१ कोरिन्‍थी 2:1 - जिरेल

¹ आज्‍यो न्‍वावे, ङा गोमा ख्‍योकोन ओत्‍सापा परमेश्‍वरगी येशू ख्रीष्‍टकी खित्‍सादु मिओन लाईदु च्‍यि खासुङा सिरच्‍येते बात लोप ओङजीन ङे आउदी पढे खाबाते मिकी च्‍योक खाईन बात माक्‍या। जे बादोङ छ्या स्‍येकान्‍ते मिकी च्‍योक खाईनोङ मालाप।

१ कोरिन्‍थी 2:1 Iomraidhean Croise

शक्ति काम 20:21

यहूदी ईन्‍स्‍यीत, ग्रीक ईन्‍स्‍यीत ङे गाङेला ओर्च्‍ये ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि थेमे प्रभु येशूला विश्‍वास खि सिन साबा ओत। ङे दोक दोक खाबा ओतान सिन ख्‍योकोन गाङेला छ्याराङ ओत।

शक्ति काम 22:18

प्रभु येशूकी ङाराङताङ बात खिन ओता ङे थोङसुङ। थेकी ङाला ‘खो दुरू मादेत। येशूराङ परमेश्‍वरगी तोङगो साबाते ख्रीष्‍ट ईन सिन खुई थोङातेताङ थोबाते ङे बात खित्‍जीन दुरू मिओनगी खुई बात ईनराङ मेन सिन ङेनराङ मेङेनो। थोगी खो दुरू अलमल मिक्‍किता खाला ज्‍येननापा ग्‍युक,’ सिन सिदुक।

रोमी 16:18

थोक्‍ते मिओनगीचेन प्रभु ख्रीष्‍टला माने खिते साटोला खालि साच्‍या थुङच्‍ये बातताङ खोपरोङला जे जे खिता सेम लाङगीदुक थे थेराङ खिओ। थेबेकीनी स्‍यीम्‍बु स्‍यीम्‍बु बात खाला खोलु खिन साधा सुधोते मिओनला डिकस्‍यिकला ङ्योल्‍च्‍येते कामकामा खिओ।

रोमी 16:25

थेमे परमेश्‍वरगीराङ ख्‍योकोनला शक्ति तेरच्‍येते ईन्‍देकी ख्‍योकोनगी येशू ख्रीष्‍टला विश्‍वास खिन देता थुप्‍क्‍यो। परमेश्‍वरगी खित्‍सादु दोक खिन देता थुप्‍क्‍यो सिन येशू ख्रीष्‍ट सु ईन्‍दे, चुक्‍ते ईन्‍दे सिन ङे लोप्‍कीन ओताते गा लाङच्‍येते बातला साबा ओत। दि जुग शुरू ओङा भन्‍दा गोमामेईराङ परमेश्‍वरगी सुङलाङ छ्या स्‍ये च्‍युता मेताते दि गा लाङच्‍येते बात

१ कोरिन्‍थी 1:17

ख्रीष्‍टकी ङाला मिओनला बप्‍तिस्‍मा बिन सिन खटे खाबाते मेन। ङालानी थेकी गा लाङच्‍येते बात लोपालाका खटे खाबाते ईन। थेमे थे बात लोप्‍जीन नोमुङ ङे आउदी पढे खाबाते मिओनगी च्‍योक खाईन बात माक्‍या। थोक खाबा ईन्‍सीन ख्रीष्‍टकी थे खोरोङ ज्‍यान बिन्‍गीन स्‍यिङगी थामला टाँए खाईन स्‍याप्‍ते बात छ्याःङ च्‍योक ओङच्‍या मेतान।

१ कोरिन्‍थी 1:6

ङ्योकोनगी ख्‍योकोनला लाप्‍कीन बिन्‍दाते ख्रीष्‍टकी बात ख्‍योकोनगी लेमु खाईन ङेन्‍सुङ, थे बात ख्‍योकोनगी लेमु खाईन खोबा ओत।

१ कोरिन्‍थी 2:13

थोगी ङ्योकोनगी लोप्‍च्‍येते बातचेन सुइँदा मिकी ङ्योकोनला लाप्‍कीन बिन्‍दाते बात मेन, परमेश्‍वर आत्‍मेकी लाप्‍कीन बिन्‍दाते बात ईन। दोक खाला ङ्योकोन परमेश्‍वर आत्‍मा ङेता ओताते मिओनला परमेश्‍वर आत्‍मेकी लोप साबाते सत्‍यते बात लोप्‍क्‍यो।

१ कोरिन्‍थी 2:4

ख्‍योकोनला येशू ख्रीष्‍ट सु ईन्‍दे सिरच्‍येतेताङ थेला स्‍यिङगी थामला टाँए खाईन सेताते बातओन लोप्‍जीन मिओनला बातकीराङ ल्‍वा थुप्‍कान्‍ते सिपालुते मिओनगी च्‍योक खाईन ङे ङाराङ बुद्धिकी मालाप बरू परमेश्‍वरताङ चुक छ्येज्‍यीक शक्ति ओते सिन ङेचेन परमेश्‍वर आत्‍मे छ्य्‌वापेई थे बातओन लापाप।

१ कोरिन्‍थी 2:7

ङ्योकोन ख्‍योकोनला थेकी गोमा सुङलाङ छ्या स्‍ये च्‍युता मेताते परमेश्‍वर बुद्धि बातज्‍यीक सिरामीन। दि बात गोमा परमेश्‍वरगी मिओनताङ ब्‍वाकीन ज्‍याक्‍पा ओतान। च्‍यि सासीन दि साताङ नाम ज्‍वा भन्‍दा गोमामेकीराङ थेकी ङुरूङला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिन साबा ओतान।

