Filipitɔnŋ kiri 4:8 - Jɔ Biibili ki

⁸ Niŋ bataa kɔɔtɛ, míŋ tindaŋ ni, finŋ woo finŋ i sɛli i, gbɛbi i finŋ woo finŋ nu, finŋ woo finŋ teli-i, finŋ woo finŋ fɔɔ-ɔ, finŋ woo finŋ di-i Kirinŋ tɛ, finŋ woo finŋ tɔ shɔɔrinŋ po-i, finŋ woo finŋ shɔ-i niŋ fa tɔ shɔɔrinŋ i kila-a finŋ woo finŋ nu, á á ɲakili tu niŋ finŋ kiri bataa ra.

Filipitɔnŋ kiri 4:8 Iomraidhean Croise

Matiyu 22:16

Kí i arɔɔ kalindaŋ kiri bɛɛ ri fa Ɛrɔdi wɔ konanbi kiri bɛɛ ri cin tiri ntiŋ tɛ. Nini i ta ǹʼbi ntiŋ tɛ tu : « Yɔɔ kalimɔɔ, yibɛɛ ǹʼtɔ-i tu ábɛɛ sɛli ki bi-a. Koŋ tɔri tenŋ jɛŋ kɛmi ncusun-a ábɛɛ i á san áwɔ sɛli ki sun kì, sabu ábɛɛ koŋ san-a koŋ nu kì. Ábɛɛ i konaŋ ki kali-la Kirinŋ saa wɔ̀ ra, niŋ fɔɔmaan yɛ.

Maraka 6:20

Ɛrɔdi yɛrima ki wuru kɛni-na Yuhana jɛŋ, sabu ntiŋ ǹʼtɔ wuru tu Yuhana Kirinŋ wɔ wɔlinŋ telimaan a. Niŋ ki ra, Ɛrɔdi fani wuru a ɲakili tu-a Yuhana na. Ǹʼdi wuru Ɛrɔdi tɛ, ntiŋ i Yuhana wɔ wulu kiri rama, nka a ntiŋ wulu ki tɔnpa-ri, Ɛrɔdi ciiru ɲakili ki wuru ɲaanmi-a.

Luki 16:15

Ntiŋ tu kí tɛ : « Ábɛɛ i á yɛri ji-a koŋ fɔɔmaan ni i konaŋ kiri ɲaanna, nka Kirinŋ ɲaniŋ i ábɛɛ ciiru kiri ra, sabu bi wɔ̀ri i bi sinaŋ ni i konaŋ kiri ɲaanna, nini i ɲii ǹʼnu finŋ ni i Kirinŋ ɲaanna.

Luki 2:25

Koŋ bɛɛ wuru Yerusalɛmu, nwɔ̀ tɔ wuru tu Simeyɔnŋ. Koŋ telimaan niŋ fa koŋ kulumaan wuru-i Kirinŋ saa ki bataa fan. Ntiŋ wuru Isirayɛli Mwutɔnŋ ki na jibi ki saarashɛɛli-la, niŋ fa Ɲiniwɔlinŋ ki wuru ntiŋ sun.

Luki 23:50

Koŋ bɛɛ wuru nmaŋ, nwɔ̀ tɔ wuru tu Yusufu. Ntiŋ wuru po-a Yawutu kiri wɔ kili bɛɛ ra, nwɔ̀ tɔ i tu Arimate. Yawutu kiri wɔ kitikwurutoŋ ki ru koŋ sɔbɛ ki bɛɛ wuru-i. Ntiŋ wuru koŋ shɔɔrinŋ i, nwɔ̀ wuru a tu-a daalinŋ na kì. Ntiŋ wuru Kirinŋ wɔ Masabi ki na ki saarashɛɛli-la. Ntiŋ kaashi kitikwurutɔnŋ kiri wuru wulu wɔ̀ri bi-a, niŋ fa kí mabi kiri fu-ri ntiŋ sun kì.

Yuhana 7:18

Konwɔtiŋ i a yɛri wɔ wulu bi-a, nintiŋ i a yɛri gbɛmaŋ ceeli-la. Nka nwɔ̀tiŋ i a cintɔnŋ ki gbɛmaŋ ceeli-la, nintiŋ i sɛlitiŋ i, kɛrɛmaŋ nwɔ̀ ra kì.

