Filipitɔnŋ kiri 4:12 - Jɔ Biibili ki

¹² Míŋ gbɛwɔ i woo, walima míŋ gbɛ faamaan i woo, míŋ ńʼyɛri paka tɔ-i ǹʼfɔn nu. Ɲaan bataa tɛ, miŋ tu míŋ pyii-i woo, bɛɛ míŋ wu woo, míŋ i ǹʼbataa ɲaantɔ-a. Ŋi i ji fintiŋ i walima ŋi i ji gbɛwɔ ɔ woo, míŋ ńʼkini-i ǹʼbataa ra.

Filipitɔnŋ kiri 4:12 Iomraidhean Croise

Matiyu 11:29

Á míŋ yɛsunsuu ki tɔnŋ ki shi bili á yɛ sun, á i ncusun míŋ i á kini, sabu míŋ tɔnsunfili-i, ǹʼsunjɛrimaan i ji-i sɛbɛ. A ábɛɛ niŋ ma, ábɛɛ ra ɲaanfɛfili kila.

Matiyu 13:52

Ntiŋ tu kí tɛ : « Niŋ ɲaan ki tɛ, sariya kalimɔɔ finŋ woo finŋ kali-i kirinpɔlila Masabi ki bi sun, ntiŋ fa kanintiŋ po-i, nwɔ̀ i nafulu ŋunaŋ fa nafulu bwuumaan shi po-a awɔ nafulu bomaŋ ki ru. »

Korɛntitɔnŋ kiri (2) 10:1

Ǹʼyɔ bi-a tu míŋ ji ábɛɛ faninmwuŋ, tu míŋ ji-a koŋ sunjɛrimaan a, nka tu míŋ ja ji maŋ nari ábɛɛ ra, tu ŋí i ji shurukoŋ i. Míŋ i ábɛɛ rafɛ-a, á ǹʼma Kirisa wɔ tɔnsunfili ki fa ntiŋ wɔ shɔɔrinŋ ki bira,

Korɛntitɔnŋ kiri (2) 10:10

Sabu kí i nwɔ̀ bi-a mɔ́ɔ́n sɛbɛ kiri sun, niŋ i kaa tu : « Faan fa baraka i Pooli wɔ sɛbɛ kiri ru wulu kiri ru, nka a ntiŋ ji yibɛɛ kanfɛ, ntiŋ so-a niŋ bishi wulu li bi-i kì, yìrì ji-a wulu ɲaansun ni i kì. »

Korɛntitɔnŋ kiri (2) 11:27

Míŋ baara furu mwɔɔnna ma-i, ŋí yɛlinŋ mwɔɔnna pa ńʼna. Míŋ sanɲaanna mwɔɔnna tan-i, bɛɛ ki fa jumwunu ki i ji ńʼpa, waaci mwɔɔnna míŋ nufinŋ kila kì, ŋí i tu nuŋ nubali waaci mwɔɔnna, shii ki fa juulinŋ bali bi ki i ji ńʼyɛli.

Korɛntitɔnŋ kiri (2) 11:7

Míŋ ńʼsunjɛri-i ábɛɛ tɛ, ŋí i Wulujii ki sunjo á tɛ ǹʼmaan na. Míŋ ńʼsunjɛri ki wɔ̀ tan-i, niŋ ɲaan ki tɛ, ŋí i ábɛɛ fɛshi, míŋ bijɛ ma-i niŋ i wa?

Korɛntitɔnŋ kiri (2) 11:9

Sabu tindaŋ wɔ̀ri po-i Maseduwanɛ, nini na-i míŋ maku shɔfinŋ kiri bataa wɔri ńʼtɛ. Míŋ i ńʼtu ɲaan tɔri tenŋ tɛ, ŋí ńʼwɔ fɔɔn ka shii ki sɔɔ ábɛɛ tɔri tenŋ sun kì. Míŋ a ǹʼji mìŋ ɲaan tenŋ ki tɛ hali siri.