१ कोरिन्‍थी 2:10 - जिरेल

¹⁰ परमेश्‍वर बातला साबा च्‍योकराङ खाईन थे खोरोङगी गोमा सुङलाङ छ्या स्‍ये च्‍युता मेताते बात परमेश्‍वरगी ङुरूङलाचेन थे खोरोङ आत्‍मे छ्य्‌वापेई छ्या स्‍ये च्‍युता ओत। परमेश्‍वर आत्‍मेकीचेन गाङे बात छ्या स्‍येक्‍यो, परमेश्‍वरगी च्‍यि खिता चाल्‍ला दुका सिरच्‍येते बात समेदोङ छ्या स्‍येक्‍यो।

१ कोरिन्‍थी 2:10 Iomraidhean Croise

मत्ती 13:11

थोक सिरजीन थेकी “स्‍वर्गे राज्‍य सिराते च्‍यि ईन्‍दे थेमे परमेश्‍वरगी चुक खाला मि नाङ राज्‍य खिते सिरच्‍येते बात ख्‍योकोनलानी परमेश्‍वरगी खो च्‍युता ओत। ज्‍येनलाचेन दि बात खो च्‍युता मेत।

मत्ती 16:17

थोक सिरजीन थेकी थेला “खुई ठीक सिदुक योने फुज्‍युङ शिमोन, खो थोई भाग्‍यमानीज्‍यीक ओता ईन्‍दाका। च्‍यिला सासीन दि बात खुई खोरोङगीराङ छ्या स्‍येबाते मेन, मिकी लाप्‍कीन बिन्‍दातेङ मेन। स्‍वर्गने देत्‍कान्‍ते ङे आबेकी खोल्‍ला दि बात छ्या स्‍ये च्‍युताते ईन।

लूका 10:21

थे बेलालाराङ परमेश्‍वर आत्‍मे छ्य्‌वापेई आउदी गा खिन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन परमेश्‍वर राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान। आबा खोल्‍ला दोक खिताराङ लेमु लासुङ। दोक खाईन खुई खिता चालाते च्‍योकराङ ओङसुङ,” सिन सासुङ।

लूका 2:26

प्रभु परमेश्‍वरगी तोङगो साबाते ख्रीष्‍टला थोङनामेईकामा थे स्‍यिइओ सिन परमेश्‍वर आत्‍मेकी थेला छ्या स्‍ये च्‍युता ओतान।

यूहन्‍ना 14:26

था आबेकी ख्‍योकोनला सल्‍लाह तेरकान्‍तेला ङे छ्य्‌वापेकी तोङगो। थेचेन परमेश्‍वर आत्‍मा ईन। थेकी वाला ख्‍योकोनगी च्‍यि खिता फाप्‍कीते, चुक खिता फाप्‍कीते सिन गाङे लाप्‍ला तेरग्‍यो। थेमे ङे ख्‍योकोनला लाप्‍कीन बिन्‍दाते गाङे बात ठेम्‍बा लोङगो।

यूहन्‍ना 16:13

दोक ईन्‍सीनोङ ख्‍योकोनला सल्‍लाह तेरकान्‍ते परमेश्‍वर आत्‍मा दुरू वानामेकी थेकीराङ ख्‍योकोनला सत्‍यते बात गाङे खो ज्‍युत्‍क्‍यो। थेकी खित्‍च्‍येते बात थे खोरोङगी जोला खित्‍च्‍येते मेन। थेकीनी थे खोरोङगी थोबाते बातकामा खिओ। थेमे था थोरूमोङ च्‍यि च्‍यि ओङगीते सिन लाप्‍ला तेरग्‍यो।

१ कोरिन्‍थी 14:30

दोक्‍पोईकी परमेश्‍वरगी सिर च्‍युताते बात खिन खिनलाराङ थेरू देताते ज्‍येनज्‍यीकला परमेश्‍वरगी तिरी ओङच्‍येते बात खित च्‍युत्‍सुङ सासीन परमेश्‍वरगी सिर च्‍युताते बात खित्‍कान्‍तेचेन खाराक्‍पा देत।

१ कोरिन्‍थी 2:11

दाक्‍पोन चुक्‍ते मि ईन्‍दे थेमे सेमदु चुक ओते सिन मि दाक्‍पोनगीकामा छ्या स्‍येक्‍यो। थोकराङ खाला परमेश्‍वर आत्‍मेकीकामा परमेश्‍वरते गाङे बात छ्या स्‍येक्‍यो।

गलाती 1:12

दि बात ङे सुइँदेकी लोप्‍कीन ओते बेलाला थोबातेङ मेन, ङाला सुइँदा मिकी लाप्‍कीन बिन्‍दातेङ मेन। दि बातनी ङाला येशू ख्रीष्‍ट थे खोरोङगीराङ छ्या स्‍ये च्‍युत्‍कीन बिन्‍दाते ईन।

