१ कोरिन्‍थी 13:7 - जिरेल

⁷ थेकी दाक्‍पोनला जति दुक्‍पा बिन्‍सीनोङ थोक्‍ते मिलाङ ङिङज्‍ये खिन देत्‍क्‍यो, थेकी सुङलाङ शंका मिक्‍किओ, थेकी जो मिङ लेमु काम खित्‍कान ओङा थुप्‍क्‍यो सिन आश खिओ थेमे जस्‍तो दुक्‍पा ओङसीनोङ थे सेम मेसेता खाला देत्‍क्‍यो।

१ कोरिन्‍थी 13:7 Iomraidhean Croise

मत्ती 10:22

ङे मि ईन्‍देकीराङ मि गाङेकी ख्‍योकोनला मिगी थोङसार्मु खिओ। थोक थोक दुक्‍पा ओङजीनोङ सेम मेसेता खाला ङाला विश्‍वास खिन देत्‍कान्‍ते मिलाचेन परमेश्‍वरगी गाङे दुक्‍पादुकी डेल्‍ग्‍यो।

मर्कूस 9:23

थोक सिरजीन थेकी “खो च्‍यिला ठाक्‍पा खिता थुप्‍सीन सिते? परमेश्‍वरगी जेङ खिता थुप्‍क्‍यो सिन थेला विश्‍वास खासीन थेकी जस्‍तो कामोङ खिओ,” सिन सिदुक।

रोमी 15:1

था येशू ख्रीष्‍टला विश्‍वास खाईन पाको गालाते ङुरूङगीचेन दाक्‍पोन च्‍योकराङ पाको गाला मेताते दि सा थुङा मेङगो, दोक खिता मेङगो सिन ज्‍यीबा खित्‍कान्‍ते मिओनतेङ ख्‍याल ज्‍य्‌वाबा फाप्‍क्‍यो। ङुरूङगी दाक्‍पोन बातकामा विचार खिता मेङगो।

रोमी 8:24

ङीमाई थोक ओङगो सिन ङुरूङगी आश खाईन देताच्‍योक परमेश्‍वरगी थोरूमसाक खाबा मेत्‍सीनोङ थेकी ङुरूङला पापकी सजायदुकी टाल्‍गीन सिन्‍दा ओत। थेकी खिओ साबाच्‍योक खाईन सिन्‍दा ईन्‍सीन ङुरूङ आश खिन गुला देताराङ फाप्‍च्‍या मेतान। दाक्‍पोनगी ङेत्‍क्‍यो सिन आश खाबाते जेसुकै ङेत्‍कीन सिन्‍नामेईका याङराङ सु गुला देत्‍कीतेरो?

१ कोरिन्‍थी 13:4

ज्‍येनला ङिङज्‍ये खित्‍कान्‍ते मिचेन दाक्‍पोनला मेलेबा खासीनोङ खाराक्‍पाराङ देत्‍क्‍यो, थेकी ज्‍येनला दया खिओ, ज्‍येनगीते साबा च्‍योक ओङा थोङला डार मिक्‍किओ, ज्‍येनताङ सेखी मिक्‍किओ थेमे ङा छेतते सुङ मेन सिराच्‍योक खित्‍च्‍येतेङ मिक्‍किओ।

१ कोरिन्‍थी 9:12

ख्‍योकोन नाङ काम खित्‍कान ज्‍येनगी खोपरोङला गोच्‍येते ख्‍योकोनताङ लिन्‍गीदुक सासीन झन च्‍यि ङ्योकोनगीनी लिन्‍दा ङेत्‍च्‍येते मेनरो? ङ्योकोनला गोच्‍येते ख्‍योकोनगी तेरा फाप्‍च्‍येते ईन्‍सीनोङ ख्रीष्‍टते गा लाङच्‍येते बात गाङेकी लेमु खाला ङेन्‍स्‍यीत सिन ङ्योकोनगी बरू ङेराङगी दुक्‍पा खाबाप, ख्‍योकोन छ्य्‌वापेई छ्याःङज्‍यीक खाङज्‍यीक माला।

