१ कोरिन्‍थी 10:6 - जिरेल

⁶ थेबेकी च्‍यि खित्‍जीन चुक चुक ओङसुङा सिन छ्या स्‍येनामेई ङुरूङगी थेबेकी च्‍योकराङ मेलेबा काम खित्‍च्‍येते सेम खिता मेङगो सिन खोबा फाप्‍क्‍यो। ख्‍योकोनगीङ थेबेकी खाबाच्‍योक माकेत।

१ कोरिन्‍थी 10:6 Iomraidhean Croise

रोमी 5:14

थोक ईन्‍सीनोङ परमेश्‍वरगी गाङे भन्‍दा गोमा जोबाते मि आदम पालोमेकी मोशे पालोसाक मि सुङ कालगी खादुकी थारा माथुप्‍सुङ। च्‍यिला सासीन आदमगी च्‍योक परमेश्‍वर थे खोरोङ खेकीराङ दोक माकेत साबाते माङेन्‍गीन पाप खाबाच्‍योक मेन्‍सीनोङ थेबेकीङ पापचेन खाबा ओतान। थेमे परमेश्‍वरगी तोङगो साबाते मित्ताङ आदमला दाँजे खाला ताजीन थेबे नाङ कोई कोई बात डिक्‍च्‍या कोई बात मिडिक्‍च्‍या थोङगीदुक।

१ कोरिन्‍थी 10:11

थेबेकी च्‍यि खित्‍जीन चुक चुक ओङसुङा सिरच्‍येते दि बातओन ताला ङुरूङ दाक्‍पोनगी चुक खिता फाप्‍च्‍या ईन्‍दाका सिन छ्या स्‍येबा फाप्‍क्‍यो। था दि जुग सिन्‍ला डोच्‍ये बेला ख्‍योल्‍गीन सिन्‍सुङ। थोगी ङुरूङगीङ थेबेकी खाबाच्‍योक खिता मेङगो सिन छ्या स्‍येस्‍यीत सिनराङ दि बातओन टिबा ओतान।

हिब्रू 4:11

ङुरूङ पुर्खेकी परमेश्‍वर बातला नामज्‍योक मासेतेकी परमेश्‍वरगी देत ज्‍युता चालाच्‍योक खाईन ढुक्‍क खाईन देता ङेता मेतान। थोगी थेबाला च्‍योक मेङस्‍यीत सिन ङुरूङगीचेन परमेश्‍वरगी साबा च्‍योकराङ खाला दाक्‍पोनला ढुक्‍क खाला देत ज्‍युत्‍स्‍यीत सिन थे बात ङेन्‍च्‍ये छ्य्‌वापाकामा स्‍येत खिता फाप्‍क्‍यो।

हिब्रू 9:24

च्‍यिला सासीन ख्रीष्‍ट गाल्‍गीन स्‍यूबाते ठाउँचेन स्‍वर्गने ओतातेते नक्‍कल खाईन परमेश्‍वर देताला सिन मिओनगी जोबाते पाल च्‍योक्‍ते मेन। ख्रीष्‍टनी स्‍वर्गने परमेश्‍वर दोन्‍दुराङ गाला ओत। थे दोन्‍दुराङ देत्‍ला थरिङोला थेकी ङुरूङ लाईदु परमेश्‍वरताङ बात खिओ।

१ पत्रुस 3:21

थे भलदुकी थोक खाईन नूहताङ थे मिओन सोन्‍दाते बातचेन थरिङोला परमेश्‍वरगी मिला पापदुकी डेल्‍च्‍येते बप्‍तिस्‍मा तेरच्‍येते बातताङ डिइओ। चुक खाला सासीन छ्युला लुक्‍ला बप्‍तिस्‍मा तेरच्‍येते काम ठु खाला जीउकी ङेक्‍च्‍युक क्‍युरच्‍येते च्‍योक मेन। बप्‍तिस्‍मा लिन्‍कान्‍ते मिकीनी परमेश्‍वरगी ङाला पापदुकी टाल्‍ला ङे सेम लेमु जोरस्‍यीत सिन बप्‍तिस्‍मा लिन्‍च्‍येते ईन। परमेश्‍वरगी थोक्‍ते मिला पापदुकी डेल्‍च्‍येतेचेन येशू ख्रीष्‍ट सोम्‍बो लोक्‍पा ओतेकीराङ ईन।

२ पत्रुस 2:6

थेमे परमेश्‍वरगी मे ताङगीन सदोमताङ गमोरा सारला थाला जोबा ओतान। थोक खाईन थेकी थे खोरोङ बात मेङेन्‍कान्‍तेबे गति चुक ओङगीते सिन तेन्‍गीन बिन्‍दा ओतान।

यहूदा 1:7

होथे दूतओनगी च्‍योकराङ खाईन सदोम, गमोराताङ थे फेरोला ओताते सारगी मिओनगीङ परमेश्‍वरगी साबाते माङेन्‍सुङ। थे सारगी मिओनगीचेन रन्‍डीबाजी थेमे होदि च्‍योक्‍ते खिता मेङच्‍येते आउदी मेलेबा मेलेबा काम खाबा ओतान। थोक खाबेकी खित्‍सादु परमेश्‍वरगी गन्‍धकताङ मे ताङगीन थे सारगी मिओनला सेता ओतान। थे खोरोङगी साबाते माङेन्‍ला मेलेबा काम खित्‍कानला चुक खाला नरककुण्‍डमा सधैँ बारगीन देत्‍च्‍येते मे धुनी नाङ लुक्‍ला सजाय तेरगीते सिन छ्या स्‍ये ज्‍युताला थेकी थोक खाईन थे सारगी मिओनला सजाय बिन्‍दा ओतान।