Filipitɔnŋ kiri 4:17 - Jɔ Biibili ki

¹⁷ Ŋì i miŋ tu míŋ ńʼkafinŋ ceeli-la ábɛɛ gbɛ kì dɛ! Nka míŋ i nwɔ̀ ceeli-la, niŋ i tu ábɔɔ bi shɔɔrinŋ mamaan ki sali ki mwɔ.

Filipitɔnŋ kiri 4:17 Iomraidhean Croise

Yuhana 15:16

Ábɛɛ kiri míŋ ɲaannashi kì, nka mínki ábɛɛ ɲaannashi-i. Míŋ ábɛɛ cin-i, ńʼtu á ta daŋ pa, nwɔ̀ a kɔ kì. Niŋ ki ra, a ábɛɛ finŋ woo finŋ nafɛ míŋ Tiŋ ki gbɛ, míŋ tɔ ki wu, niŋ finŋ ki bataa ra wɔri ábɛɛ tɛ.

Yuhana 15:8

A ábɛɛ daŋ pa ǹʼmwɔɔnna, á i ǹʼji tu ábɛɛ mɔ́ɔ́n kalindaŋ ni, míŋ Tiŋ ki a gbɛ ninki ra.

Ɔrɔmutɔnŋ kiri 15:28

A míŋ niŋ bi kiri ɲaanpo kɔ waarinŋ wɔ̀ ru, ŋí i niŋ gbɛfɛfinŋ nakɔlimaan kiri wɔri Yerusalɛmu bilinatɔnŋ kiri tɛ, míŋ a fwuude ábɛɛ tɛ nmaŋ, ŋí i kila, ŋí i tiri Ɛsipaɲi.

Korɛntitɔnŋ kiri (2) 11:16

Míŋ a pwulu ǹʼsun, koŋ tɔri tenŋ fa míŋ ji julutiŋ i kì. Hali ábɛɛ ji míŋ ji-a julutiŋ i, á á tɔnsunfili ńʼtɛ pyaanniŋ, nwɔma míŋ yɛrima ki i ńʼyɛri ragbɛ pyaanniŋ sɛbɛ.

Korɛntitɔnŋ kiri (2) 9:5

Niŋ ki ra, míŋ ǹʼja-i ńʼtu ǹʼpari ŋí i tindaŋ kari bo ta ńʼjɛŋ ábɛɛ tɛ, nwɔma ábɛɛ yentɛfinŋ wɔ̀ri wulubi-i, á fa kí i ta yìrì ɲaanpo-ri míŋ jɛŋ sun. Niŋ a ǹʼji tu ǹʼma ciirudibi wu, tu koŋ ábɛɛ karaba bo ǹʼsun kì.

Filipitɔnŋ kiri 1:11

á i áwɔ bi kiri bataa ma-ni telibi wu Yesu Kirisa baraka ra. Niŋ bataa ra ji Kirinŋ gbɛ bi i, niŋ fa nɔɔri i bili ǹʼtɔ ki sun.

Filipitɔnŋ kiri 4:11

Míŋ ka bi-a ábɛɛ tɛ, ŋí i ńʼwɔ gbɛwɔbi wulu bi-ri á tɛ kì dɛ! Niŋ i kì, sabu mɔ́ɔ́n kila ki ji ɲaan woo ɲaan tɛ, niŋ i míŋ pyii-ra. Míŋ ńʼyɛri kini-i niŋ na.

Tesalonikitɔnŋ kiri (1) 2:5

Ábɛɛ yɛrima kiri ǹʼtɔ-i, tu yibɛɛ koŋ tɔri tenŋ ɲaanna wulu bi kì. Yi dumiŋ finŋ ceeli kì. Kirinŋ i yibɛɛ shɛɛri ki i.

Timote (1) 3:3

Ntiŋ fa ji lɔrutɛfɛ walima koŋ fyintiŋ i kì, ntiŋ fa ji kari ceelitɔnŋ i kì, fɔ ntiŋ ji koŋ tɔnsunfilimaan a. Ntiŋ fa ji wari sɔlitiŋ i kì.

Timote (1) 6:10

Sabu wari sɔli ki i bijɛ kwuru ki bataa kanaŋ i. Ǹʼbɛɛ ri arì bo-i ǹʼcɛfan, fɔ kí i arì yɛri fɔni, kí i po san bilinabi saa ki sun pewu, kí i bɔni mwɔɔnna so arì yɛri kiri sun.

Tite 1:7

Sɛli ki ra, egilisi jɛntɔnŋ ki kakan-i ntiŋ i ji koŋ pɔlibali i, sabu ntiŋ i Kirinŋ wɔ konanbi ki ɲaannasuutɔnŋ ki i. Ntiŋ fa ji koŋ nagbɛmaan a walima tɔnŋ sinantiŋ i kì, walima lɔrutɛfɛ fɛ kì. Ntiŋ fa ji kari ceelitɔnŋ i kì, ntiŋ fa tɔnɔ ceeli-li namarinŋ sun kì.

Tite 3:14

Yibɛɛ tindaŋ kiri kakan-i, kí i arì yɛri kini bi shɔɔrinŋ ma ki ra, nwɔma kí i so ye-i ǹʼbɛɛ ri tɛ arì fɔɔn bi kwulumaan kiri ra, kí kakan kí i ji koŋ kulu bali li i kì.

Iburu kiri 6:10

Kirinŋ shɔɔrinŋ tɔbali, tu ŋì a na a ɲakililafɔni ábɛɛ mabi kiri tɛ kì. Ábɛɛ ǹʼbidi-i á tɛ ɲaan wɔ̀ tɛ, á i ye ǹʼwɔ wɔlinŋ kiri tɛ ɲaan wɔ̀ tɛ, niŋ fa á i ji faa ye-a kí tɛ hali jiŋ, ŋì a a ɲakililafɔni niŋ tɛ kì.

Pyɛɛri (1) 5:2

Kirinŋ saa kwuru wɔ̀ri biye-i ábɛɛ gbɛsun, á yìrì neeka shɔ, á i á ɲakili tu yìrì ra. Á fa niŋ ji á yɛri sun faan i kì, nka á niŋ ma á yɛri dintɛ cɔ tɛ. Á fa niŋ ji jalinŋ ceeli saa i kì, nka á ǹʼji á yɛri ra cinŋ i.

Pyɛɛri (2) 2:15

Kí saa telimaan ki bo-i, kí i ǹʼpa Bosɔɔri danshuru Balaamu wɔ saa ki fan, ninwɔ̀ dintɛ bi ki ji-i, a i telibalibi ma sali bira.

Pyɛɛri (2) 2:3

Niŋ kalimɔɔ purubitɔnŋ kiri wɔ wari bi juuka jɛ ki a na ncusun kí i ábɛɛ ji jɔɔfinŋ ni i, arɔɔ koŋ sunnɛɛn wulu kiri wu. Kiti ki fɛɛn-ɛ kí sun fɔ waaci ŋmani nu kɔ, kí haliki bi ki i kí kpɛli-la.

Yodasi 1:11

Bɔni i kɔ́ɔ́, sabu kí tiri kɛɲɛ-i Kayɛn wɔ saa jɛ ki bishi ki wu, kí i fɔni saa ki shi jalinŋ cɛfan, miŋ tu Balaamu. Bɔni i kɔ́ɔ́, ǹʼsababu ki i ji tu kí arì yɛri ji koŋ kaanmaan ni i miŋ tu Kore.