१ कोरिन्‍थी 15:3 - जिरेल

³ थेजीन ङे ख्‍योकोनला गाङे भन्‍दा छ्येते बात दिराङ ईन सिन ङाराङगी छ्या स्‍येबाते बात लाप्‍कीन बिन्‍दा ओत। च्‍यि सासीन परमेश्‍वर बातला गोमाका साबा च्‍योकराङ खाईन ख्रीष्‍टचेन ङुरूङला पापदुकी डेलाला थे खोरोङ ज्‍यान बिन्‍गीन स्‍या ओतान,

१ कोरिन्‍थी 15:3 Iomraidhean Croise

मत्ती 26:24

परमेश्‍वर ओत्‍सादुई वाबाते मि ङानी परमेश्‍वर बातला टिबा ओताच्‍योक खाला स्‍यापराङ फाप्‍क्‍यो। थोक ईन्‍सीनोङ ङाला धोका तेरकान्‍ते मिकी ज्‍यीबा लाङच्‍याई सजाय ङेत्‍क्‍यो। बरू थेनी केराङ माकेबा ईन्‍सीन लेमु ओङच्‍या ओतान,” सिन सिदुक।

मत्ती 26:28

दिचेन ङे ठाक ईन। काल्‍बेई मिओनगी खाबाते पाप माफ ओङस्‍यीत सिन थेबे लाईदु स्‍यिजीन ङे जीउदुकी थेन्‍दाते ङे ठागी खित्‍सादु परमेश्‍वरगी मिओनताङ तिरी खिओ साबाते जमान पूरो खित्‍च्‍येते ईन।

लूका 24:25

क्‍लेओपासकी थोक सानामेई थेकी “ख्‍योकोन चुक छ्याःङ मोखोकान्‍तेन्‍दे ईन्‍दाका। परमेश्‍वर बात खित्‍कान्‍ते मिओनगी ख्रीष्‍टकी विषयला साबा ओताते बात गाङे था ख्‍योकोन नाम पत्ते खिते?

यूहन्‍ना 1:29

ङारो च्‍योक्‍ते येशूला थे खोरोङ ओत्‍सापा ओङगीन ओता थोङगीन यूहन्‍नेकी मिओनला “लो तो, परमेश्‍वरगी मि लाईदु बिन्‍दाते लुई रीउ उथेराङ ईन। सा लुङबा खाङगी मिओनगी खाबाते पापकी सजाय भोगे खाला मिओनला पापदुकी डेल्‍कान्‍तेचेन थेराङ ईन।

शक्ति काम 17:2

ज्‍येननापा च्‍योकराङ पावलचेन थेरूङ थे मिटिङ खित्‍च्‍येते खाम्‍बादु गाल्‍सुङ। थेमे सन्‍चारी सन्‍चारी ङीमा सुमसाक ख्रीष्‍टला चुक ओङगीते सिन परमेश्‍वर बातला गोमाका टिबाते बातओन पढे खिन

शक्ति काम 3:18

ईन्‍दानी थे खोरोङगी तोङगो साबाते ख्रीष्‍टकी दुक्‍पा ङेत्‍क्‍यो सिन परमेश्‍वरगी थोङलाकाराङ थे खोरोङ बात खित्‍कान्‍ते मिबरीला सिर च्‍युता ओतान। ख्‍योकोनगी येशूला सेत्‍जीन परमेश्‍वरगी थे खोरोङगी सिर च्‍युताते बात साबा च्‍योकराङ ओङ च्‍युत्‍सुङ।

शक्ति काम 8:32

थेकी पढे खिन ओताते परमेश्‍वर बातलाचेन दोक सिन टिबा ओतान। चुक सासीन “सेताला टीबाते लुक सेत्‍सापा खेरजीन सरासर गालाच्‍योक खाईन सेत खेरजीन थेङ खाराक्‍पाराङ गाल्‍सुङ। थेमे फाल ठेक्‍पाला ठाकीन रिलाते लुई रीउकी छ्याःङ खिता मुथुपा च्‍योकराङ खाईन दुक्‍पा तेरजीन गाङे दुक्‍पा भोगे खाईन थेकीङ खानामा ङोरोज्‍यीगोङ मातेन्‍सुङ।

रोमी 3:25

मिओन पाप माफ ओङस्‍यीत सिन स्‍याप्‍ला परमेश्‍वरगी येशू ख्रीष्‍टला देमा ताङाते ईन। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु खोपरोङ पाप माफ ओङगो सिन थेला विश्‍वास खित्‍कान्‍ते मिओन पाप परमेश्‍वरगी माफ तेरग्‍यो। परमेश्‍वरचेन मिओनगी गोमामेकी खाबाते पापकी सजाय मेतेरा खाईन देता ओतान। येशू ख्रीष्‍टकी खाबाते कामगी खित्‍सादु थेबे पाप माफ तेराप सिन थे थोक खाईन देत्‍कीन थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन मिओनला छ्या स्‍ये च्‍युत्‍सुङ।

रोमी 4:25

ङुरूङगी पाप खाबेकी खित्‍सादु ङुरूङला पापदुकी डेलाला परमेश्‍वरगी थेला ङुरूङ लाईदु स्‍याप्‍ला ताङसुङ। थेमे ङुरूङला दोषी मेन सिराला थेकी थेला स्‍यिसादुकी सोम्‍बो लोक्‍सुङ।

१ कोरिन्‍थी 11:2

ख्‍योकोनगी जहिलेङ ङाला सम्‍झे खिदुक्‍लो थेमे ङे लाःपा कोता च्‍योकराङ खाला काम खिदुक्‍लो सिरा ङे थोसुङ। ख्‍योकोनगी दोक खाबाते आउदी लेमु ईन।

