Filipitɔnŋ kiri 4:14 - Jɔ Biibili ki

¹⁴ Niŋ fa a fɔn na, á ǹʼtɔ tu ábɛɛ bi shɔɔrinŋ ma, á i áwɔ lu shi mɔ́ɔ́n yɛlinŋ ki ru.

Filipitɔnŋ kiri 4:14 Iomraidhean Croise

Matiyu 25:21

Joŋ ki ŋuntiŋ ki tu : ‹ Niŋ shɔ-i, miŋ ji-i joŋ sɔbɛ ɛ, koŋ a bili nwɔ̀ ra. Finŋ pyaanŋ wɔri-i miŋ tɛ, miŋ i ǹʼji tu koŋ a so bili-i miŋ na niŋ bi ru, niŋ ki ra, míŋ a finŋ sinaŋ ni biye miŋ gbɛsun. Na, nʼfa nʼŋuntiŋ ki á yoori ámaŋ fan! ›

Ɔrɔmutɔnŋ kiri 15:27

Kí niŋ po-i arì yɛri ru, nka kí kakan wuru-i kí i ǹʼma. Sabu, Yawutu kiri Kirinŋ wɔ shɔɔrinŋ wɔ̀ kila-i, a kíbɛɛ shiya tɔri kiri ji lu kila niŋ na, ǹʼshɔ-i kíbɛɛ yɛrima kiri i ye Yawutu bilinatɔnŋ kiri tɛ, arì gbɛfɛfinŋ ni wu.

Galasitɔnŋ kiri 6:6

Konwɔtiŋ i miŋ kali-la Kirinŋ wɔ wulu ki ra, miŋ kakan-i ŋi i ntiŋ wɔ lu po nʼgbɛfɛfinŋ kiri bataa ra.

Filipitɔnŋ kiri 1:7

Sɛli ki ra, míŋ kakan-i ŋí i ńʼmiiri-ri ábɛɛ bataa bira ka ɲaan ka tɛ, sabu ábɛɛ bi ki gbɛ-i míŋ gbɛ kusɛbɛ. Kirinŋ shɔɔrinŋ wɔ̀ ma-i míŋ tɛ, ábɛɛ á so ma-i niŋ bataa ru. Ábɛɛ i niŋ ma-a dɔɔ, ŋì i míŋ tu nkasu ki ru, niŋ fa á i ji ǹʼma-ni waarinŋ wɔ̀ ru, míŋ wuru Wulujii ki sunjo-a, ŋí i ǹʼsɛli ki ji-ri konaŋ kiri wu.

Filipitɔnŋ kiri 4:18

Finŋ woo finŋ bi wuru míŋ na, míŋ yìrì bataa kila-i, ŋí i ji fintiŋ i. Kabi Epaforoditusi na-i yìrì wɔri míŋ tɛ, míŋ ńʼgbɛ faa-a, fɔ ŋì i fwuu a daŋ ki sun. Yìrì ji-i miŋ tu saraka shɔɔrinŋ, nwɔ̀ kini di-i Kirinŋ tɛ.

Timote (1) 6:18

Ǹʼbi kí tɛ, tu kí shɔɔrinŋ ma, tu kí i ji fintiŋ ni i, mabi shɔɔrinŋ ki ra, kí i arì gbɛ rupili, kí i ji koŋ katiiri i.

Iburu kiri 10:33

Sabu waarinŋ bɛɛ ru, kí ábɛɛ ki-i, kí i á makwulujuu koŋ bataa ɲaanna, waarinŋ tɔri ru, á i ye kpeeri tɛ, nwɔ̀ri wuru niŋ cɔɔri kwuru kiri ru.

Iburu kiri 10:34

Sɛli ki ra, ábɛɛ nkasudaŋ kiri sunmakwulupa-i arɔɔ ɲaanfɛkwulu ki ru. Á i ji á tu, á i á gbɛfɛfinŋ kiri tu arì mwu santɔnŋ kiri gbɛ ciirudibi wu, sabu ábɛɛ tu nafulu tɔri ábɛɛ gbɛ, tu nwɔ̀ pari niŋ wu, niŋ fa tu nwɔ̀ kɔ-a kì.

Iburu kiri 13:16

Niŋ fa, á fa á ɲakili fɔni shɔɔrinŋ ma ki fa yemantɛrama ki tɛ kì, sabu niŋ kafinŋ kwuru kiri bidi-i Kirinŋ tɛ.

Jafinŋ ki 1:9

Míŋ i Yuhana, ábɛɛ tindaŋ ki. Míŋ fa ábɛɛ bataa i tenŋ i Yesu wɔ cɔɔri kiri fa ntiŋ wɔ masabi ki fa ntiŋ wɔ tɔnsunfili ki ru. Míŋ wuru kɛniŋ bɛɛ ru, ju faninmwuŋ tintiŋ bɛɛ sun, tu Patimɔsi, Kirinŋ wɔ wulu ki fa Yesu bi ki sunjomaan ki bira.