Filipitɔnŋ kiri 4:19 - Jɔ Biibili ki

¹⁹ Mɔ́ɔ́n Kirinŋ ki a na ábɛɛ makufinŋ kiri bataa wɔri á tɛ, ŋì i kɛɲɛ ǹʼwɔ fintinbi rafaamaan ki wu Yesu Kirisa baraka ra.

Filipitɔnŋ kiri 4:19 Iomraidhean Croise

Matiyu 6:32

Niŋ finŋ kiri bataa ceelimaanna ki i sɔɔmaŋ cin-a Kirinŋ tɔbali kiri ra. Nka ábɛɛ Tiŋ wɔ̀ i kirinpɔli ki ra, niŋ i ǹʼtɔ-a tu yìrì bi ábɛɛ ra.

Yuhana 20:17

Yesu i ǹʼbi nmari tɛ tu : « Fa ńʼpa sɔɔ tu kì, míŋ tunpa-i Tiŋ ki tɛ sun kì. Nka ta ǹʼbi míŋ tindaŋ kiri tɛ, tu míŋ tunpa ńʼTiŋ ki tɛ, ninwɔ̀ i ábɛɛ Tiŋ i sɛbɛ, ninwɔ̀ i mɔ́ɔ́n Kirinŋ ki i, niŋ fa ŋì i ji ábɔɔ Kirinŋ ki i. »

Yuhana 20:27

Niŋ kɔɔtɛ, ntiŋ tu Toma tɛ : « Toma, na nʼgbɛnaŋ ki de kwumaŋ, ŋi i míŋ gbɛta kiri shɛɛli, ŋi i na nʼgbɛ ki wu, ŋi i na ǹʼbili míŋ yalaka ki sun. Bilinabalibi ki tɔnbo, ŋi i bili míŋ na. »

Ɔrɔmutɔnŋ kiri 1:8

Míŋ a ǹʼtɔnpa, ŋí i coolinŋ wɔri ńʼwɔ Kirinŋ ki tɛ Yesu Kirisa baraka ra ábɛɛ bataa bira, sabu ábɔɔ bilinabi ki wulu ki i bi-a juniɲa mani ki bataa ru.

Ɔrɔmutɔnŋ kiri 11:33

Sɛli ki ra, Kirinŋ wɔ fintinbi ki fa ǹʼwɔ ɲakilitinbi ki fa ǹʼwɔ tɔbi kiri ciiru cuu-u. Koŋ so-a ǹʼwɔ bi gbɛbilimaan kiri tɔ kɔ-i kì. Koŋ so-a ǹʼwɔ saa kiri ɲaantɔ-i kì.

Ɔrɔmutɔnŋ kiri 2:4

Walima Kirinŋ wɔ shɔɔrinŋ mwɔɔnna ki fa ǹʼwɔ bikwunnubi bi ki fa ǹʼwɔ tɔnsunfili ki miŋ ɲaanna finŋ i kì wa? Miŋ ǹʼtɔ tu Kirinŋ niŋ shɔɔrinŋ ki ma-a, nwɔma miŋ i ntɔri bi, ŋi i nʼwɔ bijɛ kiri tɔnbo kì wa?

Ɔrɔmutɔnŋ kiri 8:18

Mɔ́ɔ́n jaka ɲaan ki tɛ, Kirinŋ a na nɔɔri wɔ̀ ji yibɛɛ wu, yibɔɔ dɔnsaŋ cɔɔri kiri ra so pyi-i niŋ wu kì.

Ɔrɔmutɔnŋ kiri 9:23

Kirinŋ niŋ ma-i, ŋì i awɔ nɔɔri sinaŋ ki ji kpeeri wu, ŋì nini wɔ̀ri sunmakwulupa-i, ŋì i ji kí ramɔni bo-ri a nɔɔri ki tɛ kabi juniɲa cɛtu ki jɛŋ.

Korɛntitɔnŋ kiri (2) 12:21

Míŋ i kɛni-na, ńʼtu míŋ na ta ábɛɛ tɛ, ńʼtu míŋ a ta ɲaankwun Kirinŋ ɲaanfɛ sɛbɛ ábɛɛ bira. Koŋ mwɔɔnna wɔ̀ri bijɛ ma-i kɔ, a kí ji ntɔri bi niŋ bijɛ kiri ra kì, kí i arɔɔ bi nɔɔmaan kiri fa nankulunbi ki fa arɔɔ bijɛ kwuru ki bataa tɔnbo kì, ńʼtu míŋ a ta ɲaannaju po nini bira sɛbɛ.

Korɛntitɔnŋ kiri (2) 4:17

Sɛli ki ra, yibɛɛ i cɔɔri wɔ̀ kila-a dɔɔ, niŋ gbɛ-i, nka niŋ finŋ tɔri kì, sabu yibɛɛ ra ta gbɛbi wɔ̀ kila niŋ cɔɔri ki bira niŋ gbɛ-i kusɛbɛ, ǹʼfani dumiŋ kɔ-a kì.

Efɛsitɔnŋ kiri 1:18

Míŋ i ǹʼnafɛ-a tu ŋì ábɛɛ ɲakili kiri rawwulu, nwɔma ŋì ábɛɛ dɔri-i, ŋì i gbɛbilimaŋ wɔ̀ wɔri á tɛ, á i niŋ tɔ, niŋ fa tu ŋì bi shɔɔrinŋ finŋ woo finŋ tɔnŋ wɔri-i awɔ wɔlinŋ kiri tɛ, á i niŋ nafan ki tɔ.

