Filipitɔnŋ kiri 4:1 - Jɔ Biibili ki

¹ Niŋ ki ra, míŋ tindaŋ byii ri, ábɛɛ wɔ̀ri ja tɔ i míŋ nu, niŋ fa ábɛɛ wɔ̀ri i míŋ ciirudi ŋuŋ ki fa míŋ ŋununfɛshi ŋuŋ ki i, ńʼwɔ wɔshuru ri, á á cɛrukɔli tu ka ɲaan ka tɛ Ŋuntiŋ ki wɔ saa ki fan.

Filipitɔnŋ kiri 4:1 Iomraidhean Croise

Matiyu 10:22

Konaŋ kiri ra na ábɛɛ bikwɔ arì sun, míŋ tɔ ki bira. Nka a konwɔtiŋ na a sunfuru, ntiŋ i so ǹʼdaŋ ki ra, Kirinŋ a nintiŋ mwu.

Yuhana 8:31

Yawutu wɔ̀ri bili-i Yesu ra, ntiŋ i ǹʼbi nini tɛ tu : « A ábɛɛ á kulu mɔ́ɔ́n wulu kiri tɛ, sɛli ki ra, ábɛɛ ra ji mɔ́ɔ́n kalindaŋ ni i.

Mabikiri 11:23

Barinabasi so-i nmaŋ waarinŋ wɔ̀ ru, ntiŋ i Kirinŋ wɔ baara mamaan ki ja bilinatɔnŋ kiri wu, niŋ i ntiŋ tɔnfili. Ntiŋ i bilinatɔnŋ kiri cunadi, tu kí ǹʼpa tu Ŋuntiŋ ki cɛfan tɔnnafurubi wu.

Mabikiri 14:22

Niŋ kili kiri ra, kí wuru bilinatɔnŋ kiri siratu-a bilinabi ki ru, kí i kí racin-ni tu : « Waajibi yɛ tu cɔɔri mwɔɔnna yibɛɛ kila, yi i kila yi i de Kirinŋ wɔ Masabi ki ru. »

Mabikiri 2:42

Kabi niŋ shikaŋ, niŋ koŋ kiri i tu arì rakɔli-la, kí i na-ni cindaŋ kiri wɔ wulu ki rama-ni. Kí i tu kalindaŋ kiri wɔ jɛn ki ru. Kí i bwuru ki rucɛn-ni arìmaŋ tɛ, niŋ fa kí i Kirinŋ nafɛ-ri arìmaŋ fan.

Ɔrɔmutɔnŋ kiri 2:7

Koŋ wɔ̀ri cɛrukɔli-i shɔɔrinŋ ma ki ra, kí i gbɛbi ki fa ŋununfɛshi ki fa ɲaninkulutɔnbi kɔbali ki ceeli-li, Kirinŋ a na ɲaninkulutɔnbi kɔbali ki wɔri nini tɛ.

Korɛntitɔnŋ kiri (1) 15:58

Niŋ ki ra, ńʼtindaŋ byii ri, á á cɛrukɔli kusɛbɛ, á fa kɛni kì, á Ŋuntiŋ ki tɛ baara ki ma cunadibi wu. Á bili ǹʼna, tu ábɛɛ baara wɔ̀ ma-a Ŋuntiŋ ki tɛ, tu niŋ bi tawɔ ɔ kì.

Korɛntitɔnŋ kiri (1) 16:13

Á á ɲakili tu á yɛri ra waaci bataa ru, á i á cunadi bilinabi ki ra, á i á tɔnnafuru, á i á sunfuru.

Galasitɔnŋ kiri 5:1

Kirisa yibɛɛ mwu san-i jonbi ki wu, nwɔma yi fa ji joŋ ni i kili kì, niŋ na, á á cɛrukɔli, nwɔma á fa na pwulu de jonbi ki ru kili kì.

