१ कोरिन्‍थी 13:3 - जिरेल

³ थेमे ङाराङ सम्‍पत्तिबरी छ्याःङ मेताते मिओनला गोकीन बिन्‍सीनोङ थेमे ज्‍येनगी ङाराङला छ्ये मि ईन सिरस्‍यीत सिन ङाराङला मे लै खाईन स्‍यिसीनोङ ङे ज्‍येनला ङिङज्‍ये माक्‍यासुङ सासीन ङे थोक खाबाते ङाला छ्याःङ फाइदा मेङगो।

१ कोरिन्‍थी 13:3 Iomraidhean Croise

मत्ती 23:5

थेबेकीनी जे खासीनोङ खोपरोङगी खाबाते काम थोङला ज्‍येनगी खोपरोङ परमेश्‍वरला आउदी खाला माने खित्‍कान्‍ते मि दुका सिरस्‍यीत सिरच्‍ये सेमगीकामा खिओ। चुक सासीन थेबेकीचेन परमेश्‍वर नियम टिला जोदातेन्‍दे जन्‍तर च्‍योक जोला पाखुराताङ टाले लाई नाङला ठाला खोन्‍ला ख्‍याम्‍गीदुक। थोकराङ खाला खोलाकलाङ झुम्‍का रीम्‍बुतेन्‍दे ताप्‍ला खोन्‍गीदुक।

लूका 18:22

थेमे येशूकी थेला “नोमुङ मिसिन्‍च्‍येते जुनी ङेता सेम लासीन थोरूमोङ खुई खिता फाप्‍च्‍येते कामज्‍यीक ओत। था खुई गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

लूका 18:28

दि बाततेबा थोनामेई पत्रुसकी “गुरू, खुई चेला ओङला ख्‍याम्‍बे लाईदु ङ्योकोनगीनी ङेराङ खाम्‍बा गोटे समेदोङ ताङाप। दि बात खोल्‍ला छ्याराङ ओत,” सिन सिदुक।

लूका 19:8

थेमे प्रभु येशूताङ बात खिन खिनला लाकीन जखायसकी “लो प्रभु, था ङा ङाराङते ओताते जति सम्‍पत्ति बो ङि जोला बोज्‍यीकचेन दुक्‍पा ङेताते मिओनला गोला तेरग्‍यो। थेमे ङे ठगे खाबाते मिओनला ङाराङगी ठगे खाबाते लाक्‍तु दोबोर सुम थपे खाला तेरामीन,” सिन सिदुक।

यूहन्‍ना 12:43

थेबालानी परमेश्‍वरगी भन्‍दाङ मिओनगी मान खाबातेका मन परे खिन ओतान।

यूहन्‍ना 13:37

थोक सिरजीन पत्रुसकी “प्रभु, खो डोसादु ङा थरिङराङ च्‍यिला खुई तिङ ङ्याला ड्वा मुथुप्‍ते? खुई लाईदु ङा ङाराङ ज्‍यानराङ तेरग्‍यो,” सिन सिदुक।

यूहन्‍ना 15:13

दाक्‍पोन र्‍वाओन लाईदु दाक्‍पोन ज्‍यान तेरच्‍येते छेत ङिङज्‍ये ज्‍येनतोक छ्याःङ मेन।

यूहन्‍ना 6:63

मिओनला नोमुङ मिसिन्‍च्‍येते जुनी तेरकान्‍ते परमेश्‍वर आत्‍मा ईन। मिकीचेन दोक खिताराङ मुथुबो। ङे ख्‍योकोनताङ खाबाते बाततेबा परमेश्‍वर आत्‍मेते थेमे नोमुङ मिसिन्‍च्‍येते जुनी बात ईन।

शक्ति काम 21:13

ङ्योकोनगी थोक खित्‍जीन थेकी “ख्‍योकोन च्‍यिला दोक खाला ङुइन ङाला पीर लोङगीते? प्रभु येशू लाईदु ङानी यरूशलेमपा सुइँदेकी ठाइता सिननी च्‍यि थे लाईदु स्‍या फाप्‍सीनोङ नाइँ मिसिरो,” सिन सिदुक।

गलाती 5:26

ङुरूङगी दाक्‍पोन नाङ ङा ङाराङ ईन सिराच्‍योक खिता मेङगो। दोक खासीन दाक्‍पोन नाङ मिडिक्‍च्‍येतेताङ आरिस्‍ये खित्‍च्‍येते बातकामा ओङगो।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

१ तिमोथी 4:8

मिओनगी दाक्‍पोन ङार्मा ओङस्‍यीत सिन खोपरोङ जीउला दुक्‍पा बिन्‍गीन तालिम खाबाते छ्याःङ काम लै मिक्‍किच्‍येतेचेन मेन। ईन्‍सीनोङ परमेश्‍वरला माने खित्‍जीन खाबाते कामचेन दि भन्‍दा खापान खापान खुदुक ईन। दोक्‍ते काम खित्‍कान्‍ते मिलाचेन परमेश्‍वरगी दि जुनीलाकामा मेन तिरी जुनीलाङ आशी तेरग्‍यो सिन साबा ओत।

हिब्रू 13:9

बात दोक ईन्‍देकी परमेश्‍वर बात ईन सिन थे बातताङ डिकराङ मिडिक्‍च्‍येते खुदुक खुदुकते बात ङेन्‍ला छक्‍के माकेत। परमेश्‍वरगी दया खाबा ओतेकी खित्‍सादु होथोक्‍ते बातला नामज्‍योक मेसेता खाला छ्याःङ शंका मिक्‍किता खाला थेला विश्‍वास खिन देता लेमु ईन। दि सा ओङगो, थे सा मेङगो सिरच्‍येते नियम ङेन्‍ला सुङलाङ छ्याःङ फाइदा मेत।