१ कोरिन्थी 1:10 - जिरेल10 आज्यो न्वावे, ङुरूङ प्रभु येशू ख्रीष्टकीराङ ङाला दोक खित्च्येते अधिकार बिन्दा ओतेकी ङा ख्योकोनला च्यि सिते सासीन ख्योकोनगी खेराङ नाङ फाटो ओङच्येते काम माकेत। बरू गाङेकी सेमज्यीकराङ खाला डिक्ला काम खि। Faic an caibideil |
१ कोरिन्थी 1:10
44 Iomraidhean Croise
आज्यो न्वावे, पालोताङ पालो ङा ख्योकोन ओत्सापा ओङा चालाप। ङे ढाँर खाबाते मेन। तर जति खासीनोङ थोरूमसाक ङा थेपा ओङा माथुप्सुङ। ज्येन ठाउँकी ज्येन ज्येन जातकी मि नाङ च्योकराङ खाला थेपाङ गा लाङच्येते बात लोपा ङेत्सीन मिओनगी येशूला विश्वास खित्च्या ओतान सिन ङा ख्योकोन ओत्सापा ओङा चालाते ईन।
थेमे था आज्यो न्वावे, परमेश्वरगी ङुरूङला थोक आउदी खाईन ङिङज्ये खाबा ओतेकी ङा ख्योकोनला दोक खि सिन सिओ। ओर्च्ये ख्योकोनगी खेराङ जीउ परमेश्वरतेराङ ईन सिन साला थेकी साबा साबा च्योकराङ खिओ सिन थेलाराङ सोम्पे खि। थेला मन परे खित्च्येते भोग बिन्दाच्योक ओङस्यीत सिन ख्योकोनगी होदोक खाला खेराङ जीउ थेला सोम्पे खि। थे खोरोङगी साबाच्योक खाला थेला माने खित्च्येतेङ होदोकराङ खाला ईन।
थेमे आज्यो न्वावे, था ङा ख्योकोनला च्यि खि सिन बिन्ती खिते सासीन ङुरूङ प्रभु येशू ख्रीष्टला विश्वास खित्कान्ते मि ईन्देकी थेमे परमेश्वर आत्मेकी ङुरूङला दोक्पोईकी ज्येनज्यीकला ङिङज्ये खित ज्युत्च्येते ईन्देकी ख्योकोनगी ङे लाईदु आउदी खाला परमेश्वरताङ प्रार्थना खि। ङा ङाराङोङ प्रार्थना खिन ओत।
आज्यो न्वावे, था थोरूम बातज्यीक च्यि सासीन ओर्च्ये ख्योकोनगी खेराङ नाङ फाटो ओङ ज्युत्कान्ते थेमे खेराङला गोमाका लाप्कीन बिन्दाते गा लाङच्येते बातताङ मिडिक्च्येते बात लाप्ला अलमल्ल लोङकान्ते मिओन सु सु ईन्दाका सिन छ्या स्येला थेबाताङ च्याङबो खि। थोक्ते मिओनताङचेन ख्योकोनगी साङराङ माकेत।
थेमे ज्येन बात कोई कोईकी ङा ख्योकोन दोन्दु ओत्जीनचेन बात खितालाङ ज्यीबा खिन ओतान, थारीला गाल्नामेईचेन ङाराङ ईन सिराच्योक खाला बात खित्च्याक्वा सिन ङे बात खिदुक्लो। था ङा पावल ख्रीष्टकी खाबा च्योकराङ ङाराङ ईन सिराच्योक मिक्किता खाला थेमे स्येदाङ मिक्किता खाला ख्योकोनताङ बात खितामीन।
लो आज्यो न्वावे, था ज्येन बातका च्यि सिरच्ये, ख्योकोनगी परमेश्वरगी खेराङला ज्वा चाला च्योकराङ लेमु मि ओङस्यीत सिन थोक्ते मि ओङच्ये छ्य्वापा स्येत खि। ङे लाःपा कोताते ङेन्ला था चुक खिता फाप्कीका थोककामा खि, ख्योकोन गाङेराङ सेमज्यीकराङ खाला डिक्ला थुन्ला देत। थोक खासीन गाङेला ङिङज्ये खित्कान्ते थेमे डिक्ला थुन्ला देत ज्युत्कान्ते परमेश्वर ख्योकोनताङ ङ्योम्बुराङ देत्क्यो।
थोगी ङेराङला जिम्मा बिन्दाते काम खिताला ङ्योकोन ख्रीष्टकी ताङाते मि ईन। मिओनला परमेश्वरताङ डिक्च्येते सेम खि सिन बात खित्कान्ते ङ्योकोन ईन्सीनोङ परमेश्वर थे खोरोङगीराङ ङ्योकोन छ्य्वापेकी मि गाङेताङ दि बात खित्च्येते ईन। ख्रीष्टकी छ्य्वापेई ङ्योकोन ख्योकोनला परमेश्वरताङ डिक्च्येते सेम खि सिन सिओ।
था जे ओङसीनोङ ख्रीष्टते गा लाङच्येते बात ङेन्कान्ते मिओनगी चुक चुक खिता फाप्च्येते ईन्दे ख्योकोनगी होथोकराङ खि। च्यि सासीन ख्योकोन गाङेराङ सेमज्यीकराङ खाला डिक्ला देत। ज्येनगी जे सासीनोङ जति दुक्पा बिन्सीनोङ ख्योकोन गाङेराङ डिक्ला खेराङगी ङेन्दाते गा लाङच्येते बात ङेन्गीनराङ देत। ङा थेपा वासीन ख्योकोनगी थोक खिन ओताते ङाराङगीराङ थोङगो, मासुङ सासीनोङ ख्योकोनगी थोक खिन दुक्लो सिन ङे थोबा ङेत्स्यीत।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
Sanasan