१ कोरिन्‍थी 13:6 - जिरेल

⁶ थोक्‍ते मिलाचेन सुइँदेकी मेलेबा काम खाबाते गा मालाङो बरू खइँदा लेमु काम खाबा थोङसीन आउदी खाला गा खिओ।

१ कोरिन्‍थी 13:6 Iomraidhean Croise

मत्ती 18:13

छोल्‍गीन छोल्‍गीन डोजीन थे तोराते लुक ङेत्‍नामेकी थे आउदी गा खिओ। मातोरातेबा ज्‍येन गाङे लुक भन्‍दाङ थे तोराते लुकज्‍यीकका काल्‍बेई ईन्‍दाच्‍योक खाला थे आउदी खाला गा खिओ।

लूका 22:5

थे बात थोकीन थेबाला आउदी गा लासुङ। थोक खासीन थेला थेबेकी पैसा तेरग्‍यो सिन सासुङ।

रोमी 1:32

होथोक्‍ते मेलेबा काम खित्‍कान्‍ते गाङेकी सजाय ङेत्‍ला स्‍या फाप्‍क्‍यो सिन परमेश्‍वर नियमला साबाते बात छ्या ओत्‍कीन ओत्‍कीनोङ मिओनगीचेन खोपरोङकामा मेलेबाते काम खिन देत्‍च्‍येते मेनगी ज्‍येनगी थोक्‍ते काम खाबा थोङजीन थेबेकी चुक लेमु खासुङा सिन गाका खिओ।

रोमी 12:9

थेमे ख्‍योकोनगी ज्‍येनला खेकीकामा मेन, पक्‍काराङ ङिङज्‍ये खि। दोकचेन खिताराङ मेङगो सिन मेलेबाते कामताङ बात सिराते छ्याःङ माकेत। खालि लेमुते कामताङ बात खित्‍च्‍ये छ्य्‌वापाकामा स्‍येत खि।

फिलिप्‍पी 1:18

थेबेकी थोक खाबाते बातला ङाला छ्याःङ चासो मेत। जसकी जस्‍तो सेमगी लाप्‍सीनोङ ख्रीष्‍टते गा लाङच्‍येते बात मि काल्‍बेईकी छ्या स्‍येकीन दुक। ङाला चासो लाङच्‍येते बात होदिराङ ईन। थोक ओङा थोङनामेई ङालानी आउदी गाका लाबा ओत। ङा थोरूमोङ गा खिन देत्‍क्‍यो।

फिलिप्‍पी 1:4

ख्‍योकोन गाङे लाईदु ङा आउदी गा खिनकामा परमेश्‍वरला प्रार्थना खिओ।

फिलिप्‍पी 3:18

बातज्‍यीक ङे ख्‍योकोनला पालोताङ पालो साबा ओत। थे बात सम्‍झे खित्‍जीन ङाला आउदी मेलेबा लाङगीदुक। दि बात ङा लोक्‍ला सिन ओत। च्‍यि सासीन ख्रीष्‍टला विश्‍वास खित्‍कान्‍ते मि ईन सालाङ मि काल्‍बेईकी ख्रीष्‍ट स्‍यिङगी थामला टाँए खाईन स्‍या फापाते बात छ्याःङ मेन सिराच्‍योक खाला खोपरोङ खुशी खिन ख्‍याम्‍गीदुक।

२ थिस्‍सलोनिकी 2:12

थोक खाला सत्‍यते बात माङेन्‍ला खालि परमेश्‍वरगी माकेत साबाते कामकामा खिता सेम खाला थोकराङ खित्‍कान गाङेला परमेश्‍वरगी थेबेकी ङेता फाप्‍च्‍येते सजाय तेरग्‍यो।

२ यूहन्‍ना 1:4

थेमे खुई फुज्‍युङ फुमु कोई कोईकी ङुरूङला आबा परमेश्‍वरगी खि सिन कोता च्‍योकराङ खाईन सत्‍यते बात ङेन्‍गीन थेरू खि साबा च्‍योकराङ खाबा थोङगीन ङाला आउदी गा लाबा ओत।