Mabikiri 10:22

Kí i ǹʼnupwulu tu : « Kapitɛni Kɔrinɛyi yibɛɛ cin-i. Koŋ telimaan yɛ, ntiŋ i kɛni-ni Kirinŋ jɛŋ. Yawutu kiri fɔn i ntiŋ tɔ shɔɔrinŋ bi-a. Mɛlɛkɛn wɔlinŋ bɛɛ a yɛri ji-i ntiŋ wu, ŋì i ǹʼbi tu ntiŋ na miŋ dɔri ta awɔ mani nu, tu wulu bɛɛ miŋ gbɛ, ŋi i ǹʼbi ntiŋ tɛ. »

Mabikiri 22:12

Pooli tu sɛbɛ : « Koŋ bɛɛ wuru kili ki ru nmaŋ, nwɔ̀ tɔ wuru tu Ananiyasi. Niŋ wuru kɛni-na Kirinŋ jɛŋ, ntiŋ i ǹʼwɔ sariya kiri bataa tirika shɔ-ri. Damasi kili ki ru, Yawutu kiri bataa wuru ntiŋ tɔ shɔɔrinŋ bi-a.

Mabikiri 6:3

Niŋ ki ra, yi tindaŋ ni, á koŋ jɔnpɔni ceeli á yɛrima ki ru, nwɔ̀ri tɔ shɔɔrinŋ i konaŋ kiri tɔnŋ na, kí faamaan i ji-i Ɲiniwɔlinŋ ki ra, ɲakilitiŋ ni i ji-i, yibɛɛ ra na nini bo ka cinŋ ka ra.

Ɔrɔmutɔnŋ kiri 13:13

Yi tiri tirika ɲaan shɔɔrinŋ tɛ, miŋ tu koŋ i tiri-ra suunna ɲaan wɔ̀ tɛ. Yi fa ji wulatiŋ ni fa lɔrutɛfɛ ri i kì. Yi yi yɛri paka tɔ nankulunbi kwuru ki bataa kɛlina. Yi fa ji kari kwurutiiri fa ɲaannajuutɔnŋ ni i kì.

Ɔrɔmutɔnŋ kiri 13:3

Sɛli ki ra, faan ki bi shɔɔrinŋ matɔnŋ kiri rukɛni-na kì, duu bi kulinŋ matɔnŋ kiri. Miŋ i ǹʼtɛ tu ŋi i kɛni faan ki jɛŋ kì wa? Bi shɔɔrinŋ ma, ŋì a miŋ tɔ shɔɔrinŋ bi.

Ɔrɔmutɔnŋ kiri 14:18

Konwɔtiŋ i baara ki ma-a Kirisa tɛ niŋ ɲakilila ki wu, nintiŋ bidi-i Kirinŋ tɛ, konaŋ kiri i ji-a ntiŋ tɔ shɔɔrinŋ bi sɛbɛ.

Ɔrɔmutɔnŋ kiri 2:29

Nka konwɔtiŋ i Yawutu a ciiru ki ru, nintiŋ i Yawutu sɛlɛsɛli ki i, niŋ fa sɔɔpeefɛ sɛlɛsɛli ki i ji sɔɔpeefɛmaanna a, Ɲiniwɔlinŋ ki i ninwɔ̀ ma-a konanmini ciiru tɔnŋ ki ra. Sɔɔpeefɛ wɔ̀ i sariya ki rasɔɔmaanna bantenŋ i, niŋ i kì. Yawutu sɛlɛsɛli ki wɔ gbɛbi ki po-a konaŋ ni gbɛ kì, nka ŋì i po-a Kirinŋ gbɛ.

Korɛntitɔnŋ kiri (1) 4:5

Niŋ ki ra, á fa á ciirukwulu á i kiti ki fɛɛn koŋ sun ǹʼwaaci ki sobali i kì, á ncusun Ŋuntiŋ ki na. Finŋ woo finŋ nadu-i, ŋì a na nini bataa po taanna, niŋ fa ŋì i na konaŋ ciiru bi radumaan kiri po ji. Niŋ shikaŋ, konwɔtiŋ fa gbɛbi wɔ̀ kakan-i ntiŋ a niŋ kila Kirinŋ gbɛ.

