१ कोरिन्‍थी 12:3 - जिरेल

³ ख्‍योकोनगी दि बात छ्या स्‍येबा खि। च्‍यि सासीन परमेश्‍वर आत्‍मे छ्य्‌वापेई बात खित्‍कान्‍ते मि सुङगीङ येशूला मोता सराप मिक्‍किओ। थोकराङ खाला परमेश्‍वर आत्‍मे छ्य्‌वापेई बाई सुङगीङ येशूराङ छ्ये ईन, थेराङ प्रभु ईन सिन सिरा मुथुबो।

१ कोरिन्‍थी 12:3 Iomraidhean Croise

मत्ती 22:43

थेरूई थेकी “थोक ईन्‍सीन ख्रीष्‍टकी विषयला बात खित्‍जीन चुक खाईन गेल्‍बो दाऊदकी परमेश्‍वर आत्‍मे छ्य्‌वापेई गोमाकाराङ थेला प्रभु सिन साबा ओताने, ओना?

मर्कूस 9:39

थोक सिरजीन थेकी थेला “थोक्‍ते मिला ख्‍योकोनगी थोक माकेत सिन मासेर। च्‍यिला सासीन ङे मिन लाला अचम्‍बते काम खित्‍कान्‍ते मिकी होत्ता ङे विरोध खितराङ मिक्‍किओ।

यूहन्‍ना 13:13

ख्‍योकोनगी ङाला खेराङ गुरू थेमे खेराङ मालिक ईन सिन खिदुक। ख्‍योकोनगी थोक साबाते ठीकराङ ईन। ङा ख्‍योकोनगी साबा च्‍योकराङ ईन।

यूहन्‍ना 13:14

ङे ख्‍योकोन मालिक थेमे गुरू ईन्‍गीनोङ ख्‍योकोन काम्‍बा टुकीन बिन्‍दा ओत। ख्‍योकोनगीङ खेराङ नाङ दोक खिता फाप्‍क्‍यो।

यूहन्‍ना 15:26

आबा ओत्‍सानेकी ङे ख्‍योकोन ओत्‍सामा तोङगो साबाते सल्‍लाह तेरकान्‍ते वानामेकी थेकी ख्‍योकोनला ङा सु ईन्‍दे, ङे च्‍यि खिते सिन लेमु खाला सिओ। थे आबे छ्य्‌वापेईराङ ओङगो। थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो।

शक्ति काम 8:37

फिलिपकी थेला “खुई येशूला परमेश्‍वर फुज्‍युङ ईन सिन विश्‍वास खिताला स्‍यूनामेकी दोक खिता च्‍यिला मेङतेरो, दाक ओङगो,” सिन सिदुक। थेमे थे मिकीङ “ईन, ङा येशूला विश्‍वास खिओ। येशू ख्रीष्‍टचेन परमेश्‍वर फुज्‍युङराङ ईन,” सिन सिदुक।

रोमी 10:9

थोगी था ख्‍योकोनगी ज्‍येनगी दोन्‍दु येशूराङ छ्ये ईन, थेराङ प्रभु ईन सिन सासीन थेमे परमेश्‍वरगी थेला स्‍यिसादुकीङ सोम्‍बो लोक्‍पाते बात पक्‍काराङ ईन सिन पत्ते खासीन पापकी सजाय भोगे खिता माफाबो।

१ कोरिन्‍थी 16:22

सुइँदेकी प्रभु येशूला ङिङज्‍ये मिक्‍किदुक सासीन थोक्‍ते मिला परमेश्‍वरगी सराप तेरस्‍यीत। स्‍योक स्‍योक प्रभु येशू, खो होत्ता स्‍योक।

१ कोरिन्‍थी 8:6

ईन्‍सीनोङ ङुरूङ लाईदुनी परमेश्‍वर खालि दोक्‍पोईकामा ओत। थेचेन ङुरूङ आबा ईन। दि सा नाम थेमे ओताते जति गाङे थेकीराङ जोबाते ईन। थेमे परमेश्‍वर मि ईन्‍देकी ङुरूङ थेकी साबाते ङेन्‍ला थेला छ्ये जोइओ। थोकराङ खाला येशू ख्रीष्‍टकामा ङुरूङ मालिक ईन। दि सा नाम थेमे ओताते जति गाङे परमेश्‍वरगी थे छ्य्‌वापेकीराङ जोबाते ईन। थेमे ङुरूङला जुनी तेरकान्‍तेङ येशू ख्रीष्‍टराङ ईन।

२ कोरिन्‍थी 11:4

च्‍यिला सासीन सुइँदेकी वाकीन ङ्योकोनगी लापाते च्‍योक्‍ते मेन्‍देकी ज्‍येनज्‍यीकराङ येशू बात लाप्‍सीनोङ ख्‍योकोनगी थे आउदी लेमु खाला ङेन्‍च्‍याक्‍वा। थेमे थेबेकी खेराङला ङेता फाप्‍क्‍यो साबाते आत्‍मा ख्‍योकोन ङेता छोल्‍च्‍याक्‍वा। थे आत्‍माचेन ख्‍योकोनगी ङेता ओताते परमेश्‍वर आत्‍मा मेन। थोकराङ खाला ङ्योकोनगी ख्‍योकोनला लाप्‍कीन बिन्‍दा ओताते च्‍योक्‍ते मेन्‍देकी खुदुकज्‍यीकराङ गा लाङच्‍येते बात लाप्‍सीन ख्‍योकोनगी होथोक्‍ते बातराङ ङेन्‍च्‍याक्‍वा।

२ कोरिन्‍थी 3:5

थोगी ङ्योकोनगी खित्‍च्‍येते कामताङ बात ङेराङ स्‍येतताङ बुद्धिकी खाबाते मेन। ङ्योकोनला स्‍येतताङ बुद्धि तेरकान्‍तेनी परमेश्‍वरराङ ईन।

गलाती 3:13

तर ख्रीष्‍टकीचेन परमेश्‍वर नियमला तोके खाबाते परमेश्‍वरगी ङुरूङला सराप बिन्‍ला तेरच्‍येते सजाय थे खोरोङगीराङ भोगे खाईन स्‍यिइन ङुरूङला थे सजायदुकी टाल्‍सुङ। दोक खाईन ङुरूङ साटोला परमेश्‍वरगी थेला सराप बिन्‍गीन सजाय बिन्‍दाते ईन सिन परमेश्‍वर बातला “स्‍यिङगी थामला टाँए खाबाते मिचेन परमेश्‍वर सराप लै खाईन सजाय ङेत्‍कीन स्‍याप्‍ते ईन,” सिन टिबा ओत।

छ्या स्‍ये च्‍युताते बात 1:10

थेमे थेरू ङीमाई आदेरी छोमु च्‍यि ओङसुङा सासीन परमेश्‍वर आत्‍मेकी ङाला जुम्‍सुङ। थेमे ङे ङाराङ ल्‍हाकनापा सुइँदेकी ङाराङताङ बात खिन ओताते थोसुङ। थे ङोरो आउदी कस्‍स्‍ये खाईन फुबाते बिकुल ङोरो च्‍योक ओतान।