Filipitɔnŋ kiri 4:4 - Jɔ Biibili ki

⁴ Á á ciirudi waarinŋ bataa ru Ŋuntiŋ ki bira. Míŋ a ńʼpwulu ǹʼsun sɛbɛ, á á ciirudi.

Filipitɔnŋ kiri 4:4 Iomraidhean Croise

Matiyu 5:12

Á á yoori á i á ciirudi, sabu sali sinaŋ i ábɛɛ gbɛ kirinpɔli ki ra. Á bili ǹʼna tu cintɔnŋ wɔ̀ri de-i ábɛɛ jɛŋ, tu kí nini cɔɔri mìŋ ɲaan ki tɛ. »

Mabikiri 16:25

Wɔkila ki ru, Pooli fa Silasi i Kirinŋ nafɛ-ri, kí i Kirinŋ gbɛ shu ri pɔri-ri. Nkasudaŋ pyɛ kiri i arì tɔɔnye-ri kí tɛ.

Mabikiri 5:41

Cindaŋ kiri i po san kitikwurumaŋ ki ru, kí i tiri. Kí ciirudi wuru-i, sabu kɔ́ɔ́ ɲaankwunŋ kilamaan ki Yesu bira, kí niŋ ji wuru gbɛbi i.

Ɔrɔmutɔnŋ kiri 12:12

Gbɛbilimaŋ wɔ̀ i yibɛɛ gbɛ, yi ciirudimaan i tu niŋ nu, yi i ɲaanfɛkwulu ki kwun yi ru, yi i yi cɛrukɔli Kirinŋ nafɛ ki ra.

Korɛntitɔnŋ kiri (2) 6:10

Kí ɲaanna, yibɛɛ i makwulukoŋ ni i, nka yibɛɛ ciirudimaan yɛ waarinŋ bataa ru. Kí tu yi yɛlinkɔni ni i, nka yibɛɛ i koŋ mwɔɔnna ji-a fintiŋ ni i, kí tu yi gbɛwɔ ri i, nka finŋ bataa i ji yibɔɔ.

Galasitɔnŋ kiri 1:8

Nka, a yibɛɛ yɛrima kiri walima kirinpɔlila mɛlɛkɛn ki bɛɛ na Kirinŋ wɔ Wulujii tɔri bi ábɛɛ tɛ, nwɔ̀ fa yibɔɔ ki po kì, Kirinŋ nintiŋ danka.

Filipitɔnŋ kiri 2:18

Mìŋ ɲaan tenŋ ki tɛ, ábɛɛ yɛrima kiri á ciirudi, á i á yoori míŋ fan.

Filipitɔnŋ kiri 3:1

Ńʼtindaŋ ni, á á ciirudi á fa Ŋuntiŋ ki wɔ tenbi ki bira. Míŋ a yɛli niŋ bi kiri sɛbɛ wɔri ta ki ra ábɛɛ tɛ, ŋí i ńʼpwulu-li yìrì sun kì, yìrì ra ábɛɛ gbɛrinpa.

Pyɛɛri (1) 4:13

Nka, ábɛɛ kakan-i á i á ciirudi, sabu ábɛɛ lu kila-i Kirisa wɔ cɔɔri ki ra, nwɔma a Kirisa na na awɔ nɔɔri ki wu waaci wɔ̀ ru, á i so á ciirudi-i, á i á yoori kusɛbɛ.