१ कोरिन्‍थी 11:23

प्रभु भोज चुक खाला सा फाप्‍कीते सिन प्रभु येशू थे खोरोङगी ङाला लाप्‍कीन बिन्‍दाते बातराङ ङेङ ख्‍योकोनला लाप्‍कीन बिन्‍दा ओतान। चुक सासीन थेला मेलेबा खित्‍कान्‍ते मिओनगी पक्रे खिते छोमु ग्‍वासे थोक खिता भन्‍दा गोमा प्रभु येशूकी स्‍योबेनज्‍यीक लाःक्‍तु लाबा ओतान।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

गलाती 1:12

दि बात ङे सुइँदेकी लोप्‍कीन ओते बेलाला थोबातेङ मेन, ङाला सुइँदा मिकी लाप्‍कीन बिन्‍दातेङ मेन। दि बातनी ङाला येशू ख्रीष्‍ट थे खोरोङगीराङ छ्या स्‍ये च्‍युत्‍कीन बिन्‍दाते ईन।

गलाती 1:4

दि कलि जुग मिओनगी च्‍योक मेलेबा कामताङ बात खित्‍च्‍ये छ्य्‌वापेई ङुरूङ ठाल्‍स्‍यीत सिन प्रभु येशू ख्रीष्‍टचेन ङुरूङला पापदुकी डेलाला थे खोरोङ ज्‍यान बिन्‍गीन स्‍या ओतान। दि गाङे बात ङुरूङ आबा परमेश्‍वरगी खिता चाला च्‍योकराङ खाईन ओङा ओतान।

गलाती 3:13

तर ख्रीष्‍टकीचेन परमेश्‍वर नियमला तोके खाबाते परमेश्‍वरगी ङुरूङला सराप बिन्‍ला तेरच्‍येते सजाय थे खोरोङगीराङ भोगे खाईन स्‍यिइन ङुरूङला थे सजायदुकी टाल्‍सुङ। दोक खाईन ङुरूङ साटोला परमेश्‍वरगी थेला सराप बिन्‍गीन सजाय बिन्‍दाते ईन सिन परमेश्‍वर बातला “स्‍यिङगी थामला टाँए खाबाते मिचेन परमेश्‍वर सराप लै खाईन सजाय ङेत्‍कीन स्‍याप्‍ते ईन,” सिन टिबा ओत।

एफिसी 1:7

थेमे ङुरूङला पापकी सजायदुकी डेलाला थेकी ख्रीष्‍टला स्‍याप्‍ला दुरू ताङसुङ। ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु थेकी ङुरूङगी खाबाते पाप गाङे माफ बिन्‍दा ओत। थे खोरोङ आउदी खाला दया खित्‍कान्‍ते ईन्‍देकी

एफिसी 5:2

थेमे ख्रीष्‍टकी ङुरूङला चुक ङिङज्‍ये खाईन थे खोरोङ ज्‍यानराङ बिन्‍गीन स्‍या ओताने सिन सम्‍झे खाला काम बात जे खासीनोङ ख्‍योकोनगीङ ज्‍येनला ङिङज्‍ये खाला खि। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्रीष्‍टकी ङुरूङ लाईदु ज्‍यान बिन्‍गीन स्‍याप्‍तेचेन परमेश्‍वरला मन परे खित्‍च्‍येते होथे ठीमा च्‍योक्‍ते ईन।

हिब्रू 5:1

जो ईन्‍सीनोङ गाङे भन्‍दा छ्येते पूजारीचेन मि नाङदुईराङ छाने खिओ। थेमे थेकीचेन मिओनगी खाबाते पाप माफ नाङ सिन भोग तेरच्‍येतेताङ मिओनगी परमेश्‍वरला चढे खिताला खुलाबातेबा चढे खिता फाप्‍क्‍यो।

हिब्रू 5:3

थोगीराङ ज्‍येनगी लाईदुकामा मेन्‍देकी थे खोरोङगी खाबाते पाप माफ नाङ सिराला थेकीङ परमेश्‍वरला भोग तेरा फाप्‍क्‍यो।

१ पत्रुस 1:11

थेबे सेमगी नाङ ओताते ख्रीष्‍टकी आत्‍मेकी ख्रीष्‍टकी देमा वाला दुक्‍पा भोगे खाला स्‍या फाप्‍च्‍येते थेमे थे दुक्‍पा भोगे खाईन सिन्‍नामेई परमेश्‍वरगी थेला छ्येज्‍यीक मान तेरच्‍येते बात थेबाला छ्या स्‍ये च्‍युत्‍नामेई था च्‍यि बेलाला चुक चुक ओङजीन परमेश्‍वरगी थोक खिताका सिन थेबेकी छ्या स्‍येबा चाला ओतान।

१ पत्रुस 2:24

ङुरूङ पापदुकी ठाल्‍ला परमेश्‍वरगी खि साबा साबाच्‍योक खित्‍कान ओङस्‍यीत सिन थे ङुरूङ पापकी सजाय भोगे खाईन स्‍यिङगी थामला टाँए खाईन स्‍यिसुङ। थेकी थोक खाईन दुक्‍पा भोगे खाबेकी खित्‍सादु था ख्‍योकोनगी पापकी सजाय भोगे खिता माफाबो।

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।

१ यूहन्‍ना 2:2

ङुरूङ पाप माफ तेरा थुप्‍स्‍यीत सिन येशू ख्रीष्‍ट ङुरूङगी खाबाते पापकी सजाय भोगे खाईन स्‍याप्‍ते ईन। ङुरूङतेकामा मेन, सा लुङबा खाङगी मि पाप माफ तेरा थुप्‍स्‍यीत सिन थे थोक खाईन स्‍याप्‍ते ईन।