१ कोरिन्‍थी 13:11 - जिरेल

¹¹ ङा फिजा ओत्‍जीन फिजा च्‍योकराङ खाला बात खिन ओतान, फिजेकी च्‍योकराङ खाला विचार खिन ओतान थेमे ङे बुद्धिङ फिजेते च्‍योकराङ ओतान। तर था ङा पाकोते मि ईन्‍देकी फिजा ओत्‍जीन च्‍योकराङ मिक्‍किओ।

१ कोरिन्‍थी 13:11 Iomraidhean Croise

मत्ती 16:7

थेकी च्‍यि साबाते ईन्‍ताका सिन माखोबेकी चेलातेबेकीचेन “ङुरूङगी साच्‍येते खुला माबाकीका गुरूकी दोक साबा ईन्‍दा च्‍यिन्‍दा,” सिन खोपरोङ नाङ बात खासुङ।

१ कोरिन्‍थी 13:10

था परमेश्‍वरगी ङुरूङला बात गाङे छ्या स्‍ये ज्‍युत्‍च्‍येते समय वानामेईचेन थरिङोला ङुरूङगी छ्या स्‍येबा मेताते बाततेबा गाङे छ्या स्‍येक्‍यो।

१ कोरिन्‍थी 13:12

परमेश्‍वर दोकस्‍यिकराङ दुक सिन थरिङोलाचेन ङुरूङगी टिक्‍पी टिक्‍पीकामा थोङच्‍येते ऐनाला थोङाच्‍योक खाला थोङगो। था तिरीचेन थे दोकस्‍यिक ओताक्‍वा सिन थेला ठामासोमुला मिगी दोन्‍दुराङ थोङगो। परमेश्‍वर सु ईन्‍दे, थेकी चुक खाला काम खिते सिरच्‍येते बात थरिङोला ङे टिक्‍पी टिक्‍पीकामा छ्या स्‍येबा ओत। थेकी ङाला दि मि दोक्‍ते ईन सिन छ्या स्‍येबाच्‍योक खाला था तिरीचेन परमेश्‍वर दोक्‍ते दुका, थेकी दोकराङ खाला काम खित्‍च्‍याक्‍वा सिन ङे गाङे लेमु खाला छ्या स्‍येक्‍यो।

१ कोरिन्‍थी 14:20

आज्‍यो न्‍वावे, था ख्‍योकोनगी लेमुताङ मेलेबा डेला मुथुप्‍कान्‍ते फिजा च्‍योक माकेत बरू छारगीन लेमु खाईन बुद्धि स्‍यूबाते मिकी च्‍योक खाला काम खि। मेलेबाते कामचेन छ्याःङ खिता मास्‍येबाते बालकते फिजा च्‍योक ओङला देत।

गलाती 4:1

दि बात लेमु खाला खोबा थुप्‍स्‍यीत सिन था ङा दि बादोङ खितामीन। चुक सासीन सुइँदा धनीते मि फुज्‍युङगी तिरी आबातेते ओताते जति जेसुकै ङेत्‍च्‍येते ईन्‍सीनोङ उमेर माछाङथुप आबाते सम्‍पत्तिला थेते छ्याःङ हक लै मिक्‍किओ। थेङ थेरू खाम्‍बादु काम खित्‍कान्‍ते मि छेतराङ ईन।