Filipitɔnŋ kiri 4:10 - Jɔ Biibili ki

¹⁰ Míŋ i ńʼyoori-ra Ŋuntiŋ ki baraka ra kusɛbɛ, sabu ábɛɛ ǹʼji-i míŋ wu dɔɔ, tu ábɛɛ ra á ɲakili tu míŋ na sɛbɛ. Niŋ ɲakilila ki wuru ábɛɛ gbɛ nmaŋ sun, nka ábɛɛ maka ɲaan kila-ri ǹʼna sun kì.

Filipitɔnŋ kiri 4:10 Iomraidhean Croise

Korɛntitɔnŋ kiri (2) 11:9

Sabu tindaŋ wɔ̀ri po-i Maseduwanɛ, nini na-i míŋ maku shɔfinŋ kiri bataa wɔri ńʼtɛ. Míŋ i ńʼtu ɲaan tɔri tenŋ tɛ, ŋí ńʼwɔ fɔɔn ka shii ki sɔɔ ábɛɛ tɔri tenŋ sun kì. Míŋ a ǹʼji mìŋ ɲaan tenŋ ki tɛ hali siri.

Korɛntitɔnŋ kiri (2) 6:7

Yibɛɛ i wulu ki sunjo-a konaŋ ki tɛ, sɛli niŋ fa Kirinŋ wɔ sotinbi ki wu. Telibi ki i yibɔɔ kari tanfinŋ ki fa yi sunsuufinŋ ki i.

Galasitɔnŋ kiri 6:10

Niŋ ki ra, a shɔɔrinŋ ma ki so ki ji yi gbɛ waaci wɔ̀ ru, yi shɔɔrinŋ ki ma koŋ bataa tɛ, nka yi ǹʼtɔnpa yi tindaŋ bilinatɔnŋ kiri sun.

Galasitɔnŋ kiri 6:6

Konwɔtiŋ i miŋ kali-la Kirinŋ wɔ wulu ki ra, miŋ kakan-i ŋi i ntiŋ wɔ lu po nʼgbɛfɛfinŋ kiri bataa ra.

Filipitɔnŋ kiri 1:1

Míŋ Pooli fa Timote, yibɛɛ wɔ̀ri i Yesu Kirisa wɔ joŋ ni i, yibɛɛ i ka sɛbɛ ka wɔri ta-a Kirinŋ wɔ konanbi wɔlinŋ kiri bataa tɛ, nini wɔ̀ri i Filipi kili ki ra, kí i ji bili-la Yesu Kirisa ra, yi i ǹʼwɔri ta-ri bilinatɔnŋ kiri jɛntɔnŋ kiri fa arì jɛnpatɔnŋ kiri tɛ.

Filipitɔnŋ kiri 1:3

A míŋ ɲakilila bo ábɛɛ bi tɛ waarinŋ woo waarinŋ, míŋ i coolinŋ wɔri-ra ńʼwɔ Kirinŋ ki tɛ.

Filipitɔnŋ kiri 2:30

sabu ntiŋ wuru juu-ra beeni Kirisa tɛ baara ki bira kɔ. Ntiŋ a tu-i, ntiŋ i a ɲini ki wɔri, ntiŋ i baara ma míŋ tɛ ábɛɛ ta ru.