Filipitɔnŋ kiri 4:3 - Jɔ Biibili ki

³ Minwɔ̀ ji-i míŋ baara mashi sɔbɛ ɛ, míŋ i miŋ nafɛ-a, tu a ye kí tɛ, sabu kí yɛrima kiri yɛli-i míŋ fan Wulujii ki baara ki ra, ŋì i bo Kilema fa yi dɛbɛshi pyɛ kiri bataa sun, nini wɔ̀ri tɔ kiri i ɲaninkulutɔnbi sɛbɛ ki ru.

Filipitɔnŋ kiri 4:3 Iomraidhean Croise

Luki 10:20

Á fa á ciirudi tu ɲinijɛ kiri arì kulu ábɛɛ tɛ kì, nka á á ciirudi tu, ábɛɛ tɔ kiri sɛbɛmaan i alijina ki ru. »

Ɔrɔmutɔnŋ kiri 12:1

Míŋ tindaŋ ni, a Kirinŋ ji ka shɔɔrinŋ sinaŋ ka ma yibɛɛ tɛ ka ɲaan ka tɛ, míŋ i ábɛɛ rafɛ-a, ńʼtu á á firi ki wɔri Kirinŋ tɛ miŋ tu saraka ɲaninkulutɔnŋ, nwɔ̀ bo-i Kirinŋ wɔ bo ru, ŋì i di Kirinŋ tɛ. Ninki i ábɔɔ Kirinŋ gbɛka ɲaan shɔɔrinŋ ki i.

Ɔrɔmutɔnŋ kiri 16:12

Ńʼwɔ coolinŋ i Tirifɛni fa Tirifosi tɛ, niŋ mari fuuli ki wɔ̀ri i Ŋuntiŋ ki tɛ baara ki ma-a arì sɔbɛ ra. Á i ńʼwɔ coolinŋ wɔri míŋ narinŋ byii Perisidi tɛ, ninwɔ̀ i Ŋuntiŋ ki tɛ baara ki ma-a a sɔbɛ ra sɛbɛ.

Ɔrɔmutɔnŋ kiri 16:9

Á ńʼwɔ coolinŋ wɔri Urubanusi tɛ, ninwɔ̀ i yibɛɛ baara mashi i, Kirisa tɛ. Á i ńʼwɔ coolinŋ wɔri míŋ tindaŋ byii Sitakisi tɛ sɛbɛ.

Filipitɔnŋ kiri 1:12

Ńʼtindaŋ ni, míŋ i ǹʼtɛ ńʼtu ábɛɛ i ǹʼtɔ, tu bi finŋ woo finŋ i míŋ kila-a kwumaŋ, ńʼtu niŋ i ǹʼtɔri san Kirinŋ wɔ Wulujii ki ta jɛŋ ki ra kì, nka ńʼtu nini bataa ji sababu, ŋì i ta jɛŋ.

Filipitɔnŋ kiri 1:16

Nini i arɔɔ baara ki ma-a bidintɛbi wu, sabu kí ǹʼtɔ-i tu Kirinŋ míŋ ɲaannashi, ŋí i Wulujii ki sɛli ki ji konaŋ kiri wu.

Filipitɔnŋ kiri 1:27

A ǹʼji ɲaan finŋ woo finŋ tɛ, ábɛɛ kɔniŋ tiri kɛɲɛ Kirisa Wulujii ki wu, nwɔma a míŋ na ta ábɛɛ tɛ nmaŋ woo, walima a míŋ na ábɛɛ wulu lama woo, ábɛɛ banbamaan i ta kila, á fumaan i ji-i ɲakilila tenŋ wu, á i ye-ri ámaŋ tɛ bilinabi ki ŋununu kari ki ra, nwɔ̀ cɛ sɔɔ Wulujii ki sun.

Filipitɔnŋ kiri 1:5

sabu ábɛɛ ji-i míŋ baara mashi ri i Wulujii ki bi bi ki ru, kabi fɔlɔfɔlɔ ŋì i na so dɔnsaŋ sun.