२ कोरिन्‍थी 10:10

ख्‍योकोन कोई कोईकी “पावलगी खालि थारीला गाल्‍नामेईकामा स्‍येदाङ खिन दोक खिताङ थोक खि सिन कोत्‍ला चिट्ठी टिइदुक। ङुरूङताङ ङ्योम्‍बु ओत्‍जीनचेन थेकी ङेन्‍गीन देत्‍की सिराच्‍योक खाला बादोङ खिता मुथुबो, थे चुकस्‍यिक ओते सिन ङुरूङला छ्या ओत,” सिन बात खिदुक्‍लो।

२ कोरिन्‍थी 11:6

ईन ईन, ङे ङेन्‍गीन देत्‍की सिराच्‍योक खाला बात खिता मेस्‍येतासीन। ईन्‍सीनोङ परमेश्‍वरगी छ्या स्‍ये ज्‍युत्‍च्‍येते बात ङाला लेमु खाला छ्या ओत। ङा थे बात लेमु खाला छ्या ओताते मि ईन सिन ङे ख्‍योकोनला गाङे बात लेमु खाईन लाप्‍कीन बिन्‍दा ओताते बातकी छ्य्‌वापेकीङ छ्या स्‍येक्‍यो।

२ थिस्‍सलोनिकी 1:10

थेला विश्‍वास खित्‍कान्‍ते थे खोरोङ मिओनगीचेन गाङेकी प्रभु येशू ग्‍युरला ओङे छोमु थेकी खोपरोङला थोई लेमु खासुङा सिन थेते जय जय खिओ। ङ्योकोनगी लापाते गा लाङच्‍येते बात ङेन्‍देकी खित्‍सादु थे छोमु प्रभु येशूला थोक खित्‍कान्‍ते मिओन नाङ ख्‍योकोनोङ ओङगो।

१ तिमोथी 1:11

येशू ख्रीष्‍टला विश्‍वास खित्‍कान्‍ते मिओनगी ङेन्‍दा फाप्‍च्‍येते बातचेन गा लाङच्‍येते बातला साबा ओत। गा लाङच्‍येते बातचेन आउदी अचम्‍बते बात ईन। दि बातचेन जेसुकै ओत्‍कान्‍ते परमेश्‍वरगी मिओनला छ्या स्‍ये च्‍युता ओत। थेमे दि बात ज्‍येन मिओनला लोप सिन थेकी ङाला जिम्‍मा बिन्‍दा ओत।

२ तिमोथी 1:8

थोक ईन्‍देकी ज्‍येनला ङुरूङ प्रभु येशू बात लोपा नोमुङ ङोचा माकेत। थेमे थे बात लापेकी ङाला जेलदु ज्‍याक्‍पा ओत्‍सीनोङ खो छ्याःङ ङोचा माकेत। बरू थे गा लाङच्‍येते बात लोप्‍जीन खुईङ ङे च्‍योकराङ खाला दुक्‍पा भोगे खिता फाप्‍च्‍या दुक सासीनोङ थोकराङ खि। थोक खिताला परमेश्‍वरगीराङ खोल्‍ला थे खोरोङ शक्ति तेरग्‍यो।

१ यूहन्‍ना 4:14

आबा परमेश्‍वरगी दि सा लुङबे मिओनला पापदुकी डेलाला थे खोरोङ फुज्‍युङला देमा ताङा ओतान। थेकी थेला देमा ताङाते ईन सिन ङ्योकोनगी ङेराङ मिगीराङ थोङाते थेमे लेमु खाईन छ्या स्‍येबाते ईन्‍देकी दि बाततेबा ङ्योकोन ज्‍येनलाङ लाःप्‍क्‍यो।

छ्या स्‍ये च्‍युताते बात 1:2

थेमे यूहन्‍नेकीचेन थे खोरोङगी थोङातेताङ थोबाते परमेश्‍वर बात थेमे येशू ख्रीष्‍टकी छ्या स्‍ये च्‍युत्‍कीन बिन्‍दाते गाङे बात ईन्‍दातेराङ ईन सिन साबा ओत।

छ्या स्‍ये च्‍युताते बात 1:9

ङा ख्‍योकोन आज्‍यो यूहन्‍नाङ ख्‍योकोन च्‍योकराङ येशूताङ जीउज्‍यीकराङ ओङाते मि ईन। थोगी ङेङ ख्‍योकोनगी च्‍योकराङ खाईन दुक्‍पा ङेता ओत। थेमे ङाङ परमेश्‍वर राज्‍यदु ख्‍योकोनताङ ङ्योम्‍बुराङ देता ङेत्‍क्‍यो। जस्‍तो दुक्‍पा ङेत्‍सीनोङ ङाङ ख्‍योकोन च्‍योकराङ खपे खाईन देता ओत। ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु ङाला समुन्‍द्रे किल्‍दु ओताते पत्‍मोस लुङबापा उरगीन ताङा ओतान।

छ्या स्‍ये च्‍युताते बात 19:10

थेकी थोक सानामेई से खिताप सिन ङा थे दूतकी काम्‍बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्‍वरला च्‍योक खाला से माकेत। येशू सु ईन्‍दे, थेकी च्‍यि खिते सिन लोप्‍कान्‍ते खोत्ताङ खुई आज्‍यो न्‍वाओन च्‍योकराङ ङाङ परमेश्‍वर काम खित्‍कान्‍तेकामा ईन। थोगी परमेश्‍वरलाकामा छ्ये जो। येशू सु ईन्‍दे, थेकी च्‍यि खिते सिन लोप्‍च्‍येतेचेन परमेश्‍वर आत्‍मे छ्य्‌वापेई खित्‍च्‍येते ईन,” सिन सिदुक।