१ कोरिन्‍थी 1:11 - जिरेल

¹¹ ङा ख्‍योकोनला च्‍यिला दोक सिन ओते सासीन ङुरूङ नुमु क्‍लोए खाम्‍बे मिओन खानापेकी ङे ख्‍योकोन खेराङ नाङ मिडिक्‍च्‍याक्‍वालो सिन थोसुङ।

१ कोरिन्‍थी 1:11 Iomraidhean Croise

१ कोरिन्‍थी 1:10

आज्‍यो न्‍वावे, ङुरूङ प्रभु येशू ख्रीष्‍टकीराङ ङाला दोक खित्‍च्‍येते अधिकार बिन्‍दा ओतेकी ङा ख्‍योकोनला च्‍यि सिते सासीन ख्‍योकोनगी खेराङ नाङ फाटो ओङच्‍येते काम माकेत। बरू गाङेकी सेमज्‍यीकराङ खाला डिक्‍ला काम खि।

१ कोरिन्‍थी 1:12

चुक सासीन ख्‍योकोन कोईकी “ङा पावलगी साबाते ङेन्‍कान्‍ते ईन,” खिदुक्‍लो, कोईकी “ङा अपोल्‍लोसकी साबाते ङेन्‍कान्‍ते ईन,” खिदुक्‍लो। लोक्‍ला कोईकी “ङा पत्रुसकी साबाते ङेन्‍कान्‍ते ईन,” खिदुक्‍लो सासीन ज्‍येनज्‍यीगीचेन “ङानी ख्रीष्‍टकी साबातेकामा ङेन्‍कान्‍ते ईन,” खिदुक्‍लो।

१ कोरिन्‍थी 11:18

च्‍यि सासीन येशू ख्रीष्‍ट मि ख्‍योकोन जम्‍मा ओङजीन खेराङ नाङ मिडिक्‍तुक्‍लो सिन ङे थोसुङ। ङाला दि बात पक्‍काराङ ईन्‍दासीन सिराच्‍योक लाङगीदुक।

१ कोरिन्‍थी 3:3

च्‍यि सासीन ख्‍योकोननी दाक्‍पोन खुशीला ख्‍याम्‍कान्‍ते मिओन च्‍योकराङ दुक। ख्‍योकोन दाक्‍पोन दाक्‍पोन नाङ डार खिन थेमे थोम्‍मु खिन देत्‍ला परमेश्‍वर आत्‍मेकी च्‍यि खि सिका थे ङेनराङ मेङेन्‍दुक। थोगी च्‍यि ख्‍योकोन दाक्‍पोन खुशीला ख्‍याम्‍कान्‍ते ज्‍येन मि च्‍योकराङ मायाङसुङरो?

२ कोरिन्‍थी 12:20

था ङा थेपा ओङजीन ङे साबा ओताच्‍योक मेन्‍देकी ख्‍योकोनगी खुदुकराङ काम खिन ओताते थोङा फाप्‍कीता सिन ङाला पीर लाबा ओत। थोकराङ खाला ख्‍योकोनगीङ ङाला खुदुकराङ गालाते च्‍योक थोङगीता सिनोङ ङाला पीर लाबा ओत। च्‍यि सासीन थोरूमोङ ख्‍योकोन थोम्‍मु जीङगा खिन ओताते, मिला डार खिन ओताते, मित्ताङ स्‍येदाङ खित्‍च्‍येते, ज्‍येनगी वास्‍ता मिक्‍किता खाला दाक्‍पोन फाइदाकामा ताच्‍येते, मिला मोत्‍च्‍येते, मि पनी खित्‍च्‍येते, ङा ङाराङ ईन सिराच्‍योक खित्‍च्‍येते थेमे गाङेराङ डिक्‍ला थुन्‍ला काम खिता साटोला आफूराङस्‍ये खाला ख्‍याम्‍गीन ओताते थेप्‍कीता सिन ङाला सुर्ता लाबा ओत।

गलाती 5:15

दोक्‍पोईकी ज्‍येनज्‍यीकला ङिङज्‍ये खिता साटोला ख्‍योकोन किताङ फाक्‍पा ठेताच्‍योक खिन देत्‍सीन च्‍याङबो खि याङ। ख्‍योकोन खेराङ खेराङराङ स्‍यिरीङ खिता फाबोङ।

गलाती 5:20

ल्‍हा लुला माने खिओ थेमे स्‍युत्‍च्‍या फुत्‍च्‍याताङ मन्‍तर तन्‍तर खिओ। थेकी ज्‍येनला ङिङमार खिओ, थोम्‍मु जीङगा खिओ, डार खिओ, पालोईला स्‍येदाङ फुङ पुङगो, दाक्‍पोनकामा छ्ये ओङा छोल्‍ग्‍यो, डिक्‍ला थुन्‍ला देता माचाल्‍ला फाटो ओङच्‍येते कामकामा खिओ

गलाती 5:26

ङुरूङगी दाक्‍पोन नाङ ङा ङाराङ ईन सिराच्‍योक खिता मेङगो। दोक खासीन दाक्‍पोन नाङ मिडिक्‍च्‍येतेताङ आरिस्‍ये खित्‍च्‍येते बातकामा ओङगो।

फिलिप्‍पी 2:14

जे खिता फाप्‍सीनोङ ख्‍योकोनगी गनगन मिक्‍किता खाला खि, ङे दोक खिता माफाप्‍सीनोङ ओङच्‍या ओतान सिराच्‍योक खाला छ्याःङ माकेत।

१ तिमोथी 6:4

थोक्‍ते मिओनगी गाङे बात छ्या ओताच्‍योक खाईन छ्ये खासीनोङ थेबेकीनी च्‍यि बात चुक ईन्‍दे सिन छ्याःङ खोबा मेङगो। थेबेकीचेन टेकाटेउरी स्‍योरच्‍येते छ्याःङ काम लै मिक्‍किच्‍येते बातकामा देन्‍दा चाल्‍ला होथोक्‍ते बातकामा छोल्‍गीन ख्‍याम्‍ग्‍यो। थोक्‍ते बात खित्‍जीन खालि स्‍येदाङ लाङच्‍येते, डिक्‍ला थुन्‍ला देता मुथुप्‍च्‍येते, मि मोत्‍च्‍येते, शंका खाला ईनराङ मेन्‍दे दोष लै खित्‍च्‍येते

तीतस 3:9

तर बात खाला नोमुङ डिक्‍पा मुथुप्‍च्‍येते छ्याःङ काम लै मिक्‍किच्‍येते थाङबो थाङबोमे वंशावली बातओन खित्‍च्‍येते थेमे परमेश्‍वर नियम बात खाला टेकाटेउरी खिन थोम्‍मु खित्‍च्‍येतेचेन नोमुङ माकेत। थोक्‍ते बात खाला डिक्‍च्‍येतेताङ सुइँदाला लेमु ओङच्‍येते सिराते नोमुङ छ्याःङ मेङगो।