१ कोरिन्थी 13:4 - जिरेल4 ज्येनला ङिङज्ये खित्कान्ते मिचेन दाक्पोनला मेलेबा खासीनोङ खाराक्पाराङ देत्क्यो, थेकी ज्येनला दया खिओ, ज्येनगीते साबा च्योक ओङा थोङला डार मिक्किओ, ज्येनताङ सेखी मिक्किओ थेमे ङा छेतते सुङ मेन सिराच्योक खित्च्येतेङ मिक्किओ। Faic an caibideil |
१ कोरिन्थी 13:4
53 Iomraidhean Croise
थोगी थेबेकी परमेश्वरगी खिता मेङगो सिन साबाते मेलेबाते कामताङ बातकामा खित्च्येते, लोभ खित्च्येते थेमे खालि ज्येनला खेदापानी खित्च्येते खिताला स्यूसुङ। थोकराङ खाईन डार खित्च्येते, मि सेत्च्येते, थोम्मु जीङगा खित्च्येते, ज्येनला ठगे खित्च्येते, मिला मोता सराप खित्च्येते थेमे मि बात खिन ख्याम्च्येते खिताला स्यूसुङ।
चुक सासीन ङुरूङगी गाङे ङोन्दु खिता ओङच्येते कामताङ बातकामा खिता फाप्क्यो। ज्येनताङ रूला भक्कुचूर सोला थुला मोज मज्जा खित्च्येते, छ्याङ रक्सीकी जिला ख्याम्च्येते थेमे रन्डीबाजीताङ होदि च्योक्ते खिता मेङच्येते ङोचा लाङच्येते काम खिता मेङगो। ज्येनताङ थोम्मु जीङगा खित्च्येते थेमे मिला डार खित्च्येतेङ खिता मेङगो।
आज्यो न्वावे, ख्योकोनगी लेमु खाला खोस्यीत सिन थाल्लासाक खाबाते गाङे बात ङे अपोल्लोसताङ ङाराङ बात खुलाकीन खाबाते ईन। परमेश्वर बातला खि साबा च्योकराङ खाला काम खि। थोक खित्च्येते बानी ख्योकोनगी ङ्योकोन छ्य्वापेई लोप। थेमे ख्योकोनगी फलाना चुक लेमु खित्कान्ते ईन्दे सिन दोक्पोईला छ्ये जोच्येतेताङ ज्येनज्यीकलाचेन थेङ सु ईन्देरो सिराच्योक खित्च्येते बानी थोङ।
था ङा थेपा ओङजीन ङे साबा ओताच्योक मेन्देकी ख्योकोनगी खुदुकराङ काम खिन ओताते थोङा फाप्कीता सिन ङाला पीर लाबा ओत। थोकराङ खाला ख्योकोनगीङ ङाला खुदुकराङ गालाते च्योक थोङगीता सिनोङ ङाला पीर लाबा ओत। च्यि सासीन थोरूमोङ ख्योकोन थोम्मु जीङगा खिन ओताते, मिला डार खिन ओताते, मित्ताङ स्येदाङ खित्च्येते, ज्येनगी वास्ता मिक्किता खाला दाक्पोन फाइदाकामा ताच्येते, मिला मोत्च्येते, मि पनी खित्च्येते, ङा ङाराङ ईन सिराच्योक खित्च्येते थेमे गाङेराङ डिक्ला थुन्ला काम खिता साटोला आफूराङस्ये खाला ख्याम्गीन ओताते थेप्कीता सिन ङाला सुर्ता लाबा ओत।
थेमे परमेश्वरला माने खिताला बर्त देत्च्येतेताङ दुक्पा खाला खाला होदोक्ते काम काल्बेई खिता फाप्क्यो, परमेश्वर दूतओनलाङ माने खिता फाप्क्यो सिन सिरकान्ते मि सुङगीङ बात माङेन। थोक्ते मि बात ङेन्सीन ख्योकोनगी परमेश्वरगी तेरच्येते इनाम मेङेदो। होथोक सिरकान्ते मिओनगीचेन परमेश्वरगी ङ्योकोनला मिलाम खित ज्युताच्योक खासुङ, थेजीन ङ्योकोनगी दोक दोक थोङसुङ सिन सिओ। थेबे सेम लेमु मेतेकी थेबा होदोक्ते बात खिन छ्ये खिन ख्याम्ग्यो।
