दोक ईन्देकी थेबा जेसुकै खित्स्यीत। खेराङ खाराक्पा देत। थेबेकी खोपरोङला परमेश्वर नियम छ्या मेस्येकान अन्ध च्योक्ते मिओनला थे नियम लोप्कान्ते मि ईन खिदुक। ईन्दालाचेन थेबा खोपरोङका होथोक्ते अन्ध च्योक्ते ईन। च्यि अन्धेकी ज्येनज्यीक अन्धला खइँसाला टीला खेरा चाल्सीन ङिकाराङ गाराम गुरूम मिरिलोतरो?” सिन सिदुक।
१ कोरिन्थी 12:2 - जिरेल2 ख्योकोनला दि बात लेमुराङ खाला छ्या ओतासीन। च्यि सासीन येशूला विश्वास खिता भन्दा गोमा ख्योकोन ल्हा लु माने खिन ओतान। थे ल्हा लुओनगी ख्योकोनताङ बात खिता थेमे छ्याःङ लेमु खिता मुथुप्च्येते ईन्सीनोङ दिबाला माने माक्याबाला मेङगो सिराच्योक खाला ख्योकोन होथेबालाराङ माने खिन ओतान। Faic an caibideil |
१ कोरिन्थी 12:2
15 Iomraidhean Croise
ङ्योकोन जुन ठाउँदु ख्योल्सीनोङ थेङले मिओनगी दोक सिन ख्योकोन बातकामा खिदुक। थेबेकी ङ्योकोन ख्योकोनला प्रभु येशू बात लोपाला डोजीन ख्योकोनगी ङ्योकोनला चुक लेमु खाबा ओताने सिरच्येते बात थेमे ख्योकोनगी ल्हा लुतेबा माने खिता ताङगीन सोम्बोतेताङ सत्यते परमेश्वर छ्य्वापा लै खाईन थेलाकामा माने खिताला स्यूबाते बात खिदुक।
गोमाबा ङुरूङोङ सो साकान पशु च्योकराङ ओतान। ङुरूङगी परमेश्वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्याबाला ओङराङ मेङगो सिराच्योक खाला दाक्पोन सेमला लाबा लाबा खिता ओङच्या मेङच्या कामओन खिन ओतान। ङुरूङ जहिलेङ मेलेबाकामा खिन थेमे ज्येनला डार खिन ओतान। दोक खाला ङुरूङ गाङे नाङ दोक्पोईकी ज्येनज्यीकला मिगी थोङसार्मु खित्च्येतेकामा खिन ओतान।
ईन्दालाचेन गोमाबा ख्योकोनगीङ परमेश्वरला ङो मेस्येकान्ते मिओनगी च्योकराङ खिन तोङासम्म समय ताङा ओतान। च्यि सासीन थेजीन ख्योकोनगी ङोचा लाङच्येते कामओन खिन ओतान, दाक्पोन खुशी खिन जे खिता सेम लासुङ थेराङ खिन ओतान, जहिलेङ छ्याङ रक्सीकी जिलाकामा देत्कीन ओतान, ज्येनताङ रूला भक्कुचूर सोला थुला मोज मज्जा खिन ओतान थेमे ल्हा लु माने खिन खिता ओङराङ मेङच्येते काम खिन ओतान।
Sanasan