Korɛntitɔnŋ kiri (2) 13:7

Yibɛɛ i Kirinŋ nafɛ-a, nwɔma ábɛɛ fa bijɛ ma kì. Yibɛɛ ǹʼtɛ yi i ǹʼji tu yibɛɛ so-a bi ra kì, nka yibɛɛ i ǹʼtɛ tu ábɛɛ i bi shɔɔrinŋ ma, hali ǹʼji miŋ tu yibɛɛ kiri ra ji waa bilinabi ki ra.

Korɛntitɔnŋ kiri (2) 6:8

Konaŋ kiri bɛɛ ri i yibɛɛ gbɛ-a, ǹʼtɔri ri i yi rufyɛ-ri. Ǹʼbɛɛ ri i yi tɔ jɛ bi-a, ǹʼtɔri i yi tɔ shɔɔrinŋ bi-ri sɛbɛ, niŋ tɔri ǹʼtɔri san-a yibɛɛ ra kì. Ǹʼbɛɛ ri tu yibɛɛ konaŋ ni sunnɛɛn-na, nka yibɛɛ dumiŋ i ji sɛli ki sun.

Korɛntitɔnŋ kiri (2) 8:18

Bilinatɔnŋ kwuru kiri bataa i yi tindaŋ wɔ̀ tɔ jii bi-a Wulujii sunjorama ki bira, yibɛɛ ra niŋ bo ta Tite fan ábɛɛ tɛ.

Korɛntitɔnŋ kiri (2) 8:21

Yibɛɛ i ǹʼtɛ yi yɛri paka shɔ Ŋuntiŋ ki bantenŋ ɲaanfɛ kì, yibɛɛ i ǹʼtɛ yi i shɔ konaŋ kiri ɲaanfɛ sɛbɛ.

Galasitɔnŋ kiri 5:22

Nka Ɲiniwɔlinŋ ki i bi wɔ̀ bo-a koŋ tɔnŋ ki ra, niŋ i bidintɛbi, ciirudibi, ɲaanfɛfili, tɔnsunfili, shɔɔrinŋ, sunmakwulupa, telibi,

Efɛsitɔnŋ kiri 4:25

Niŋ ki ra, á fa puru bi á tɔnŋ ki ra kili kì, á sɛli ki bi ámaŋ tɛ, sabu yibɛɛ bataa ji-i finŋ tenŋ i. Yibɛɛ bataa tenŋ tenŋ i miŋ tu firi tenŋ na mani ki bɛɛ ɛ.

Efɛsitɔnŋ kiri 5:9

Shɔɔrinŋ kwuru ki fa telibi ki fa sɛli ki i po-a manisarinŋ ki ru.

Efɛsitɔnŋ kiri 6:14

Á tuka shɔ ǹʼjɛŋ. Á sɛli ki ji áwɔ nukɔliyaa ki i, á i telibi ki ji áwɔ peejɛrɛbi ki i.

Filipitɔnŋ kiri 3:1

Ńʼtindaŋ ni, á á ciirudi á fa Ŋuntiŋ ki wɔ tenbi ki bira. Míŋ a yɛli niŋ bi kiri sɛbɛ wɔri ta ki ra ábɛɛ tɛ, ŋí i ńʼpwulu-li yìrì sun kì, yìrì ra ábɛɛ gbɛrinpa.

Kɔlɔsitɔnŋ kiri 4:5

Á tiri ɲakilitinbi wu taannatɔnŋ kiri kanfɛ, a Kirinŋ waaci wɔri á tɛ, á i baara shɔɔrinŋ ma.

Tesalonikitɔnŋ kiri (1) 4:12

Niŋ ɲaan ki tɛ, koŋ wɔ̀ri bilinabi ki ma kì, nini a na ábɛɛ tirika ki gbɛ, ábɛɛ ra ji koŋ tɔri sun shii i kì.

Timote (1) 2:2

Á Kirinŋ nafɛ masa kiri fa kɛniŋ jɛntɔnŋ kiri bataa tɛ, nwɔma yi ɲaanfɛfilimaan fa yi ɲakili sɔɔmaan i tu, yi i tirika shɔ Kirinŋ jɛŋ kɛmi wu.