परमेश्वरगी ख्योकोनला थे खोरोङ सन्तान सिन छाने खाईन ख्योकोन सेम खुदुक जोबा ओत, थेकी ख्योकोनला आउदी खाला ङिङज्ये खिओ। ख्योकोन बात दोक ईन्देकी ख्योकोनगी चुक चुक खिता फाप्कीते सासीन पीर फापा ओतातेबाला पीर माकेत सिन सिरा फाप्क्यो, ज्येनगी दुक्पाला ता फाप्क्यो, ङा ङाराङ ईन सिराच्योक खिता मेङगो, गाङेताङ खा छ्येत लेमु खिता फाप्क्यो, होत्ताराङ स्येदाङ खिता मेङगो,
थेमे आज्यो न्वावे, ख्योकोनगी खेराङ नाङ दाक्पोन लाःक खिता ताङला अल्छी खाला देत्कानला थोक माकेत, काम खिता फाप्क्यो सिन सि, ज्यीबा खित्कानला ज्यीबा खिता माफाबो सिन सि, प्रभु येशूला विश्वास खाईन पाको गाला मेतातेबाला पाको ड्वाप्ला मद्धत बिन। थेमे स्येदाङ मिक्किता खाला गाङेताङ खा छ्येत लेमु खाला काम खि।
थोक्ते मिओनगी गाङे बात छ्या ओताच्योक खाईन छ्ये खासीनोङ थेबेकीनी च्यि बात चुक ईन्दे सिन छ्याःङ खोबा मेङगो। थेबेकीचेन टेकाटेउरी स्योरच्येते छ्याःङ काम लै मिक्किच्येते बातकामा देन्दा चाल्ला होथोक्ते बातकामा छोल्गीन ख्याम्ग्यो। थोक्ते बात खित्जीन खालि स्येदाङ लाङच्येते, डिक्ला थुन्ला देता मुथुप्च्येते, मि मोत्च्येते, शंका खाला ईनराङ मेन्दे दोष लै खित्च्येते
थेकीचेन थे खोरोङगी लोप्च्येते बातताङ मिडिक्च्येते बात खित्कान्ते मिओनताङ खा छ्येत लेमुकीराङ थेबेकी चुक्ते बात लोपा फाप्च्येते ईन्दे सिन लाप्ला तेरा फाप्क्यो। परमेश्वरगी थेबाला खोपरोङगी चुक मेलेबा खाबा ओता ईन्दाका सिन छ्या स्येच्येते मौका तेरगीतासीन सिन थेमे थेबेकी सत्यते बात च्यि ईन्दाका सिन लेमु खाला छ्या स्येकीतासीन सिन थेबाला होदोक खाला लाप्ला तेरा फाप्क्यो।
बात दोक दोक ईन्सीनोङ ङे बातचेन गाङे खोल्ला लेमुराङ खाला छ्या ओत। च्यि सासीन सत्यते बात लोप्जीन ङे च्यि बात चुक खाईन लापा ओताने, ङे चुक चुक खाबा ओताने थेमे ङे ङाराङ जुनी खाङ च्यि खिता चाला ओताने सिन खोल्ला छ्याराङ ओत। दोस्यिककामा मेन, ङे येशूला चुक खाला विश्वास खिन ओताने, ङा चुक खाला ज्येनताङ स्येदाङ मिक्किता खाला देत्कीन ओताने, ज्येनला चुक खाला ङिङज्ये खिन ओताने थेमे जस्तो दुक्पा ओङसीनोङ ङे चुक खाला खपे खिन ओताने सिन गाङे बात खुई छ्या स्येबाराङ ओत।
खुई चुक खिता फाप्कीते सासीन मिओनला परमेश्वर बात लोप्कीनराङ देत, मिओनगी ङेन्सीनोङ माङेन्सीनोङ जुन बेलालाङ थे बात लोपा मातोङ थेमे गल्ती खित्कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्दे सिन गाङेला लाप्ला बिन। थानी दिबाला थोई लोप्च्ये सिराच्योक माकेत, सुङताङ स्येदाङ मिक्किता खाला खा छ्येत लेमु खिन दोक खाला लोप्कीनराङ देत।
गोमाबा ङुरूङोङ सो साकान पशु च्योकराङ ओतान। ङुरूङगी परमेश्वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्याबाला ओङराङ मेङगो सिराच्योक खाला दाक्पोन सेमला लाबा लाबा खिता ओङच्या मेङच्या कामओन खिन ओतान। ङुरूङ जहिलेङ मेलेबाकामा खिन थेमे ज्येनला डार खिन ओतान। दोक खाला ङुरूङ गाङे नाङ दोक्पोईकी ज्येनज्यीकला मिगी थोङसार्मु खित्च्येतेकामा खिन ओतान।
Sanasan