१ कोरिन्‍थी 1:5 - जिरेल

⁵ थेकी खित्‍सादुराङ परमेश्‍वरगी ख्‍योकोनला तेरासम्‍म आशी बिन्‍दा ओत। च्‍यि सासीन येशू ख्रीष्‍ट बात ज्‍येनला लेमु खाला लोप्‍च्‍येते सीपताङ शक्ति ख्‍योकोनगी ङेता ओत थेमे परमेश्‍वरगी छ्या स्‍ये ज्‍युत्‍च्‍येते गाङे बात लेमु खाला छ्या स्‍येकान गाला ओत।

१ कोरिन्‍थी 1:5 Iomraidhean Croise

शक्ति काम 2:4

थोक खाईन थेबा गाङेकी परमेश्‍वर आत्‍मा ङेत्‍कीन थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी परमेश्‍वर आत्‍मेकी खोपरोङला खित ज्‍युताच्‍योक च्‍योकराङ खाईन खोपरोङगी छ्या मास्‍येबाते खुदुक खुदुकते भाषाला बात खिताला स्‍यूसुङ।

रोमी 11:12

थोक खाईन थेबेकी परमेश्‍वरगी साबाते माङेन्‍देकी खित्‍सादु सा लुङबा खाङगी मि गाङेला परमेश्‍वरगी आउदी लेमु खाबाते ईन। थेमे परमेश्‍वरगी खोपरोङला तेरग्‍यो साबाते आशी मोगोओ साबाच्‍योक खाबेकी ज्‍येन ज्‍येन जातकी मिलाका परमेश्‍वरगी आशी बिन्‍दाते ईन। इस्राएलीओनगी थोक खाबेकी खित्‍सादु परमेश्‍वरगी ज्‍येन ज्‍येन जातकी मिला दोक लेमु खासुङ सासीन थेबा गाङेकी परमेश्‍वरगी साबाते ङेन्‍सुङ सासीन परमेश्‍वरगी दि सा लुङबे मि गाङेला आशी बिन्‍ला झन थोई लेमु खाओङा।

रोमी 15:14

थेमे आज्‍यो न्‍वावे, ख्‍योकोन ङे दोक खि, थोक खि सिन माकोतालाराङ आउदी लेमु खाला काम खिन दुक। थेमे च्‍यि च्‍यि चुक खित्‍च्‍ये सिन लेमु खाईन छ्या स्‍येबा ओतेकी खेराङ नाङ दोक्‍पोईकी ज्‍येनज्‍यीकला लोप्‍कीन दुक। ख्‍योकोनगी दोक खिन ओताते बात ङाला लेमु खाला छ्या ओत।

रोमी 15:4

परमेश्‍वर बातला गोमाबा टिबा ओताते गाङे बात ङुरूङगी खइँदा लोप्‍स्‍यीत सिन टिबाते ईन। थे बात ताजीन ङुरूङगी ज्‍येनतेबे ख्‍याल ज्‍य्‌वाजीन दुक्‍पा ओङसीनोङ चुक खाला सेम मेसेता खाला काम खिन देता फाप्‍च्‍या ईन्‍दाका सिन छ्या स्‍येक्‍यो। थेमे परमेश्‍वरगी खिओ साबाच्‍योक पक्‍काराङ खिओ सिन आश खाला गुलाराङ देता थुप्‍क्‍यो।

१ कोरिन्‍थी 12:10

लोक्‍ला कोईला अचम्‍ब अचम्‍बतेन्‍दे काम खित्‍च्‍येते शक्ति बिन्‍दा ओङगो सासीन कोईला परमेश्‍वरगी सिर च्‍युताते बात खित्‍च्‍येते शक्ति बिन्‍दा ओङगो। थोकराङ खाला कोईला सुइँदेकी खाबाते बात परमेश्‍वर आत्‍मेकी सिर च्‍युताते ईन्‍दाना मेन्‍दे सिन डेल्‍च्‍येते शक्ति बिन्‍दा ओङगो। थेमे कोईला खोपरोङगी छ्या मास्‍येबाते खुदुक खुदुकते भाषाला बात खित्‍च्‍येते शक्ति बिन्‍दा ओङगो सासीन ज्‍येनज्‍यीकलाचेन होथोक्‍ते भाषाला बात खित्‍कान्‍ते मिकी खाबाते बातकी अर्थ खोले खित्‍च्‍येते शक्ति बिन्‍दा ओङगो।

१ कोरिन्‍थी 12:8

चुक सासीन परमेश्‍वर आत्‍मेकी कोईला परमेश्‍वर बातकी अर्थ खोले खित्‍च्‍येते बुद्धि बिन्‍दा ओङगो सासीन थेकीराङ कोईला परमेश्‍वरगी चुक खाला काम खिते सिन छ्या स्‍ये च्‍युताते बात लोप्‍च्‍येते शक्ति बिन्‍दा ओङगो।

