Filipitɔnŋ kiri 4:11 - Jɔ Biibili ki

¹¹ Míŋ ka bi-a ábɛɛ tɛ, ŋí i ńʼwɔ gbɛwɔbi wulu bi-ri á tɛ kì dɛ! Niŋ i kì, sabu mɔ́ɔ́n kila ki ji ɲaan woo ɲaan tɛ, niŋ i míŋ pyii-ra. Míŋ ńʼyɛri kini-i niŋ na.

Filipitɔnŋ kiri 4:11 Iomraidhean Croise

Luki 3:14

Surudashi bɛɛ ri i Yuhana nanɔri : « Yibɛɛ ji? Yibɛɛ kakan yi i ǹʼdanwɔ ma? » Ntiŋ tu kí tɛ : « Á fa koŋ wɔ jalinŋ mwu san ntiŋ wu faan sun walima puru sun kì, á tu áwɔ sali ki sun. »

Korɛntitɔnŋ kiri (2) 11:27

Míŋ baara furu mwɔɔnna ma-i, ŋí yɛlinŋ mwɔɔnna pa ńʼna. Míŋ sanɲaanna mwɔɔnna tan-i, bɛɛ ki fa jumwunu ki i ji ńʼpa, waaci mwɔɔnna míŋ nufinŋ kila kì, ŋí i tu nuŋ nubali waaci mwɔɔnna, shii ki fa juulinŋ bali bi ki i ji ńʼyɛli.

Korɛntitɔnŋ kiri (2) 6:10

Kí ɲaanna, yibɛɛ i makwulukoŋ ni i, nka yibɛɛ ciirudimaan yɛ waarinŋ bataa ru. Kí tu yi yɛlinkɔni ni i, nka yibɛɛ i koŋ mwɔɔnna ji-a fintiŋ ni i, kí tu yi gbɛwɔ ri i, nka finŋ bataa i ji yibɔɔ.

Korɛntitɔnŋ kiri (2) 8:9

Sabu, ábɛɛ Ŋuntiŋ Yesu Kirisa wɔ shɔɔrinŋ ki tɔ-i, ninwɔ̀ wuru fintiŋ i, nka ntiŋ ji-i gbɛwɔ ɔ ábɛɛ bira, nwɔma ntiŋ wɔ gbɛwɔbi ki bira ábɛɛ ji finŋ tiŋ ni i.

Korɛntitɔnŋ kiri (2) 9:8

So i Kirinŋ gbɛ ŋì i finŋ shɔɔrinŋ kiri bataa wɔri ábɛɛ tɛ, á i á maku shɔ finŋ kiri bataa kila, nwɔma á i so ye-i koŋ mwɔɔnna tɛ waarinŋ mwɔɔnna nu.

Filipitɔnŋ kiri 3:8

Sɛli ki ra, finŋ bataa i míŋ gbɛ ǹʼtawɔ ɔ, Kirisa bi ki bira. Míŋ ńʼkaan-a finŋ pyɛ kiri bataa tɛ, ŋí i yìrì ji miŋ tu shinŋ sun jɛ ri i, nwɔma ŋí i ńʼŊuntiŋ Yesu Kirisa tɔ,

Iburu kiri 10:34

Sɛli ki ra, ábɛɛ nkasudaŋ kiri sunmakwulupa-i arɔɔ ɲaanfɛkwulu ki ru. Á i ji á tu, á i á gbɛfɛfinŋ kiri tu arì mwu santɔnŋ kiri gbɛ ciirudibi wu, sabu ábɛɛ tu nafulu tɔri ábɛɛ gbɛ, tu nwɔ̀ pari niŋ wu, niŋ fa tu nwɔ̀ kɔ-a kì.