Filipitɔnŋ kiri 4:7 - Jɔ Biibili ki

⁷ A niŋ ma, Kirinŋ wɔ ɲaanfɛfili wɔ gbɛ-i konanmini wɔ tɔbi sun, ninki a na ncusun ábɛɛ ciiru ki fa á ɲakili ki bataa i tu Yesu Kirisa wɔ tenbi ki ra.

Filipitɔnŋ kiri 4:7 Iomraidhean Croise

Luki 1:79

nwɔma, nwɔ̀ri sɔɔ mancinŋ ki fa beŋ ki jɛŋ kɛmi ki ru, nini i maannaja. Ŋì i yi ŋununapwulu bo ɲaanfɛfili saa fan. »

Luki 2:14

« Sobataatiŋ Kirinŋ gbɛ cuunŋ kirinpɔlila mani narimaŋ kiri ru, ɲaanfɛfili i ji pwɔkulinŋ sun ǹʼdintɛtɔnŋ kiri faninmwuŋ. »

Yuhana 14:27

Á fa á gbɛɛratɛɛ kì, á fa kɛni kì, sabu míŋ i ɲaanfɛfili tu-a ábɛɛ tɛ, míŋ i ńʼwɔ ɲaanfɛfili ki wɔri-ra ábɛɛ tɛ, míŋ ǹʼwɔri-ra juniɲa wɔ wɔrika ɲaan tɛ kì.

Yuhana 16:33

Míŋ niŋ bi-i ábɛɛ tɛ, nwɔma ábɛɛ i ɲaanfɛfili kila míŋ gbɛ. Ábɛɛ ɲaanfɛkwulu-i ka juniɲa ka ru, nka á á cunadi, sabu míŋ so kila-i juniɲa ki sun kɔ. »

Ɔrɔmutɔnŋ kiri 1:7

Ńʼtindaŋ byii ri, Kirinŋ ábɛɛ wɔ̀ri dɔri-i, á i ji ǹʼwɔ konanbi Ɔrɔmu kili ki ru, míŋ i ka sɛbɛ ka wɔri ta-a ábɛɛ bataa tɛ. Yi Tiŋ Kirinŋ fa yi Ŋuntiŋ Yesu Kirisa shɔɔrinŋ fa ɲaanfɛfili wɔri á tɛ.

Ɔrɔmutɔnŋ kiri 14:17

Kirinŋ wɔ Masabi ki bi ki nufinŋ bi fa mwunufinŋ bi i kì, nka telibi fa tɔnsunfili fa ciirudibi bi yɛ, Ɲiniwɔlinŋ ki i nini wɔ̀ri wɔri-ra.

Ɔrɔmutɔnŋ kiri 15:13

Yibɛɛ gbɛbilimaŋ ki i Kirinŋ wɔ̀, míŋ i niŋ nafɛ-a ńʼtu ŋì i ciirudibi fa tɔnsunfili wɔri á tɛ, bilinabi ki baraka ra, nwɔma á gbɛbilimaŋ ki i gbɛ kusɛbɛ Ɲiniwɔlinŋ ki wɔ sotinbi ki baraka ra.

Ɔrɔmutɔnŋ kiri 5:1

Kirinŋ i yibɛɛ shɛɛli-la koŋ telimaan ni i a ɲaanfɛ niŋ ɲaan ki tɛ, bilinabi ki baraka ra. Ninki i ncin ɲaanfɛfili i de yi fa Kirinŋ faninmwuŋ yi Ŋuntiŋ Yesu Kirisa bira.

Ɔrɔmutɔnŋ kiri 8:6

Konwɔtiŋ ɲakili ki i tu-a a yɛri ki dintɛ bi kiri ra, niŋ i beŋ ki so-a ntiŋ sun, nka konwɔtiŋ ɲakili ki i tu-a Ɲiniwɔlinŋ ki dintɛ bi kiri ra, niŋ i ɲaninkulutɔnbi ki fa ɲaanfɛfili wɔri-ra nintiŋ tɛ.

Korɛntitɔnŋ kiri (2) 10:5

Mìŋ ɲaan tenŋ ki tɛ, ɲakilila jɛ kiri, niŋ fa finŋ woo finŋ i konaŋ kiri suu-ra Kirinŋ tɔ ki sun, yibɛɛ i nini bataa kari-ra, yi i konaŋ kiri bataa ɲakilila ki rapwulu, nwɔma kí i Kirisa wulu pa.

Korɛntitɔnŋ kiri (2) 13:11

Ayiwa ńʼtindaŋ ni, Kirinŋ tu á fan, ŋì i ɲaanfɛfili wɔri á tɛ! Á á cunadi, á i ji koŋ nafaamaan ni i. Á i ámaŋ cunadi-ri. Á á ɲakilila kiri ji tenŋ i, á i fu, a niŋ ma, bidintɛbitiŋ Kirinŋ ki, ninwɔ̀ i ɲaanfɛfilitiŋ Kirinŋ ki i, niŋ a tu ábɛɛ fan.

Galasitɔnŋ kiri 5:22

Nka Ɲiniwɔlinŋ ki i bi wɔ̀ bo-a koŋ tɔnŋ ki ra, niŋ i bidintɛbi, ciirudibi, ɲaanfɛfili, tɔnsunfili, shɔɔrinŋ, sunmakwulupa, telibi,

Efɛsitɔnŋ kiri 3:19

Daŋ Kirisa wɔ bidintɛbi wɔ̀ ra kì, ábɛɛ ra so niŋ tɔ-i, á i á ciiru ki bataa faa Kirinŋ wɔ bidintɛbi ki ra, fɔ á i pyii.