१ कोरिन्‍थी 13:2

ङेचेन परमेश्‍वरगी सिर च्‍युताते बात खित्‍च्‍येते शक्ति ङेता ओत्‍सीनोङ, परमेश्‍वरगी गोमा सुङलाङ छ्या स्‍ये च्‍युता मेताते बाततेबा गाङे छ्या स्‍येकान्‍ते ईन्‍सीनोङ थेमे परमेश्‍वरगी चुक खाला काम खिते सिरच्‍येते बात गाङे छ्या स्‍येबा ओत्‍सीनोङ ङे ज्‍येनला ङिङज्‍ये माक्‍यासीन दि बाततेबा छ्या स्‍येला छ्याःङ काम लै मिक्‍किओ, ङा छ्याःङ मेन। थेमे परमेश्‍वरगी जेङ खिता थुप्‍क्‍यो सिन थेला विश्‍वास खाला बोमज्‍यीकला सरे खाला ग्‍युक साला थे बोमला समेत सरे खित ज्‍युता थुप्‍सीनोङ ङा छ्याःङ मेन।

१ कोरिन्‍थी 13:8

ज्‍येनला ङिङज्‍ये खित्‍च्‍येतेचेन नोमुङ छ्याःङ काम लै मिक्‍किच्‍या डोच्‍येते बात मेन। परमेश्‍वरगी सिर च्‍युताते बात खित्‍च्‍येते शक्ति था ङीमा लेनज्‍यीक चले खिता माफाबो थेमे दाक्‍पोनगी छ्या मास्‍येबाते खुदुक खुदुकते भाषाला बात खित्‍च्‍येते शक्तिङ गोराङ मोगोओ। थोकराङ खाला परमेश्‍वरगी चुक खाला काम खिते सिन छ्या स्‍येच्‍येते शक्तिङ था ङीमाई छ्याःङ काम लै मिक्‍किओ।

१ कोरिन्‍थी 14:26

आज्‍यो न्‍वावे, ख्‍योकोन गाङेराङ जम्‍मा ओङजीन ख्‍योकोन कोई परमेश्‍वरला छ्ये जोच्‍येते लु लिन्‍कान्‍ते, कोई सु सुकी चुक चुक खिता फाप्‍कीते सिन लोप्‍कान्‍ते थेमे कोईचेन परमेश्‍वरगी खोपरोङला तेन्‍गीन बिन्‍दाते तिरी ओङच्‍येते बात खित्‍कान्‍ते मि ओङगो। थोकराङ खाला कोई खोपरोङगी छ्या मास्‍येबाते खुदुक खुदुकते भाषाला बात खित्‍कान्‍ते मि ओङगो सासीन कोईचेन थे भाषाला खाबाते बातकी अर्थ खोले खित्‍कान ओङगो। ख्‍योकोनगी जे खासीनोङ येशू ख्रीष्‍ट मि गाङेला लेमु ओङे लाईदु खि।

१ कोरिन्‍थी 8:11

होथोक खाला ख्‍योकोनगी छ्या स्‍येबाते बातकी खित्‍सादु खेराङ आज्‍यो न्‍वाला पाप खित ज्‍युत्‍कीदुक। ख्रीष्‍टचेन होथोक्‍ते मि लाईदुङ स्‍याप्‍ते ईन सिरच्‍येते बात टोक माज्‍येत।

२ कोरिन्‍थी 4:6

परमेश्‍वरगी सा नाम जोजीन “मुन्‍दाकते ठाउँदु नाम्‍दाक ओङस्‍यीत,” सिन साबा ओतान। होथोक सिरकान्‍ते परमेश्‍वरगीराङ मुन्‍दाकते ठाउँदु नाम्‍दाक ओङ च्‍युताच्‍योक खाईन थे खोरोङ सु ईन्‍दे थेमे थेत्ताङ चुक छ्येज्‍यीक शक्ति ओते सिन ङुरूङला छ्या स्‍ये च्‍युत्‍सुङ। दि बात ङुरूङगी ख्रीष्‍टला ताकीन छ्या स्‍येबाते ईन।

२ कोरिन्‍थी 6:10

दोक दोक ओङला पीरताङ तापकी नाङ देता फाप्‍सीनोङ ङ्योकोन सधैँ छ्याःङ पीर मेताते मि च्‍योक खाला गा खिन देत्‍क्‍यो। थेमे ङेराङ लाला साकान्‍ते च्‍योक्‍तेन्‍दे ओत्‍सीनोङ ङ्योकोनगी खाबाते कामगी खित्‍सादु मिओनगी परमेश्‍वरगी तेरच्‍येते जति गाङे ङेत्‍क्‍यो। लोक्‍ला ङ्योकोन ङेराङते सिराते छ्याःङ मेताते कङ्गाली च्‍योकराङ ईन्‍सीनोङ परमेश्‍वरगी खित्‍सादु ङेत्ताङ जेसुकै ओत।