Efɛsitɔnŋ kiri 1:7

Yesu Kirisa cunŋ ki kɔnkɔlimaan ki baraka ra, Kirinŋ yibɛɛ ŋunsan-i, ŋì i yibɔɔ bijɛ kiri tu yi tɛ, ŋì i kɛɲɛ awɔ shɔɔrinŋ sinaŋ ki wu.

Efɛsitɔnŋ kiri 2:7

Kirinŋ niŋ shɔɔrinŋ ki ma-i yibɛɛ tɛ Yesu Kirisa bira, nwɔma konaŋ kiri i awɔ shɔɔrinŋ ki tɔ waaci naanna kiri ru, niŋ shɔɔrinŋ ki wɔ̀ gbɛ-i, ŋì i mwɔ.

Efɛsitɔnŋ kiri 3:16

ńʼtu ǹʼwɔ Ɲiniwɔlinŋ ki faan fa tɔnnafurubi wɔri ábɛɛ tɛ, ŋì i kɛɲɛ a yɛri ki wɔ nɔɔri sinaŋ ki wu,

Efɛsitɔnŋ kiri 3:8

Mínwɔ̀ i Kirinŋ wɔ wɔlinŋ kiri bataa ru pyaanŋ ki i, Kirinŋ niŋ kafinŋ ki wɔri-i míŋ tɛ, tu míŋ Wulujii ki sunjo shiya tɔri ru konaŋ kiri tɛ, niŋ Wulujii ki i Yesu Kirisa wɔ shɔɔrinŋ kɔbali ki i.

Filipitɔnŋ kiri 4:7

A niŋ ma, Kirinŋ wɔ ɲaanfɛfili wɔ gbɛ-i konanmini wɔ tɔbi sun, ninki a na ncusun ábɛɛ ciiru ki fa á ɲakili ki bataa i tu Yesu Kirisa wɔ tenbi ki ra.

Kɔlɔsitɔnŋ kiri 1:27

Nafan sinaŋ wɔ̀ fa gbɛbi wɔ̀ i niŋ gonto ki ru, shiya kiri bataa kɛlintɛ, Kirinŋ i ji ǹʼtɛ niŋ i tɔ, niŋ i kaa : a Kirisa ji ábɛɛ fan, gbɛbilimaŋ i ábɛɛ ra, á i ji-a de Kirinŋ wɔ nɔɔri ki ru.

Kɔlɔsitɔnŋ kiri 3:16

Á ncusun Kirisa wɔ wulu ki i sɔɔmaŋ kila á ciiru, ŋì i ǹʼfaa. Á i ámaŋ kali, á i ámaŋ nacin-ni ɲakilitinbi wulu kiri bataa wu. Á i Kirinŋ gbɛ, á i baraka bi-ri ǹʼtɛ. Á ǹʼwɔ shɔɔrinŋ ki pɔri shu ri ru, nini wɔ̀ri i kila-a Kirinŋ sundɔri shu kiri fa Kirinŋ gbɛ shu kiri ru, niŋ fa shu tɔri ri, Ɲiniwɔlinŋ ki i nini wɔ̀ri wɔri-ra.

Tesalonikitɔnŋ kiri (1) 2:12

Yibɛɛ ábɛɛ racin-i, yi i á siratu, yi i ǹʼbi furu á tɛ, tu á tiri kɛɲɛ Kirinŋ dintɛ bi ki wu. Mìnki ábɛɛ dɔri-i, nwɔma á i de awɔ̀ masabi ki ru, niŋ fa a nɔɔri ki ru.

Timote (1) 6:17

Ǹʼbi furu ka juniɲa ka ru nafulutiŋ kiri tɛ, tu kí fa arì yɛri ragbɛ kì. Tu kí fa arì gbɛ bili nafulu kɔ wɔ ki sun kì. Nka tu kí arì gbɛ bili Kirinŋ sun, ninwɔ̀ i finŋ bataa wɔri-ra yibɛɛ tɛ, ŋì i fwuu yi ɲakilila wɔ ki sun, nwɔma yi i ǹʼjiisan.

Filimɔn 1:4

Mɔ́ɔ́n nafɛ kiri ciiru, míŋ i coolinŋ wɔri-ra Kirinŋ tɛ miŋ Filimɔn bira waarinŋ bataa ru.

Pyɛɛri (1) 5:1

Bilinatɔnŋ cɛɛnni wɔ̀ri i ábɛɛ kanfɛ jɛnbi ki ra Kirinfu ki ru, míŋ a wulubi nini tɛ dɔnsaŋ. Míŋ a wulubi kí tɛ, sabu míŋ yɛri ki i bilinatɔnŋ cɛɛnni ki bɛɛ ɛ, ŋí i ji Kirisa wɔ ɲaanfɛkwulu ki shɛɛri i. Kirisa a na a nɔɔri wɔ̀ ji, míŋ a lu kila niŋ na sɛbɛ.

Pyɛɛri (1) 5:10

Nka, a ábɛɛ ɲaanfɛkwulu bi kila waaci pyaanŋ nu, Kirinŋ wɔ̀ ki i shɔɔrinŋ ki bataa tiŋ ki i, ninki a na ábɛɛ mwu, ŋì i á kɔɔ, ŋì i á baraka ki gbɛ, á i tuka shɔ bilinabi ki ru. Mìŋ Kirinŋ ki ábɛɛ dɔri-i, nwɔma a i á de awɔ nɔɔri kɔbali ki ru Kirisa wɔ tenbi ki bira.