Filipitɔnŋ kiri 1:1

Míŋ Pooli fa Timote, yibɛɛ wɔ̀ri i Yesu Kirisa wɔ joŋ ni i, yibɛɛ i ka sɛbɛ ka wɔri ta-a Kirinŋ wɔ konanbi wɔlinŋ kiri bataa tɛ, nini wɔ̀ri i Filipi kili ki ra, kí i ji bili-la Yesu Kirisa ra, yi i ǹʼwɔri ta-ri bilinatɔnŋ kiri jɛntɔnŋ kiri fa arì jɛnpatɔnŋ kiri tɛ.

Filipitɔnŋ kiri 1:2

Yi Tiŋ Kirinŋ fa yi Ŋuntiŋ Yesu Kirisa shɔɔrinŋ fa ɲaanfɛfili wɔri á tɛ.

Filipitɔnŋ kiri 4:19

Mɔ́ɔ́n Kirinŋ ki a na ábɛɛ makufinŋ kiri bataa wɔri á tɛ, ŋì i kɛɲɛ ǹʼwɔ fintinbi rafaamaan ki wu Yesu Kirisa baraka ra.

Filipitɔnŋ kiri 4:21

Wɔlinŋ finŋ woo finŋ i nmaŋ Yesu Kirisa baraka ra, á ńʼwɔ coolinŋ ki wɔri ǹʼfɔn tenŋ tenŋ tɛ. Tindaŋ wɔ̀ri i míŋ fan kwumaŋ, nini bataa i ábɛɛ co-a.

Filipitɔnŋ kiri 4:9

Míŋ ábɛɛ kini-i bi wɔ̀ri ra, niŋ fa ábɛɛ mabi wɔ̀ri kila-i míŋ gbɛ, niŋ fa ábɛɛ bi wɔ̀ri rama-i míŋ tɔnŋ na, á i ńʼja nwɔ̀ri ma-a, á nini ma-ni. A ábɛɛ niŋ ma, Ɲaanfɛfilitiŋ Kirinŋ ki a ji ábɛɛ fan.

Kɔlɔsitɔnŋ kiri 3:15

Kirisa wɔ ɲaanfɛfili ki á jɛnpa á ciiru bi kiri bataa ra, sabu niŋ ɲaanfɛfili ki bira, ábɛɛ bataa dɔri-i, á i ji firi tenŋ i. Á ji shɔɔrinŋ tɔtiiri i.

Tesalonikitɔnŋ kiri (2) 3:16

Ńʼtindaŋ ni, yi Ŋuntiŋ ki, ninwɔ̀ i Ɲaanfɛfilitiŋ ki i, tu niŋ yɛrima ki ɲaanfɛfili wɔri á tɛ waarinŋ bataa ru, niŋ fa ɲaan bataa tɛ. Ŋuntiŋ ki tu á bataa fan.

Iburu kiri 13:20

Kirinŋ wɔ̀ i ɲaanfɛfili ki wɔri-ra, ninki yibɛɛ Ŋuntiŋ Yesu, saaneetɔnŋ sinaŋ ki ŋmɛni po san-i konkwuu kiri ru. Ntiŋ cunŋ ki baraka ra, yibɛɛ i tɔnwɔri kila, nwɔ̀ kɔ-a kì,

Yodasi 1:1

Míŋ Yakuba pwaŋ, Yodasi, mínwɔ̀ i Yesu Kirisa tɛ baara matɔnŋ i, míŋ i ka sɛbɛ ka wɔri tiri-ra Kirinŋ wɔ koŋ dɔrimaan kiri tɛ, ábɛɛ wɔ̀ri bidi-i Tiŋ Kirinŋ tɛ, á i ji bo ǹʼwɔ bo ru.

Jafinŋ ki 1:4

Míŋ Yuhana i ka sɛbɛ ka wɔri ta-a Asi sɔɔta ki ru bilinatɔnŋ kwuru jɔnpɔni ki tɛ. Kirinŋ wɔ̀ i nmaŋ, ŋì i ji wuru nmaŋ, niŋ fa ŋì i ji-a na, niŋ fa awɔ ɲini jɔnpɔni wɔ̀ri i tu-a masawaalinŋ ki jɛŋ, tu nini shɔɔrinŋ fa ɲaanfɛfili wɔri á tɛ.

Jafinŋ ki 2:17

Ɲiniwɔlinŋ ki i nwɔ̀ bi-a bilinatɔnŋ kwuru kiri tɛ, tɔɔn i konwɔtiŋ gbɛ, ntiŋ ncusun ntiŋ i ǹʼnama dɛ! Konwɔtiŋ so kila, míŋ a na maannɛ radumaan wɔri nintiŋ tɛ, ŋí i kwɔ fɔ pɛlipɛli wɔri ntiŋ tɛ, tɔ ŋunaŋ sɛbɛ-i ninwɔ̀ sun. Koŋ niŋ tɔ ki tɔ-a kì, duu kwɔ ki wɔri-i nwɔ̀tiŋ tɛ. › »