२ कोरिन्‍थी 8:7

ज्‍येनला तासीन जे कुरोङ ख्‍योकोनगी लेमु खिन दुक। च्‍यि सासीन ख्‍योकोन प्रभु येशूला लेमु खाला विश्‍वास खित्‍कान्‍ते मि ईन, ज्‍येनला परमेश्‍वर बात लेमु खाला लोप्‍च्‍येते सीपताङ शक्ति ङेताते मि थेमे परमेश्‍वरगी छ्या स्‍ये ज्‍युत्‍च्‍येते बात लेमु खाला छ्या स्‍येकान्‍ते मि ख्‍योकोन नाङ काल्‍बेई ओत। ख्‍योकोन लेमु खित्‍च्‍ये छ्य्‌वापा स्‍येत खित्‍कान्‍ते थेमे ङ्योकोनला आउदी खाला ङिङज्‍ये खित्‍कान्‍ते मिङ ईन। ख्‍योकोन दोक्‍ते मि ईन्‍देकी था ज्‍येनला मद्धत तेराला सिन पैसा जम्‍मा खित्‍च्‍येते दि लेमुते कामोङ ज्‍येनगी भन्‍दा लेमु खाईन खासीन लेमु ओङच्‍या ओतान।

२ कोरिन्‍थी 9:11

परमेश्‍वरगी ख्‍योकोनला जे कुरोङ वालछ्येल ओङच्‍या खाला तेरग्‍यो। दोक ओङला ख्‍योकोनगी जहिलेङ ज्‍येनला तेरासम्‍म बिन्‍ला लेमु खिता थुप्‍क्‍यो। ख्‍योकोनगी बिन्‍दाते थे पैसा था ङ्योकोनगी थेबाला खेरगीन बिन्‍नामेई दि लाईदु थेबेकी परमेश्‍वरला धन्‍यवाद तेरग्‍यो।

एफिसी 1:17

ङुरूङ प्रभु येशू ख्रीष्‍टते परमेश्‍वरगी थे खोरोङ चुक्‍ते ईन्‍दे थेमे चुक अचम्‍ब खाला काम खिन ओते सिन खोबाला ख्‍योकोनला बुद्धि तेरस्‍यीत सिन ङा प्रार्थना खिओ। परमेश्‍वरचेन छ्येज्‍यीक शक्ति ओताते आबा ईन।

एफिसी 2:7

ङुरूङला ङिङज्‍ये खाईन थे खोरोङगी येशू ख्रीष्‍ट छ्य्‌वापेई खाबाते होदि गाङे काम चुक दया खाईन खाबाते ईन्‍दे सिन परमेश्‍वरगी जुग जुगसाकराङ गाङेला छ्या स्‍ये ज्‍युत्‍क्‍यो।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

एफिसी 6:19

थेमे परमेश्‍वरगी गोमा सुङलाङ छ्या स्‍ये च्‍युता मेताते गा लाङच्‍येते बात ङे ज्‍येनला लोप्‍जीन छ्याःङ ज्‍यीबा मिक्‍किता खाला थेमे थेबेकी खोबा थुप्‍च्‍या खाला लोपा थुप्‍स्‍यीत सिन ङे लाईदुङ प्रार्थना खि।

फिलिप्‍पी 1:9

ङा ख्‍योकोन लाईदु दोक सिन प्रार्थना खिओ। चुक सासीन ख्‍योकोनगी खेराङ नाङ झन लेमु खाला ङिङज्‍ये खिताला थोरूम चुक खिता फाप्‍कीते, च्‍यि खिता लेमु ईन्‍दे सिन परमेश्‍वरगी ख्‍योकोनला लेमु खाला छ्या स्‍ये ज्‍युत्‍स्‍यीत।

कलस्‍सी 2:3

ख्रीष्‍टताङकामा परमेश्‍वर बुद्धि ओत थेमे गाङे बात थेकीकामा लेमु खाला छ्या स्‍येक्‍यो। परमेश्‍वरगी छ्या स्‍ये ज्‍युता चालाते गाङे बात थेकीकामा पूरो खाला छ्या स्‍ये ज्‍युता थुप्‍क्‍यो।

कलस्‍सी 3:10

खेराङ बानी खुदुक गाल्‍गीन लेमु कामताङ बात खिताला स्‍यूबा ओत। परमेश्‍वरगीराङ ख्‍योकोन बानी दोक लेमु जोबाते ईन। थे खोरोङ चुक्‍ते ईन्‍दाका सिन झन लेमु खाला छ्या स्‍येस्‍यीत थेमे थे खोरोङ च्‍योकराङ लेमु डुइन डोरस्‍यीत सिन परमेश्‍वरगी ख्‍योकोन बानी झन झन लेमु जोइन ओत।

याकूब 3:13

थेमे च्‍यि ख्‍योकोन सुइँदाला खेराङ आउदी बुद्धि ओताते थेमे जे बादोङ लेमु खाला छ्या स्‍येकान्‍ते मि ईन सिराच्‍योक लाङगीदुक? खोपरोङ थोक्‍ते मि ईन सिरकानगी खोपरोङताङ पक्‍काराङ बुद्धि ओत सिरच्‍येते बात छ्ये मिक्‍किता खाला काम बात जे खित्‍जीनोङ लेमु खाला खिता फाप्‍क्‍यो।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।