१ कोरिन्‍थी 16:2 - जिरेल

² चुक सासीन हप्‍ताई पिच्‍छे आदेरी छोमु छोमु ख्‍योकोन गाङेकी दाक्‍पोन दाक्‍पोन कमाइ ताला खेराङगी तेरा थुप्‍च्‍या थुप्‍च्‍याज्‍यीक पैसा थेबे लाईदु टाल्‍ला ठाउँज्‍यीक्‍तु जम्‍मा खाला स्‍योक। थोक खाईन जम्‍मा खाईन ज्‍याक्‍सीन ङा थेपा वानामेकी थे पैसा दुत्‍च्‍येते काम खिता माफाबो।

१ कोरिन्‍थी 16:2 Iomraidhean Croise

मर्कूस 14:8

ङा स्‍यिनामेई ङे रोला कुता फाप्‍च्‍येते मोर्गु दि फेम्‍मे मिकी थरिङराङ कुकीन बिन्‍गीन ङाला सासगास खिताला ठीक खाबाते ईन। दिकी ङाला दि मोरोङगी खिता थुप्‍च्‍याज्‍यीक खासुङ।

लूका 16:10

बात चुक सासीन दाक्‍पोन जिम्‍माला बिन्‍दाते सम्‍पत्ति टिक्‍पीस्‍यिकराङ ईन्‍सीनोङ जसकी लेमु खाला तेइदुक थेकीचेन काल्‍बेई सम्‍पत्ति जिम्‍मा बिन्‍सीनोङ लेमुराङ खाला तेइओ। तर जिम्‍मा लै खाबाते टिक्‍पीस्‍यिक सम्‍पत्ति लेमु खाला माताबा खाला मनपरी खित्‍कानला सम्‍पत्ति काल्‍बेई जिम्‍मा बिन्‍सीन झन मनपरी खिओ।

लूका 24:1

थेमे आदेरी छोमु ङोमु ठोलाराङ थे फेम्‍मे मिओन येशू रोला कुताला सिन गोमे छोमु ठीक खाबाते मोर्गुताङ स्‍येबाते पाउडर खुरगीन येशू रो ज्‍याक्‍पाते फुकनापा गाल्‍सुङ।

यूहन्‍ना 20:19

थेमे थे आदेरी छोमुराङ नाम स्‍योनामेई यहूदीओन छ्ये छ्ये मि ज्‍यीबेकी येशू चेलाओन गोई लास्‍यिङ ग्‍याप्‍कीन देता ओतान। थे बेलालाराङ येशू थेबा ओत्‍सादु ख्‍योल्‍गीन “ख्‍योकोनला लेमु ओङस्‍यीत,” सिन सिदुक।

यूहन्‍ना 20:26

थेमे हप्‍ताई तिरी येशू चेलाओन लोईन खाम्‍बादु ङ्योम्‍बुराङ ओतान। दि पालोलाचेन थेबाताङ थोमाङ ओतान। गोई लास्‍यिङ ग्‍यापा ओत्‍सीनोङ थे छोमुङ चेलातेबा ओत्‍सादु येशू ख्‍योल्‍सुङ। थेमे थेबाला “ख्‍योकोनला लेमु ओङस्‍यीत,” सिन सिदुक।

शक्ति काम 20:7

थेमे आदेरी छोमु ङ्योकोन गाङेराङ थेरू येशूला विश्‍वास खित्‍कान्‍ते मिओनताङ प्रभु भोज साप्‍ला खाम्‍बाज्‍यीक्‍तु जम्‍मा ओङा ओतान। थेमे पावलगी गाङेताङ बात खिताला स्‍यूसुङ। ङारो च्‍योक्‍तेराङ थे खोरोङ थेरूकी डोच्‍येते ईन्‍देकी नुप फेतसाकोङ थेकी बात खाईन सिन्‍दा मेतान।

२ कोरिन्‍थी 8:10

था ङा ख्‍योकोनला सल्‍लाहज्‍यीक तेरामीन। च्‍यि सासीन खेराङगी ननीङमेकी खिताला स्‍यूबाते थे काम खाईन सिन्‍दा खासीन लेमु ईन। गाङे भन्‍दा गोमा दि बात तेन्‍ला थोक खिताला शुरू खित्‍कान्‍ते खेराङराङ ईन।

छ्या स्‍ये च्‍युताते बात 1:10

थेमे थेरू ङीमाई आदेरी छोमु च्‍यि ओङसुङा सासीन परमेश्‍वर आत्‍मेकी ङाला जुम्‍सुङ। थेमे ङे ङाराङ ल्‍हाकनापा सुइँदेकी ङाराङताङ बात खिन ओताते थोसुङ। थे ङोरो आउदी कस्‍स्‍ये खाईन फुबाते बिकुल ङोरो च्‍योक ओतान।