१ कोरिन्‍थी 12:4 - जिरेल

⁴ परमेश्‍वर आत्‍मेकी मिओनला खुदुक खुदुक काम खित्‍च्‍येते सीपताङ शक्ति तेरग्‍यो। मिओनला खुदुक खुदुक काम खित्‍च्‍येते सीपताङ शक्ति बिन्‍सीनोङ परमेश्‍वर आत्‍माचेन दोक्‍पोईराङ ईन।

१ कोरिन्‍थी 12:4 Iomraidhean Croise

१ कोरिन्‍थी 12:1

आज्‍यो न्‍वावे, परमेश्‍वर आत्‍मेकी मिओनला तेरच्‍येते सीपताङ शक्ति बात च्‍यि ईन्‍दे, चुक्‍ते ईन्‍दे सिन ख्‍योकोनगी लेमु खाला खोस्‍यीत सिन ङा दि बात सिन ओत।

१ कोरिन्‍थी 12:28

येशू ख्रीष्‍ट मिओन नाङ परमेश्‍वरगी छ्येदुकी शुरू खाईन टेक्‍टेसाक गाङेला दाक्‍पोन दाक्‍पोन जिम्‍मा बिन्‍दा ओत। थेबे नाङ गाङे भन्‍दा गोमाचेन येशू ख्रीष्‍टकी खटे खाबाते मिओन, थेबे तिरी परमेश्‍वर बात खित्‍कान्‍तेबा, थेरूकी परमेश्‍वर बात लोप्‍कान्‍तेबा फाप्‍क्‍यो। थोकराङ खाला अचम्‍ब अचम्‍बतेन्‍दे काम खित्‍कान्‍तेबा, नाबाते मिओनला ठाक्‍पा खित्‍च्‍येते शक्ति ङेता ओतातेबा, ज्‍येनला मद्धत खित्‍कान्‍तेबा, खाङ काम चुक खाला खिता फाप्‍कीते सिन छ्या स्‍येकान्‍तेबा थेमे खोपरोङगी छ्या मास्‍येबाते खुदुक खुदुकते भाषाला बात खित्‍कान्‍ते मिओन फाप्‍क्‍यो।

१ कोरिन्‍थी 12:5

थेमे मिओनगी खुदुक खुदुक काम खासीनोङ थेबा गाङेते मालिकचेन प्रभु येशू दोक्‍पोईराङ ईन।

१ कोरिन्‍थी 7:7

ईन्‍दानी मि गाङे ङा च्‍योक खाईन फाङमा मिक्‍किता खाईन देताते ङाला लेमु लाङगीदुक। ईन्‍सीनोङ परमेश्‍वरगी मि दाक्‍पोन दाक्‍पोनला दोक्‍पोईला फाङमा खाला देत्‍च्‍येते थेमे ज्‍येनज्‍यीकला फाङमाराङ मिक्‍किता खालाङ देता थुप्‍च्‍येते शक्ति बिन्‍दा ओङगो।

एफिसी 4:11

थेकीराङ मिओनला खुदुक खुदुकते काम खित्‍च्‍येते सीपताङ शक्ति बिन्‍गीन कोईला थे खोरोङगी खटे खाबाते मि थेमे कोईला परमेश्‍वर बात खित्‍कान्‍ते मि जोसुङ। थोकराङ खाईन कोईला ठाउँ ठाउँला गाल्‍ला गा लाङच्‍येते बात लोप्‍कान्‍ते मि थेमे कोईला परमेश्‍वर सन्‍तानओनला ताकान्‍ते थेमे परमेश्‍वर बात लोप्‍कान्‍ते मि जोसुङ।

हिब्रू 2:4

थेबेकी लापाते बात सत्‍यतेराङ ईन सिन तेन्‍दाला परमेश्‍वरगीङ दि बात लोप्‍कान्‍तेबाला खुदुक खुदुकतेन्‍दे छ्ये छ्येताङ अचम्‍बतेन्‍दे काम खित च्‍युत्‍सुङ। थेमे थे खोरोङगी सेम खाबा च्‍योकराङ खाईन परमेश्‍वर आत्‍मा बिन्‍गीन खुदुक खुदुक काम खित्‍च्‍येते सीपताङ शक्तिङ बिन्‍सुङ।

१ पत्रुस 4:10

परमेश्‍वरगी ङुरूङ गाङेला खुदुक खुदुकते सीपताङ शक्ति बिन्‍दा ओत। थेकी दाक्‍पोनला जे खित्‍च्‍येते सीपताङ शक्ति बिन्‍ला दुक थे छ्य्‌वापेई ज्‍येनला लेमु ओङच्‍येते काम खि।