१ कोरिन्‍थी 10:4 - जिरेल

⁴ थोकराङ खाईन थेबेकी परमेश्‍वरगी बिन्‍दाते छ्युराङ थुबा ओतान। थेबा गाङेकी ठाःकज्‍यीकलाराङ दोलाते छ्यु थुबा ओतान। दि छ्यु दोल्‍च्‍येते ठाःक साबातेचेन थेबाताङ ङ्योम्‍बुराङ ख्‍याम्‍बाते ख्रीष्‍टराङ ईन।

१ कोरिन्‍थी 10:4 Iomraidhean Croise

यूहन्‍ना 4:10

थे फेम्‍मे मिकी थोक सानामेई थेकी “परमेश्‍वरगी च्‍यि तेरगीते सिन खुई छ्या स्‍येबा ईन्‍सीन थेमे थाल्‍ला खोल्‍ला छ्यु नाङ सिरकान्‍ते सु ईन्‍दे सिन छ्या स्‍येबा ईन्‍सीन खुईका ङाला छ्यु थुङा नाङ सिरच्‍या ओतान। थेमे ङा खोल्‍ला जुनी ङेत्‍च्‍येते छ्यु थुङा तेरच्‍या ओतान,” सिन सिदुक।

यूहन्‍ना 4:14

ङे तेरच्‍येते छ्यु थुङकान्‍ते मिलाचेन नोमुङ कोम्‍बा मालाङो। ङे तेरच्‍येते छ्यु थुङकान्‍ते मि नाङ थे छ्युराङ जहिलेङ बुलुङलुङ दोल्‍गीन देत्‍च्‍येते छ्युई मोन च्‍योक ओङगो। थेमे थे मिकी नोमुङ मिसिन्‍च्‍येते जुनी ङेत्‍क्‍यो,” सिन सिदुक।

यूहन्‍ना 7:37

थे चाडगीते गाङे भन्‍दा तिरी छोमुचेन छ्येते दिन सिन माने खिन ओतान। थेमे थे छोमुराङ लाकीन देत्‍कीन येशूकी गाङेकी थोच्‍या खाईन “सुइँदाला कोम्‍बा लाबा ओत्‍सीन ङा ओत्‍सादु वाला च्‍याला थुङ।

गलाती 4:25

दि हागार साबातेचेन थरिङोला अरबदु ओताते सीनै बोम ईन। थरिङोले बातराङ खिइ सासीनचेन हागार बातताङ यहूदीओन छ्येते सार यरूशलेम बात डिगो। च्‍यिला सासीन परमेश्‍वर नियम ङेन्‍दा फाप्‍क्‍यो सिन थे नियम अधीनला देतेकी यरूशलेम मिओन छ्ये टेक्‍टे गाङेराङ योक्‍पो योङमु च्‍योकराङ ईन।

कलस्‍सी 2:17

दोक्‍ते साच्‍या थुङच्‍याताङ चाड माने खित्‍च्‍येते बाततेबा गाङे परमेश्‍वरला माने खिताला ख्रीष्‍ट मावाथुप ङेन्‍दा फाप्‍च्‍येते बातकामा ओतान। थोगी दि बाततेबा खालि ख्रीष्‍ट वानामेई चुक चुक खिते सिन थेकी खित्‍च्‍येते कामगी नक्‍कलकामा ओतान। ख्रीष्‍ट वानामेई परमेश्‍वरला चुक खाला माने खिता फाप्‍कीते सिरच्‍येते गाङे बात पूरो ओङा ओत।

हिब्रू 10:1

परमेश्‍वरगी मि नाङ थे खोरोङ नियम छ्य्‌वापेई खिता चालाते कामताङ तिरी थेबाला लेमु खिओ साबाते काम दोक्‍पोईराङ मेतान। थे नियमचेन तिरी थेकी लेमु खिओ साबाते कामगी नक्‍कलकामा ओतान। थोगीराङ थे नियमला साबाच्‍योक खाईन पूजारीओनगी लोई ठाङमा परमेश्‍वरला याङ याङ पशुतेबा भोग तेरगीन देत्‍सीनोङ थेला माने खिताला थे दोन्‍दु डोकान सुङगीङ नोमुङ था ईन्‍सीन ङे पाप गाङे माफ ओङसुङ सिन सिरा थुपा मेतान।

छ्या स्‍ये च्‍युताते बात 22:17

थेमे परमेश्‍वर आत्‍माताङ लुई रीउ बेउलीकीचेन “लो स्‍योक, होत्ता स्‍योक,” सिन सिदुक। दि बात थोकान्‍ते मिबरी गाङेकी “लो होत्ता स्‍योक,” सिन सि। सुइँदाला कोम्‍बा लाबा ओत्‍सीन परमेश्‍वर दोन्‍दु स्‍योक। दोक खाला परमेश्‍वरगी तेरच्‍येते छ्यु थुङा सेम खाला थे दोन्‍दु ओङकान गाङेकी छ्याःङ मेज्‍येला खाला नोमुङ मिसिन्‍च्‍येते जुनी ङेत्‍च्‍येते छ्यु थुङा ङेत्‍क्‍यो।