१ कोरिन्‍थी 16:3 - जिरेल

³ ङाचेन थेपा वाला थे पैसा केल ड्वाप्‍ला खेराङगी छाने खाबाते मिओनला थेबा सु ईन्‍दे सिन खालि चिट्ठीज्‍यीककामा टिला कुरला यरूशलेमपा तोङगो।

१ कोरिन्‍थी 16:3 Iomraidhean Croise

१ कोरिन्‍थी 11:34

थेमे सुइँदाला त्‍वाबा लाङगीदुक सासीन बरू थेकी खाम्‍बादुराङ साप सोला ग्‍युक। प्रभु भोज साप्‍ला जम्‍मा ओङे बेलालाचेन ख्‍योकोनगी खेराङ गोःनामा परमेश्‍वर सजाय माफाप्‍स्‍यीत सिन लेमु खाला विचार खाला थे भोज सो। थेमे थरिङ ङे माटिबाते बातओनचेन था ङाराङ थेपा लेप्‍नामेकीराङ ख्‍योकोनला सिरामीन।

१ कोरिन्‍थी 16:4

तर ङाराङोङ थेपा ड्वाप्‍ला ठीक च्‍योक लासीन थेबा ङात्ताङ ङ्योम्‍बुराङ गालोङ।

२ कोरिन्‍थी 3:1

थेमे च्‍यि ख्‍योकोनला ङेराङ आउदी लेमु मि ईन सिरालाका लोक्‍ला ङ्योकोनगी ङ्योकोन ज्‍येनगी च्‍योक मिक्‍किओ साबाते ईन्‍दासीन सिराच्‍योक लाङगीदुक? ज्‍येनला च्‍योकराङ ङ्योकोनलानी ख्‍योकोनला तेन्‍दाला दि मि दोक्‍ते ईन सिन टिकीन बिन्‍दाते चिट्ठी मोगोओ। ङ्योकोन चुक्‍ते मि ईन्‍दे सिन ज्‍येनला तेन्‍दाला ख्‍योकोनगी टिबाते चिट्ठीङ मोगोओ।

२ कोरिन्‍थी 8:4

यरूशलेमदु ओताते परमेश्‍वर सन्‍तानओनला मद्धत खिता ङ्योकोनलाङ आउदी सेम लाङगीदुक। ङ्योकोनलाङ थेबाला मद्धत खित्‍च्‍येते मौका नाङ सिन बिन्‍ती खिनकामा थेबेकी थोक खाईन थे पैसा बिन्‍दा ओतान।

२ कोरिन्‍थी 8:6

थेबेकी थोक खाबा थोङनामेई ङ्योकोनगी तीतसला खेराङगी जम्‍मा खिताला स्‍यूबाते पैसा जम्‍मा खाला सिन्‍दा खि सिन सिराला ख्‍योकोन ओत्‍सापा ग्‍युक सिन साबाप। ज्‍येनला मद्धत तेराला सिन ख्‍योकोन नाङ पैसा जम्‍मा खिताला शुरू खित्‍कान्‍ते थेराङ ईन सिन ङ्योकोनगी सिरा माफाप्‍तासीन।