Filipitɔnŋ kiri 1:7

Sɛli ki ra, míŋ kakan-i ŋí i ńʼmiiri-ri ábɛɛ bataa bira ka ɲaan ka tɛ, sabu ábɛɛ bi ki gbɛ-i míŋ gbɛ kusɛbɛ. Kirinŋ shɔɔrinŋ wɔ̀ ma-i míŋ tɛ, ábɛɛ á so ma-i niŋ bataa ru. Ábɛɛ i niŋ ma-a dɔɔ, ŋì i míŋ tu nkasu ki ru, niŋ fa á i ji ǹʼma-ni waarinŋ wɔ̀ ru, míŋ wuru Wulujii ki sunjo-a, ŋí i ǹʼsɛli ki ji-ri konaŋ kiri wu.

Filipitɔnŋ kiri 4:2

Míŋ i ǹʼceeli-la Efodi fa Sɛtisi gbɛ, tu kí ǹʼma Ŋuntiŋ ki bira, kí i fu tenŋ sun.

Kɔlɔsitɔnŋ kiri 1:7

Epafirasi, ninwɔ̀ i yibɛɛ baara mashi i, nwɔ̀ bidi-i yibɛɛ tɛ haali, ninki ábɛɛ kini-i niŋ bi kiri ra. Bilinakoŋ yɛ Kirisa tɛ baara ki ru ábɛɛ kanfɛ.

Jafinŋ ki 13:8

Pwɔkulinŋ sun konaŋ ki bataa ra na kpalinŋ ka gbɛ, duu nwɔ̀ri tɔ ki sɛbɛ-i Saanaŋ kilɛnmaan ki wɔ ɲaninkulutɔnbi sɛbɛ ki ru, kabi juniɲa cɛtu waaci ki ru.

Jafinŋ ki 17:8

Miŋ kpalinŋ wɔ̀ ja-i, ǹʼwuru nmaŋ fɔlɔfɔlɔ, nka dɔnsaŋ, ŋì nmaŋ kili kì. Ŋì a na tunpa po yiri kukuta sinaŋ ki ru, ŋì i tiri a halikimaŋ ki ru. Kabi juniɲa po waaci ki ru, koŋ wɔ̀ri tɔ ki sɛbɛ-ri ɲaninkulutɔnbi sɛbɛ ki ru kì, a nini na kpalinŋ ka ja, ŋì a bo kí tɔnŋ sun, sabu ǹʼwuru nmaŋ fɔlɔ, nka dɔnsaŋ ŋì nmaŋ kili kì. Nka ŋì i faa-ra a pwulu na sɛbɛ.

Jafinŋ ki 20:12

Míŋ i konkwuu kiri ja, koŋ pyaanŋ bo koŋ sinaŋ sun, kí tu-i ji masawaalinŋ ki ɲaanfɛ. Sɛbɛ bɛɛ ri i nawwulu, niŋ kɔɔtɛ, tenŋ tɔri i nawwulu, ninwɔ̀ i ɲaninkulutɔnbi sɛbɛ ki i. Konkwuu kiri wɔ kiti ki i kwuru kɛɲɛ kí mabi kiri wu, nini wɔ̀ri sɛbɛ-i sɛbɛ kiri ciiru.

Jafinŋ ki 20:15

Koŋ woo koŋ tɔ sɛbɛmaan ja-ri ɲaninkulutɔnbi sɛbɛ ki ru kì, niŋ i kee bo kukuta sinaŋ tuutiŋ ki ru.

Jafinŋ ki 21:27

Finŋ nɔɔmaan daŋ tenŋ a de nmaŋ kì. Mabali bi matɔnŋ walima purubitɔnŋ daŋ tenŋ a de nmaŋ kì. Koŋ wɔ̀ri tɔ kiri sɛbɛ-i Saanaŋ ki wɔ ɲaninkulutɔnbi sɛbɛ ki ru, niŋ kiri bantenŋ a de niŋ mani ki ru.

Jafinŋ ki 3:5

Nwɔ̀tiŋ so kila, juulinŋ fɔ ki a na bo nintiŋ sun ka ɲaan ka tɛ. Míŋ a ntiŋ tɔ ki ciriki po san ɲaninkulutɔnbi sɛbɛ ki ru kì, ŋí i ji-a ńʼtu ǹʼna, ńʼTiŋ ki fa awɔ mɛlɛkɛn kiri ɲaanfɛ, ńʼtu nintiŋ i mɔ́ɔ́n.