Timote (1) 3:11

Mari wɔ̀ri i jɛntɔnŋ ni i, mìŋ ɲaan tenŋ ki tɛ, nini kakan-i kí i ji mari sɔbɛ ri i, kí fa ji koŋ tɔ bitɔnŋ ni i kì. Kí i arì yɛri paka tɔ-ri, kí i ji kpeeri i, koŋ i bili-la nwɔ̀ri ra bi bataa ra.

Timote (1) 3:4

Ntiŋ i so-ri awɔ kaniŋ ki paka shɔ-i, ntiŋ daŋ kiri i ji daŋ ni i, nwɔ̀ri i arì jifinŋ kiri wulu pa-a gbɛbi wu.

Timote (1) 4:12

Koŋ tɔri tenŋ fa miŋ nufyɛ tu ŋi tiraŋ i kì, nka ji ɲaanjitɔnŋ i bilinatɔnŋ kiri gbɛ, wulu ki, fa mabi ki fa bidintɛbi ki fa bilinabi ki fa fɔɔbi ki wu.

Timote (1) 5:10

Nmari kakan-i, nmari tɔ shɔɔrinŋ i ji a mabi kiri ru, nmari i a daŋ kiri rakilika shɔ-ri, nmari i ji jɛshimari shɔɔrinŋ i, nmari ji bilinatɔnŋ kiri kanŋ nawutɔnŋ i, nmari i yɛlinkɔni kiri sunmakwulupa-ri, nmari i bi shɔɔrinŋ kwuru ki bataa ma-ni.

Timote (1) 5:2

Mari cɛɛnni kiri racin miŋ tu nʼɲiŋ ni, ŋi i mari bulaaŋ kiri racin miŋ tu nʼnarinmari ri, ŋi i kí paka shɔ ciirufɔɔbi wu bi bataa ra.

Tite 1:8

Ntiŋ i ji jɛ ri maritɔnŋ i niŋ fa bi shɔɔrinŋ bi i di ntiŋ tɛ. Ntiŋ i ji koŋ ɲakilitiŋ i, koŋ telimaan a, ntiŋ i ji wɔlinŋ i, ntiŋ i so-ri a yɛri paka shɔ-i.

Tite 2:14

Mìnki a yɛri wɔri-i yibɛɛ bira, ŋì i yi ŋunsan po san bijɛ kwuru ki bataa ru, niŋ fa ŋì i yi ji shiya fɔɔmaan ni i, awɔ bo ru, nwɔma yi i so yi cɛrukɔli-i, yi i baara shɔɔrinŋ ma waarinŋ bataa ru.

Tite 2:2

Ǹʼbi cɛɛnni kiri tɛ, tu kí arì yɛri paka ɲaantɔ, kí i ji koŋ sɔbɛ ɲakilitiŋ ni i. Kí ɲakili ki sɔɔmaan i ji-i bilinabi ki ru, bidintɛbi ki ru, niŋ fa kí i ji koŋ tɔnsunfilimaan ni i.

Tite 2:7

Miŋ yɛrima ki ji ɲaanjitɔnŋ sɔbɛ ɛ, bi shɔɔrinŋ ma ki ra bi bataa ru. A miŋ ji kí kali-la, nʼciiru fɔɔ kí tɛ, niŋ fa ŋi i ǹʼji kí wu, tu miŋ sɔbɛ ra bi i.

Tite 3:14

Yibɛɛ tindaŋ kiri kakan-i, kí i arì yɛri kini bi shɔɔrinŋ ma ki ra, nwɔma kí i so ye-i ǹʼbɛɛ ri tɛ arì fɔɔn bi kwulumaan kiri ra, kí kakan kí i ji koŋ kulu bali li i kì.

Iburu kiri 11:2

Kirinŋ tiŋ cɛɛnni kiri tɔ shɔɔrinŋ bi-i arɔɔ bilinabi ki baraka ra.

Iburu kiri 13:18

Á Kirinŋ nafɛ-ri yibɛɛ tɛ. Yibɛɛ bili-i ǹʼna tu ɲakilila shɔɔrinŋ i yibɛɛ gbɛ, yi i ji ǹʼtɛ, yi i tirika shɔ bi bataa ra.

