन झन लेमु खाला छ्या स्‍येकीदुक।

२ कोरिन्‍थी 6:4

बरू ङेत परमेश्‍वर काम खित्‍कान ईन्‍देकी थोक्‍ते मिकी खिता फापा च्‍योकराङ खाला काम खिओ। च्‍यि सासीन जति दुक्‍पा ओङसीनोङ ङ्योकोन थोक्‍ते दुक्‍पा खपे खिन देत्‍क्‍यो। ज्‍येनगी दुक्‍पा तेरजीनोङ, आपत् विपत् आइ परे खित्‍जीनोङ थेमे पीर लाङजीनोङ ङ्योकोन सेम मेसेता खाला देत्‍क्‍यो।

२ कोरिन्‍थी 7:15

था दिकी च्‍यि खिताना, चुक सिताना सिन ज्‍यीबा खिन ख्‍योकोनगी थेला डोम्‍बोला च्‍योक खाईन लेमु खाबाते थेमे थेकी साबाते ख्‍योकोन गाङेकी ङेन्‍दाते बाततेबा सम्‍झे खित्‍जीन थेला ख्‍योकोनते झन झन ङिङज्‍ये लाङगीदुक्‍लो।

२ कोरिन्‍थी 7:5

चुक सासीन म्‍यासिडोनिये लुङबापा ख्‍योल्‍नामेकीङ मिओनगी ङ्योकोनला मिगी थोङसार्मु खित्‍च्‍येतेताङ दुक्‍पा तेरच्‍येते बाई ज्‍येनतोक छ्याःङ माक्‍यासुङ। छ्य्‌वाच्‍यीकपा ङेराङला थोक दुक्‍पा ओङगीन ओतान सासीन लोक्‍ला सेमगी नाङचेन येशू ख्रीष्‍ट मिओनला च्‍यि ओङाना, चुक ओताना सिन आउदी ज्‍यीबा लाबा ओतान।

एफिसी 6:5

थेमे योक्‍पो योङमुतेबा ख्‍योकोनला ङा दोक सिओ। च्‍यि सासीन खेराङला कोता च्‍योकराङ खाला लेमु खाला काम खिता फाप्‍क्‍यो सिन दाक्‍पोन मालिकला मान खिन थेबेकी लाःपा कोताते ङेन। ख्रीष्‍टकी खि साबाते सेमदुकीराङ ङेन्‍दाच्‍योक खाला थेबेकी च्‍यि खि सिका थे लेमु खाला खि।