गलाती 6:2

दोक्‍पोईकी ज्‍येनज्‍यीक ख्‍याल ज्‍याक्‍ला ख्‍योकोन गाङेकी खेराङ नाङ सुला नाम च्‍यि मद्धत खिता फाप्‍कीका मद्धत बिन। दोक खानामेई ख्‍योकोनगी ख्रीष्‍टकी खि साबाते नियम ङेन्‍दाते ईन।

२ थिस्‍सलोनिकी 1:4

थेमे ज्‍येनगी खेराङला खेदा खाईन जति दुक्‍पा बिन्‍सीनोङ थेमे जति दुक्‍पा भोगे खिता फाप्‍सीनोङ ख्‍योकोनगी सेम मेसेता खाईन प्रभु येशूला विश्‍वास खिनराङ देताते बात ठाउँ ठाउँला जम्‍मा ओङकान्‍ते परमेश्‍वर मिओनला ङ्योकोन गा खिनकामा लाःप्‍कीन ख्‍याम्‍ग्‍यो।

२ तिमोथी 2:24

प्रभु येशू ख्रीष्‍ट काम खित्‍कान्‍ते मिकी ज्‍येनताङ थोम्‍मु जीङगा खिता मेङगो। बरू गाङेताङ खा छ्येत लेमु खाला बात खिता फाप्‍क्‍यो, ज्‍येनला लेमु खाला लोपा थुप्‍कानज्‍यीक ओङा फाप्‍क्‍यो थेमे ज्‍येनगी जे खासीनोङ स्‍येदाङ खुरा मेङगो।

२ तिमोथी 3:11

मिओनगी ङाला खेदा खाईन खाईन दुक्‍पा बिन्‍दाते थेमे ङे भोगे खाबाते जेसुकै दुक्‍पा खोल्‍ला छ्या मेताते मेन। एन्‍टिओखिया, आइकोनियम थेमे लिस्‍त्रा सारगी नाङला मिओनगी ङाला चुक मेलेबा खाबा ओताने सिरच्‍येते बादोङ खोल्‍ला छ्याराङ ओत। ङाला जहाँदु जस्‍तो दुक्‍पा ओङसीनोङ प्रभु येशू ख्रीष्‍टकी थोक्‍ते गाङे दुक्‍पादुकी जोए खाबा ओत।

२ तिमोथी 4:5

तर खोचेन जे खित्‍जीनोङ लेमु खाला विचार खालाकामा खि, खोरोङ काम खित्‍जीन जस्‍तोराङ दुक्‍पा ओङसीनोङ थे दुक्‍पा भोगे खि, ठाउँ ठाउँला गाल्‍ला गा लाङच्‍येते बात लोप्‍कान्‍ते मिकी खित्‍च्‍येते काम खिन देत थेमे परमेश्‍वरगी खोल्‍ला जिम्‍मा लै खाबाते काम गाङे मासिनथुप खिनराङ देत।

हिब्रू 13:13

थोगी ङुरूङगीङ येशू ओत्‍सादु फिला गाल्‍ला मिओनगी थेला खाबाते इज्‍जत बेइज्‍जत खपे खिता फाप्‍क्‍यो।

याकूब 1:12

थेमे दुक्‍पा ओङजीन खपे खिन देत्‍कान्‍ते मि भाग्‍यमानी ईन। च्‍यिला सासीन थोक्‍ते दुक्‍पा खपे खाईन सिन्‍नामेकी थोक्‍ते मिला परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते इनाम तेरग्‍यो। थे इनामचेन नोमुङ मिसिन्‍च्‍येते जुनी ईन।

१ पत्रुस 2:24

ङुरूङ पापदुकी ठाल्‍ला परमेश्‍वरगी खि साबा साबाच्‍योक खित्‍कान ओङस्‍यीत सिन थे ङुरूङ पापकी सजाय भोगे खाईन स्‍यिङगी थामला टाँए खाईन स्‍यिसुङ। थेकी थोक खाईन दुक्‍पा भोगे खाबेकी खित्‍सादु था ख्‍योकोनगी पापकी सजाय भोगे खिता माफाबो।

१ पत्रुस 4:8

थेमे ज्‍येनतोक भन्‍दाङ दोक्‍पोईकी ज्‍येनज्‍यीकला आउदी खाला ङिङज्‍ये खि। दोक खासीनराङ ज्‍येनगी जति मेलेबा खासीनोङ थोक्‍ते मिला माफ तेरा थुप्‍क्‍यो।