१ कोरिन्‍थी 2:12 - जिरेल

¹² ङुरूङगी ङेताते परमेश्‍वर आत्‍माताङ दि सा लुङबे मिओनगी खित्‍च्‍येते बुद्धि बात दोक्‍पोईराङ मेन। परमेश्‍वर आत्‍मे छ्य्‌वापेईराङ ङुरूङगी परमेश्‍वरगी ङुरूङला च्‍यि बिन्‍दा ओते, चुक खाबा ओते सिन छ्या स्‍येक्‍यो।

१ कोरिन्‍थी 2:12 Iomraidhean Croise

रोमी 8:1

जो जो येशू ख्रीष्‍टताङ जीउज्‍यीकराङ ओङला दुक था थेबेकी परमेश्‍वर सजाय ङेतराङ मेङेदो।

रोमी 8:32

परमेश्‍वरगी थे खोरोङ फुज्‍युङला चुक दुक्‍पा ओङगीते सिन छ्या स्‍येकीन स्‍येकीनोङ ङुरूङ गाङे पापकी सजाय भोगे खाला स्‍याप्‍ला थेला देमा ताङा ओतान। थेकी थोक खाईन थे खोरोङ फुज्‍युङ समेतनी ताङा ओतान सासीन च्‍यि ङुरूङला ज्‍येनतोकोङ जेसुकै मेतेरोतरो?

१ कोरिन्‍थी 1:27

दोक ईन्‍सीनोङ आउदी बुद्धि ओताते मिओनला ङोचा लोङाला दि सा लुङबे मिओनगी छ्याःङ छ्या मेस्‍येकान्‍ते साबाते मिओनलाराङ परमेश्‍वरगी छाने खासुङ। थोकराङ खाईन ङा ङाराङ ईन सिराच्‍योक खित्‍कान्‍तेबाला ङोचा लोङाला थेबेकी दिबाङ सु ईन्‍देरो सिराच्‍योक खाबाते मिओनलाराङ थेकी छाने खासुङ।

१ कोरिन्‍थी 2:6

ईन्‍सीनोङ बात लेमु खाला खोबा थुप्‍कान्‍ते पाकोते मिओनताङचेन ङ्योकोन बुद्धि बादोङ खिओ। तर ङ्योकोनगी खित्‍च्‍येते बुद्धि बातचेन दि सा लुङबे मिओन थेमे ज्‍येनला राज्‍य खित्‍कान्‍ते मिओनगी खित्‍च्‍येते बुद्धि बात च्‍योक्‍ते मेन। थे छ्ये छ्ये मिनी ङीमाई दाक स्‍यिला थेबेते जेसुकै तोरला डुइओ।

१ कोरिन्‍थी 3:22

च्‍यि सासीन पावल, अपोल्‍लोस, पत्रुस गाङे ख्‍योकोनला लेमु ओङाला काम खित्‍कान्‍ते मि ईन। थेमे दि सा लुङबादु ओताते जेसुकै ख्‍योकोन लाःक्‍तुराङ ओत। सोन्‍ला देत्‍च्‍येते, स्‍यिच्‍येते, थरिङोला ओङगीन ओताते थेमे था तिरी ओङच्‍येते दुक्‍पा किम्‍मु बात जेसुकै ख्‍योकोनला लेमु ओङालाराङ ईन।

२ कोरिन्‍थी 4:4

येशूला विश्‍वास खाबा मेताते होदि मिओनगी ख्रीष्‍टताङ चुक छ्येज्‍यीक शक्ति ओते सिन छ्या स्‍येच्‍येते गा लाङच्‍येते बात छ्याःङ मोखोस्‍यीत सिन दि कलि जुगी गेल्‍बो शैतानगी थेबाला लेम्‍बा जोबा ओत। परमेश्‍वरताङ ख्रीष्‍टला छ्याःङ फरक मेत, परमेश्‍वर जस्‍तो ईन ख्रीष्‍टोङ थोजोराङ ईन।

एफिसी 2:2

थेजीन ख्‍योकोन चालचलनताङ बानी बिवारा दि सा लुङबे मि ज्‍येनतेबेते च्‍योकराङ ओतान। ख्‍योकोनचेन दागार, ङीमा, कार्मा नामने ओताते जति गाङे थेमे ल्‍हा लुई गेल्‍बो शैतान अधीनला देत्‍ला थेकी खि साबा साबाच्‍योक खिन ओतान। परमेश्‍वरगी माकेत साबा साबा खित्‍कान्‍ते मिओनलाचेन थोरूमोङ शैतानगीराङ राज्‍य खिन ओत।

याकूब 4:5

थेमे परमेश्‍वर बातला परमेश्‍वरगी ङुरूङला बिन्‍दाते आत्‍मेकीचेन ङुरूङगी परमेश्‍वरगी साबातेकामा ङेन्‍स्‍यीत सिन आउदी सेम खिओ सिन साबाते च्‍यि ख्‍योकोनला थाराङ साबाते ईन्‍दासीन सिराच्‍योक लाङगीदुक?

१ यूहन्‍ना 2:20

दोक ईन्‍सीनोङ सेमला पाप सिराते छ्याःङ मेताते ख्रीष्‍टकी ख्‍योकोनलाचेन परमेश्‍वर आत्‍मा बिन्‍दा ओत। थेमे ख्‍योकोन गाङेकी सत्‍यते बात छ्या स्‍येबा ओत।

१ यूहन्‍ना 2:27

ख्रीष्‍टकी ख्‍योकोनला बिन्‍दाते परमेश्‍वर आत्‍मा ख्‍योकोनताङ ओत्‍नामेकी सुङगीङ ख्‍योकोनला लोपा माफाबो। खेराङगी छ्या स्‍येबा फाप्‍च्‍येते बात गाङे ख्‍योकोनला थेकीराङ लाप्‍ला तेरग्‍यो। थेकी साँचोते बातकामा लोप्‍क्‍यो। थेकी खेराङला लापा च्‍योकराङ खाला येशू ख्रीष्‍टताङ डिक्‍ला देत।

छ्या स्‍ये च्‍युताते बात 12:9

दोक खाईन थे जोदाते डुकला स्‍वर्गनेकी पृथ्‍वीमा ङिल्‍गीन ताङसुङ। थेचेन गोमामेई ओताते रूल ईन। थे मिन शैतान दैंता ईन। खालि मेलेबा कामकामा खाला सा लुङबा खाङगी मिला छक्‍के खित्‍कान्‍ते थेराङ ईन। थेत्ताङ थे दूत गाङेला स्‍वर्गनेकी पृथ्‍वीमा युकीन क्‍युरसुङ।

छ्या स्‍ये च्‍युताते बात 22:6

थेमे याङराङ थे दूतकी ङाला “थाल्‍लासाक खुई थोङातेताङ थोबाते दि गाङे बात साबाते भन्‍दा नोमुङ खुदुक मोन्‍डोच्‍येते साबा च्‍योकराङ ओङच्‍येते बात ईन। था होत्ता ओङगीन ओताते दि बातओन थे खोरोङ काम खित्‍कान्‍ते मिओनला छ्या स्‍ये ज्‍युताला प्रभु परमेश्‍वरगी थे खोरोङ दूत ताङा ओतान। परमेश्‍वर बात खित्‍कान्‍ते मिओनला थोक खिताला थे खोरोङ आत्‍मा तेरकान्‍ते प्रभु परमेश्‍वरराङ ईन,” सिन सिदुक।