१ कोरिन्‍थी 16:1 - जिरेल

¹ थेमे ज्‍येन बात यरूशलेमदु परमेश्‍वर मिओनला तेराला पैसा जम्‍मा खित्‍जीन ख्‍योकोनगीङ ङे गलातिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मिओनला साबा च्‍योकराङ खाला जम्‍मा खि।

१ कोरिन्‍थी 16:1 Iomraidhean Croise

शक्ति काम 11:28

थेरू वाबातेबे नाङ अगाबस सिरातेकी परमेश्‍वर आत्‍मे छ्य्‌वापेई येशू चेलाओन गाङे दोन्‍दु “था गाङेपा छ्येज्‍यीक अनिकाल लाङगो,” सिन तिरी ओङच्‍येते बात लाःप्‍सुङ। थे अनिकालचेन तिरी रोमी गेल्‍बो क्‍लौडियस पालोला लाबा ओतान।

शक्ति काम 11:30

थेमे थे पैसाबरी थेबेकी थेपा ओताते येशू ख्रीष्‍ट मिओनला ताकान्‍ते मिओन लाःक्‍तु बिन सिन बारनाबासताङ शावल लाःक्‍तु बिन्‍गीन ताङसुङ।

शक्ति काम 16:6

थोक खाला युगीन डोजीन पावलबा एशिये अञ्‍चल नाङपा गा लाङच्‍येते बात लोप ड्वा चाल्‍सुङ। तर परमेश्‍वर आत्‍मेकी थेबाला थेङपा डोर माच्‍युत्‍सुङ। थोगी थेबा फ्रिगियाताङ गलातिये अञ्‍चल नाङपा खाईन गाल्‍सुङ।

शक्ति काम 18:23

टिक्‍पी दिन एन्‍टिओखियादु देत्‍नामेकी याङराङ थे गलातियाताङ फ्रिगिये अञ्‍चल नाङपा गाल्‍सुङ। थेमे थेङला ओताते येशू चेलाओनला ठेता खाईन थेकी गाङेला जस्‍तोराङ ओङसीनोङ येशूला विश्‍वास खिता मातोङ सिन आँट बिन्‍सुङ।

शक्ति काम 24:17

सिइराङ सासीन ङानी यरूशलेमदु मादेतातेङ लो काल्‍बेई गाला ओतान। खरचिङ ङानी दुक्‍पा ङेताते ङेराङ यहूदीओनला बिन सिन ज्‍येन मिओनगी ङे लाःक्‍तु बिन्‍दाते पैसा केलाला थेमे ङाराङगी परमेश्‍वरला चढे खिओ सिन साबाते चढे खितालाका थेपा गाला ओतान।

शक्ति काम 9:13

थोक सिरजीन हननियेकी “प्रभु, थेकी यरूशलेमदु ओताते खुई मिओनला खेदा खाईन खाईन दुक्‍पा बिन्‍दाते बात गाङे ङे थोबा ओत।

शक्ति काम 9:41

थेमे पत्रुसकी लाक्‍पाला जुम्‍गीन थेला थेरूकी लाङसुङ। थोक ओङनामेकी थेकी थेरू ओताते ख्‍योबो स्‍याप्‍ते फेम्‍मे मिओन थेमे परमेश्‍वर सन्‍तान ज्‍येन गाङेला नाङने काताङगीन च्‍याकीन तबीताला ठेता खाईन बिन्‍सुङ।

रोमी 12:13

परमेश्‍वर सन्‍तान नाङ दुक्‍पा ङेतातेबाताङ गोला सो। खाम्‍बादु वाबाते मि गाङेला लेमु खि।

१ कोरिन्‍थी 11:34

थेमे सुइँदाला त्‍वाबा लाङगीदुक सासीन बरू थेकी खाम्‍बादुराङ साप सोला ग्‍युक। प्रभु भोज साप्‍ला जम्‍मा ओङे बेलालाचेन ख्‍योकोनगी खेराङ गोःनामा परमेश्‍वर सजाय माफाप्‍स्‍यीत सिन लेमु खाला विचार खाला थे भोज सो। थेमे थरिङ ङे माटिबाते बातओनचेन था ङाराङ थेपा लेप्‍नामेकीराङ ख्‍योकोनला सिरामीन।