Yakuba 1:27

Dinɛbi wɔ̀ fɔɔ Kirinŋ ɲaanfɛ, tu nɔɔ ǹʼnu kì, niŋ i kaa : ŋi i ta ye gbɛwɔ kiri fa kanimari kiri tɛ arì ɲaanfɛkwulu waari kiri ru, ŋi i nʼyɛri paka shɔ juniɲa nu bi nɔɔmaan kiri bataa kɛlina.

Yakuba 3:17

Nka ɲakilitinbi wɔ̀ i po-a kirinpɔlila, ǹʼjɔnɔ ki, niŋ fɔɔmaan yɛ, niŋ kɔɔtɛ, ǹʼyɔ na-a ɲaanfɛfili wu, ǹʼtɔnsunfilimaan yɛ, sunmakwulupatɔnŋ sinaŋ i. Ǹʼmabi kiri bataa shɔ-i, ŋì i koŋ san-a koŋ nu kì, ǹʼdumiŋ wulu fuuli bi-a kì.

Pyɛɛri (1) 1:22

Ábɛɛ ji-i sɛli ki tɛ, á i á ciiru kiri fɔɔ, nwɔma á i á tindaŋ kiri bidi á tɛ sɛlɛsɛli ki ra, niŋ ki ra, á ámaŋ bidi ámaŋ tɛ kusɛbɛ á ciiru kiri bataa wu.

Pyɛɛri (1) 2:12

Á á tirika ki tɔ koŋ tɔri kiri kanfɛ, nwɔma, hali kí ji ábɛɛ tɔ jɛ bi-a mani wɔ̀ ru, kí i á ji-ri bi kulinŋ matiiri i, kí i á mabi shɔɔrinŋ kiri ja. A niŋ ma, a Kirinŋ na a yɛri ji kí wu jibi wɔ̀, kí a na ǹʼgbɛ ábɔɔ mabi shɔɔrinŋ kiri bira.

Pyɛɛri (1) 4:8

Nka nwɔ̀ i bi jɔnɔ ki i, niŋ i kaa : á ámaŋ bidi ámaŋ tɛ kusɛbɛ, sabu bidintɛbi ki i bijɛ mwɔɔnna sunla-a.

Pyɛɛri (2) 3:1

Míŋ tindaŋ byii ri, ka i mɔ́ɔ́n sɛbɛ fuluntɔnŋ ki i ábɛɛ tɛ. Míŋ i ǹʼtɛ ŋí i ábɛɛ ɲakilila bo finŋ bɛɛ ri tɛ ka sɛbɛ fuuli kari ru, nwɔma ábɛɛ i ɲakili shɔɔrinŋ kila.

Yuhana (1) 3:18

Míŋ daŋ ni, yɔɔ bidintɛbi ki fa tu nɛninɛŋ sun wulu shɔɔrinŋ bantenŋ sun kì, nka ŋì ja mabi kiri ru, ŋì i kɛɲɛ sɛli ki wu.

Yuhana (1) 3:3

Niŋ gbɛbilimaŋ ki i koŋ woo koŋ gbɛ, nintiŋ i a yɛri wu fɔɔ-ra, miŋ tu Kirisa fɔɔ ɲaan wɔ̀ tɛ.

Yuhana (1) 4:1

Míŋ tindaŋ byii ri, koŋ wɔ̀ri i ǹʼbi-a tu Ɲiniwɔlinŋ ki arìbɛɛ ru, á fa bili nini bataa ra kì. Nka á ɲini kiri rufɔɔka shɔ, a Kirinŋ wɔ ki ji-i walima a niŋ ji-i kì, ábɛɛ ra niŋ tɔ. Á ǹʼtɔ tu cintɔnŋ purubitɔnŋ kiri mwɔ juniɲa ki ru dɔɔ.

Uruti 3:11

Niŋ na, ńʼdanmari, fa kɛni kì. A miŋ finŋ woo finŋ ceeli míŋ gbɛ, míŋ a niŋ ma miŋ tɛ, sabu yibɔɔ konanbi ki bataa ǹʼtɔ-i tu miŋ mari kulumaan a.