१ कोरिन्‍थी 10:12 - जिरेल

¹² थोगी ङा नोमुङ थोक मेलेबा काम मिक्‍किओ सिरकान्‍तेबा ख्‍योकोन च्‍याङबो खाला देत। थोक सिरकान्‍ते मिकी झन होत्ता मेलेबा काम खिता थुप्‍क्‍यो।

१ कोरिन्‍थी 10:12 Iomraidhean Croise

लूका 8:18

थोगी ङे लोप्‍च्‍येते बात लेमु खाला ङेन। दि बात ङेन्‍ला लेमु खाला खोबा छोल्‍कानला दोक्‍ते बात झन काल्‍बेई छ्या स्‍येस्‍यीत सिन लाप्‍ला तेरग्‍यो। दि बात थोलाङ खोबा मोछोल्‍कान्‍ते मिओनलाचेन खोपरोङला छ्या ओत सिराच्‍योक लाबाते बादोङ टोक ज्‍येत ज्‍युत्‍क्‍यो,” सिन सिदुक।

रोमी 11:20

ईन्‍दानी ईन। तर दि बात टोक माज्‍येत। च्‍यि सासीन परमेश्‍वरगी खोपरोङला येशू ख्रीष्‍ट छ्य्‌वापेकी लेमु खिओ सिन पत्ते माक्‍याबेकी थेकी थेबाला थोक खाईन ताङाते ईन। थेमे ख्‍योकोनगीचेन थे बात पत्ते खाईन थेला विश्‍वास खिन देतेकी खित्‍सादुकामा थेबे साटोला थेकी ख्‍योकोनला थे खोरोङ मि ईन सिरच्‍येते ईन। थोगी छ्ये मिक्‍किता खाला बरू ख्‍योकोन ज्‍यीबाका खाला देत।

१ कोरिन्‍थी 8:2

जे बादोङ छ्या स्‍येबा ओत सिन सिरकान्‍ते मिकीचेन छ्या स्‍येबा फाप्‍च्‍येते बात थोरूमोङ लेमु खाईन छ्या स्‍येबा मेङगो।

कलस्‍सी 2:8

ख्‍योकोन च्‍याङबो खाला देत। सुइँदेकी दोक दोक खासीन लेमु ओङगो सिरजीन थेबे बात माङेन। थेबेकी लोप्‍च्‍येते बातनी छ्याःङ काम लै मिक्‍किच्‍येते ईनराङ मेन्‍दे बात ईन। थोक्‍ते बातनी दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति बातकामा ईन। थोक्‍ते बात ख्रीष्‍ट सु ईन्‍दे, चुक्‍ते ईन्‍दे सिरच्‍येते बातताङ बान्‍दा मिडिगो।

२ पत्रुस 3:17

बात दोक दोक ईन्‍देकी ङिङज्‍येते आज्‍यो न्‍वावे, होदोक्‍ते मेन्‍दे बात लोप्‍कान्‍ते मिओन ओङगो सिन ख्‍योकोनला छ्याराङ ओतेकी ख्‍योकोन च्‍याङबो खाला देत। दोक माक्‍यासीन खिता मेङच्‍या ङोचा लाङच्‍येते काम खित्‍कान्‍ते मिओनगी लोप्‍च्‍येते मेन्‍दा मेन्‍दे बात ङेन्‍ला ख्‍योकोनगी खेराङगी ङेन्‍गीन ओताते सत्‍यते बात ङेन्‍दा तोङगो।