ङाचेन ख्योकोनला च्यि सिते सासीन सुइँदा दाक्पोन आज्यो न्वाताङ स्येदाङ खासुङ सासीनकामाङ थेलाङ सजाय तेरा फाप्क्यो। थेमे आज्यो न्वाला खो ङ्येबे ङ्येस्यु सिन सिरकान्ते मिला सजाय बिन सिन छ्ये छ्ये मि रूसादु खेरा फाप्क्यो। थेमे आज्यो न्वाला खोनी ठुङराङ माठुङसीन ओङच्या ओतान सिन सिरकान्ते मिनी झन सजाय ङेत्ला नरककुण्डमा मे नाङराङ स्यूइओ।
१ कोरिन्थी 13:5 - जिरेल5 ज्येनला ङिङज्ये खित्कान्ते मिकी ज्येनला खा छ्येत लेमु खिओ, थेकी चुक खासीन थे खोरोङला फाइदा ओङोङा सिराच्योक खाला काम मिक्किओ, थे होत्ताराङ स्येदाङ मिक्किओ, ज्येनगी मेलेबा खाबाते स्येदाङ साला मोज्योओ, दाक टोक ज्येत्क्यो। Faic an caibideil |
१ कोरिन्थी 13:5
37 Iomraidhean Croise
थेबा थोक खाईन छ्याःङ मिसिरा खाईन देता थोङजीन थेला स्येदाङ लासुङ। थेमे थेबाला रकस्यिक ताकीन देत्सुङ। थेला सेमला दुक्पाङ लासुङ। च्यिला सासीन दया माया सिराते थेबे सेमला छ्याःङ मेतान, परमेश्वर बात ङेन्च्ये सेमोङ मेतान। थेमे थेकी थे लाक्पा काम्बाते मिला “खुईते लाक्पा स्योङते,” सिन सिदुक। थे मिकीङ लाक्पा स्योङजीन लेमु खाला चले खिता थुप्च्या गाल्सुङ।
च्यि सासीन ख्रीष्टकी खाबाते कामगी खित्सादु परमेश्वरगी दि सा लुङबे मिओनला थेबेकी खाबाते मेलेबाते कामताङ बातकीते छ्याःङ हर हिसाब मिलिन्दा खाईन थे खोरोङताङ डिक्पा खित्च्येते काम खासुङ। थेमे मिओनला थे खोरोङताङ डिक ज्युत्क्यो सिरच्येते बात ज्येनला लोप्च्येते कामगी जिम्मा थेकी ङ्योकोनला बिन्सुङ।
आज्यो न्वावे, ख्योकोन थे खोरोङ नियम अधीनला देता माफाप्स्यीत सिन परमेश्वरगी ख्योकोनला थे खोरोङ दोन्दु स्योक सिन काताङाते ईन। दोक सिरजीनमेईराङ थोक ईन्सीन थानी जे खासीनोङ ओङच्याक्वा सिन खेराङ सेमला लाबा लाबा माकेत। बरू ख्योकोनगी दाक्पोन नाङ ङिङज्ये खितरीङ खिन दोक्पोईकी ज्येनज्यीकला लेमु खि।
थोगी बात चुक सासीन आज्यो न्वावे, ख्योकोनगी लेमुते थेमे खिता ओङच्येते कामताङ बातकीतेकामा विचार खि। चुक सासीन ख्योकोनगी साँचोते बातकामा खित्च्येते, लेमुते कामताङ बातकामा खित्च्येते, अन्याय मिक्किच्येते, मेलेबाते कामताङ बात छ्याःङ मिक्किच्येते, लेमु लाङच्येते थेमे मि सेमला डोच्येते कामताङ बातकीतेकामा विचार खि।
Sanasan