१ कोरिन्‍थी 1:13 - जिरेल

¹³ ख्‍योकोनगी थोक थोक खित्‍च्‍या च्‍यि ख्रीष्‍ट मेराज्‍यीकराङ मेन्‍देकी खुदुक खुदुक मि लाईदु खुदुक खुदुक ईनरो? ना ख्‍योकोन लाईदु स्‍यिङगी थामला टाँए खाला स्‍यिकान्‍ते ङा पावल ईन्‍दे? थेमे च्‍यि ख्‍योकोनला पावल मिनगी छ्य्‌वापेई छ्युला लुगीन बप्‍तिस्‍मा बिन्‍दाते ईनरो?

१ कोरिन्‍थी 1:13 Iomraidhean Croise

मत्ती 28:19

थोगी था गाङे लुङबा लुङबाला गाल्‍ला गाङेपे मिओनला ङे चेला जो। चुक सासीन आबा परमेश्‍वर, परमेश्‍वर फुज्‍युङ थेमे परमेश्‍वर आत्‍मे मिनगी छ्य्‌वापेई थेबाला बप्‍तिस्‍मा बिन।

मत्ती 3:6

थेमे थेबाबरीकी ङ्योकोनगी दोक दोक पाप खाबाप, थोक खाबाते लेमु मेन्‍दाक्‍वा सिन सानामेई यूहन्‍नेकी थेबाला यर्दन चाङबोदुराङ छ्युला लुगीन बप्‍तिस्‍मा बिन्‍सुङ।

शक्ति काम 10:48

थेमे थेकी “लो था दिबाला येशू ख्रीष्‍ट मिनगी छ्य्‌वापेई बप्‍तिस्‍मा बिन,” सिन थे खोरोङताङ ङ्योम्‍बु गालाते मिओनला सानामेई थेबेकी थे मिओनला बप्‍तिस्‍मा बिन्‍सुङ। थेमे थे मिओनगी टिक्‍पी दिन पत्रुसला थेबाताङ ङ्योम्‍बुराङ देत्‍की सानामेई थे देत्‍सुङ।

शक्ति काम 19:5

पावलगी दि बाततेबा लाप्‍कीन बिन्‍नामेकी थे मिओनला प्रभु येशू मिनगी छ्य्‌वापेई बप्‍तिस्‍मा बिन्‍सुङ।

शक्ति काम 2:38

ठिजीन पत्रुसकी “था ख्‍योकोन गाङेकी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे येशू ख्रीष्‍ट मिनगी छ्य्‌वापेई बप्‍तिस्‍मा लोङ। थेमे परमेश्‍वरगी ख्‍योकोन पापतेबा माफ तेरग्‍यो। थेमे ख्‍योकोनगी परमेश्‍वर आत्‍मा ङेत्‍क्‍यो।

शक्ति काम 8:16

च्‍यिला सासीन थेबाला प्रभु येशू मिनगी छ्य्‌वापेई बप्‍तिस्‍माचेन बिन्‍दा ओतान। ईन्‍सीनोङ थेजीनसाक थेबा सुङगीङ परमेश्‍वर आत्‍मा ङेता मेतान।

रोमी 14:9

थोरूमसाक सोम्‍बोराङ ओतातेबा ईन्‍स्‍यीत, गोमाका स्‍यिइन सिन्‍दातेबा ईन्‍स्‍यीत मि गाङेला राज्‍य खित्‍कान्‍ते प्रभु येशू ख्रीष्‍टराङ ईन। दोक खाला गाङेला राज्‍य खित्‍कान्‍ते ओङालाराङ थे स्‍यिइन च्‍याकीन सोम्‍बो लोक्‍पाते ईन।

१ कोरिन्‍थी 1:15

थोगी सुङगीङ ङालानी पावल मिनगी छ्य्‌वापेई बप्‍तिस्‍मा बिन्‍दाते ईन्‍देकी ङानी थे मिराङ ईन सिन सिरा मुथुबो।

१ कोरिन्‍थी 10:2

थोक खाला थेबा मोशे तिरी ख्‍याम्‍जीन मुक्‍पाताङ समुन्‍द्रे नाङराङ गाङेकी छ्युला लुक्‍ला तेरच्‍येते बप्‍तिस्‍मा लाबा ओतान सिन ङुरूङ सिरा थुप्‍क्‍यो।

२ कोरिन्‍थी 11:4

च्‍यिला सासीन सुइँदेकी वाकीन ङ्योकोनगी लापाते च्‍योक्‍ते मेन्‍देकी ज्‍येनज्‍यीकराङ येशू बात लाप्‍सीनोङ ख्‍योकोनगी थे आउदी लेमु खाला ङेन्‍च्‍याक्‍वा। थेमे थेबेकी खेराङला ङेता फाप्‍क्‍यो साबाते आत्‍मा ख्‍योकोन ङेता छोल्‍च्‍याक्‍वा। थे आत्‍माचेन ख्‍योकोनगी ङेता ओताते परमेश्‍वर आत्‍मा मेन। थोकराङ खाला ङ्योकोनगी ख्‍योकोनला लाप्‍कीन बिन्‍दा ओताते च्‍योक्‍ते मेन्‍देकी खुदुकज्‍यीकराङ गा लाङच्‍येते बात लाप्‍सीन ख्‍योकोनगी होथोक्‍ते बातराङ ङेन्‍च्‍याक्‍वा।

गलाती 1:7

गा लाङच्‍येते बात ईन सिन थरिङोला कोई कोईकी ख्‍योकोनला लोप्‍कीन ओताते बातनी गा लाङच्‍येते बात ईनराङ मेन। होथोक्‍ते बात लाप्‍ला थेबेकीनी ख्‍योकोनला अलमल्‍ल लोङगीन दुक। दोक खाला थेबेकी ख्रीष्‍टते गा लाङच्‍येते बात खुदुक ज्‍वा छोल्‍गीन दुक।

एफिसी 4:5

थोकराङ खाला प्रभु येशू ख्रीष्‍टकामा ङुरूङ मालिक ईन, थेला विश्‍वास खित्‍जीन ङुरूङ गाङेकी ङेन्‍दाते बातज्‍यीकराङ ईन थेमे ङुरूङ गाङेकी थे मिनगी छ्य्‌वापेईराङ बप्‍तिस्‍मा लाबाते ईन।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।