एफिसी 3:3

च्‍यि सासीन गोमा सुङलाङ छ्या स्‍ये च्‍युता मेताते बात च्‍यि ईन्‍दे सिन परमेश्‍वर थे खोरोङगीराङ ङाला छ्या स्‍ये च्‍युत्‍कीन बिन्‍सुङ। थे बात च्‍यि ईन्‍दे सिन ङे थुम्‍मी खाईन दि चिट्ठीला आनाङ भर्खर टिकीन सिन्‍दा ओत।

एफिसी 3:5

थे बात च्‍यि ईन्‍दे सिन परमेश्‍वरगी गोमे मि सुङलाङ छ्या स्‍ये च्‍युता मेतान। थाचेन थेकी येशू ख्रीष्‍टकी खटे खाबाते मिओन थेमे थे खोरोङ बात खित्‍कान्‍ते मिओनला थे बात च्‍यि ईन्‍दे सिन थे खोरोङ आत्‍मे छ्य्‌वापेई छ्या स्‍ये च्‍युत्‍कीन बिन्‍दा ओत।

१ तिमोथी 4:1

थेमे था तिरी कोई कोई मिकी मिला छक्‍के खिताला ल्‍हन्‍डीक स्‍यिन्‍डीपकी जोबाते मेन्‍दा मेन्‍दे बात ङेन्‍ला खोपरोङगी येशू ख्रीष्‍टला विश्‍वास खित्‍जीन ङेन्‍दाते बात ङेन्‍दा तोङगो। दोक खिओ सिन परमेश्‍वर आत्‍मेकी लेमु खाईन साबा ओत।

१ पत्रुस 1:12

परमेश्‍वरगी खोपरोङला सिर च्‍युताते होदि बातओन थेबा खोपरोङ लाईदु मेन्‍देकी ख्‍योकोन लाईदु ईन सिन परमेश्‍वरगी थेबाला छ्या स्‍ये च्‍युता ओतान। थेबेकी साबाते होथे बाततेबा थरिङोला गा लाङच्‍येते बात लोप्‍कान्‍ते मिओनगी ख्‍योकोनला लाप्‍कीन बिन्‍दा ओत। दि गा लाङच्‍येते बात परमेश्‍वरगी स्‍वर्गनेकी ताङाते परमेश्‍वर आत्‍मे छ्य्‌वापेई थेबेकी ख्‍योकोनला लाप्‍कीन बिन्‍दा ओत। होदि बातओन परमेश्‍वर दूतओनगीङ आउदी खाला छ्या स्‍येबा सेम खिओ।

१ यूहन्‍ना 2:20

दोक ईन्‍सीनोङ सेमला पाप सिराते छ्याःङ मेताते ख्रीष्‍टकी ख्‍योकोनलाचेन परमेश्‍वर आत्‍मा बिन्‍दा ओत। थेमे ख्‍योकोन गाङेकी सत्‍यते बात छ्या स्‍येबा ओत।

१ यूहन्‍ना 2:27

ख्रीष्‍टकी ख्‍योकोनला बिन्‍दाते परमेश्‍वर आत्‍मा ख्‍योकोनताङ ओत्‍नामेकी सुङगीङ ख्‍योकोनला लोपा माफाबो। खेराङगी छ्या स्‍येबा फाप्‍च्‍येते बात गाङे ख्‍योकोनला थेकीराङ लाप्‍ला तेरग्‍यो। थेकी साँचोते बातकामा लोप्‍क्‍यो। थेकी खेराङला लापा च्‍योकराङ खाला येशू ख्रीष्‍टताङ डिक्‍ला देत।

छ्या स्‍ये च्‍युताते बात 1:1

दि किताबला ओताते बातओनचेन परमेश्‍वरगी येशू ख्रीष्‍टला तेन्‍गीन बिन्‍दाते बात ईन। था होत्ता ओङगीन ओताते दि बातओन थे खोरोङ काम खित्‍कान्‍ते मिओनला छ्या स्‍ये ज्‍युताला परमेश्‍वरगी येशू ख्रीष्‍टला तेन्‍गीन बिन्‍दा ओतान। थेमे दि बातओन लाःपाला येशू ख्रीष्‍टकी थे खोरोङ दूतज्‍यीकला थे खोरोङ काम खित्‍कान्‍ते यूहन्‍ना ओत्‍सादु ताङा ओतान।

छ्या स्‍ये च्‍युताते बात 2:24

थेमे थिआटीरादु देत्‍कान्‍ते ज्‍येनगी च्‍योक मिक्‍किकान ख्‍योकोनलाचेन ङा खेराङगी खिन ओताते लाक्‍तु ज्‍येन ल्‍हाक्‍पा दुक्‍पा मेतेरो। ख्‍योकोनचेन ज्‍येन च्‍योकराङ जिजेबेलगी साबाते बात मेङेन्‍कान्‍ते थेमे कोई कोई मिकी साबाच्‍योक शैतानगी कोई कोई मिलाकामा छ्या स्‍ये ज्‍युत्‍च्‍येते बात मेङेन्‍कान्‍ते मि ईन।