१ कोरिन्‍थी 16:15

थेमे अखैये लुङबादु ओताते मिओन नाङ गाङे भन्‍दा गोमा येशूला विश्‍वास खित्‍कान्‍ते स्‍तिफनासताङ थे खाम्‍बे मिओन ख्‍योकोनला छ्याराङ ओतासीन। थेबाचेन जहिलेङ परमेश्‍वर सन्‍तानओनला च्‍यि चुक दुका ताला थुपासम्‍म थेबाला लेमु खित्‍कान्‍ते मि ईन। आज्‍यो न्‍वावे, ङा ख्‍योकोनला च्‍यि सिन बिन्‍ती खिते सासीन

१ कोरिन्‍थी 4:17

ङे खाबा च्‍योकराङ खित्‍च्‍येते ख्‍योकोनला लाप्‍ला तेरस्‍यीत सिनराङ तिमोथीला ङा ख्‍योकोन ओत्‍सापा तोङगीन ओत। दि प्रभु येशूकी खि साबा च्‍योकराङ खाला काम खित्‍कान्‍ते मि ईन। दिला ङा ङिङज्‍ये खिओ। दि ङेते ङाराङ फुज्‍युङ च्‍योकराङ ईन। ङा येशू ख्रीष्‍टताङ जीउज्‍यीकराङ ओङाते मि ईन्‍देकी ङे चुक खिका, च्‍यि खिका सिरच्‍येते गाङे बात था दिकी ख्‍योकोनला लोप्‍क्‍यो। ङे तिमोथीला ख्‍योकोनला लोप ताङाते बातराङ ङा गाङेपा ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लोप्‍कीन ओत।

गलाती 1:2

गलातिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मि ख्‍योकोन गाङेला ङा दि चिट्ठी टिगीन ओत। दुरू ङात्ताङ ओताते आज्‍यो न्‍वाओनतेङ ख्‍योकोनला नमस्‍ते ओत्‍लो।

गलाती 2:10

येशू ख्रीष्‍टला विश्‍वास खित्‍कान्‍ते दुक्‍पा ङेताते थेरू यहूदीओनला ङ्योकोनगी मद्धत खिता लेमु ईन सिन बातज्‍यीकचेन थेजीन थेबेकी ङ्योकोनला साबा ओतान। दुक्‍पा ङेतातेबाला ता फाप्‍क्‍यो सिन ङा ङाराङतेङ सेम ओतान।

फिलेमोन 1:5

च्‍यिला सासीन प्रभु येशूला खुई लेमु खाला विश्‍वास खिदुक्‍लो थेमे परमेश्‍वर सन्‍तान गाङेला ङिङज्‍ये खिदुक्‍लो सिन ङे थोसुङ।

फिलेमोन 1:7

खुई थोक खाईन परमेश्‍वर सन्‍तानला ङिङज्‍ये खाबेकी थेबा आउदी खुशी ओङला दुक। दि बातकी खित्‍सादु ङालाङ फामगी सामा सोबा च्‍योकराङ ओङगीन आउदी गा लाबा ओत।

हिब्रू 6:10

ख्‍योकोनगी परमेश्‍वरला थोई ङिङज्‍ये खिते सिन परमेश्‍वर सन्‍तान ज्‍येनतेबाला ङिङज्‍ये खाईन लेमु खाबाते थेमे थोरूमोङ थोकराङ खिन ओताते बातकी छ्य्‌वापेई लेमु खाला छ्या स्‍येबा थुप्‍कीदुक। ख्‍योकोनगी थोक खाबाते परमेश्‍वरला गाङे छ्या ओत। थेकी दि बात थाराङ टोक मेज्‍येदो।

१ यूहन्‍ना 3:17

दोक सिइना, सुइँदा मित्ताङ जेसुकै वालछ्येल दुक थेमे थेकी थे खोरोङ आज्‍यो न्‍वातेबा सुइँदा दुक्‍पा ङेत्‍कीन फेटेक फेटेक परे खाबा थोङजीनोङ थेला मिक कार्बोकीङ ग्‍युरला मातादुक सासीन च्‍यि थेकी परमेश्‍वरगी ज्‍येनला ङिङज्‍ये खि साबाच्‍योक खाईन ङिङज्‍ये खाबाते ईनरो?