Filipitɔnŋ kiri 1:27

A ǹʼji ɲaan finŋ woo finŋ tɛ, ábɛɛ kɔniŋ tiri kɛɲɛ Kirisa Wulujii ki wu, nwɔma a míŋ na ta ábɛɛ tɛ nmaŋ woo, walima a míŋ na ábɛɛ wulu lama woo, ábɛɛ banbamaan i ta kila, á fumaan i ji-i ɲakilila tenŋ wu, á i ye-ri ámaŋ tɛ bilinabi ki ŋununu kari ki ra, nwɔ̀ cɛ sɔɔ Wulujii ki sun.

Filipitɔnŋ kiri 1:8

Kirinŋ i míŋ shɛɛri ki i, tu ábɛɛ fyii ki míŋ wu dɔɔ, ŋì i kɛɲɛ Yesu Kirisa wɔ bidintɛbi ki wu.

Filipitɔnŋ kiri 2:16

Wulujii wɔ̀ i ɲaninkulutɔnbi ki wɔri-ra, á ta niŋ sunjo kí tɛ, a niŋ ma, ábɛɛ kiri ra na ji míŋ ŋununfɛshi sababu Yesu Kirisa na shikaŋ ki ru, á i ǹʼji tu mɔ́ɔ́n baara ki fa ńʼwɔ yɛlinŋ ki ji ǹʼtawɔ ɔ kì.

Filipitɔnŋ kiri 2:26

Ntiŋ kɔrɔtɔmaan i ábɛɛ bataa ja ki ra a gbɛ, ntiŋ ciirufɔnimaan i ji-i tu ábɛɛ afinŋ kira wulu ki rama-ni.

Kɔlɔsitɔnŋ kiri 4:12

Epafirasi, ninwɔ̀ i ábɛɛ bɛɛ ɛ, niŋ i ábɛɛ co-a sɛbɛ. Yesu Kirisa tɛ baara matɔnŋ sɛlɛsɛli yɛ. Ntiŋ cɛrukɔli-i Kirinŋ nafɛ ki ra ábɛɛ tɛ waarinŋ bataa ru, nwɔma ábɛɛ i tu Kirinŋ wɔ saa ki sun, á i ta jɛŋ bilinabi ki ru, á i ji Kirinŋ dintɛ bi kiri tɛ bi bataa ra.

Tesalonikitɔnŋ kiri (1) 3:13

Ŋì baraka de á ru, á i ji koŋ shɔɔrinŋ pɔlibali li i, yibɛɛ Tiŋ Kirinŋ ɲaanfɛ, yi Ŋuntiŋ Yesu Kirisa pwulu na waaci ki ru, awɔ konanbi wɔlinŋ ki bataa wu. Amiina!

Tesalonikitɔnŋ kiri (2) 2:15

Niŋ ki ra, ńʼtindaŋ ni, á á banba tu bilinabi ki ru, yibɛɛ kalinŋ wɔ̀ wɔri-i ábɛɛ tɛ, yi tɔnŋ na walima sɛbɛ ru, á i á da tu nini na.

Timote (2) 2:1

Nwɔ̀ i miŋ, míŋ danshuru, shɔɔrinŋ wɔ̀ i kila-a Yesu Kirisa baraka ra, tɔnnafurubi kila niŋ nu.

Iburu kiri 10:23

Yibɛɛ i ǹʼbi-a tu gbɛbilimaŋ wɔ̀ yi gbɛ, á ncusun yi yi banba tu niŋ sun, sabu Kirinŋ wɔ̀ a tɔnŋ wɔri-i, niŋ i dariwulutiŋ i.

Iburu kiri 3:14

A yibɛɛ yi banba tu yi gbɛbilimaŋ fɔɔmaan jɔnɔ ki sun, fɔ yi ta so ǹʼdaŋ ki ra, yibɛɛ ra ji Kirisa bi mashi ri i.

Iburu kiri 4:14

Yibɛɛ i bilinabi wɔ̀ sunjo-a, yi yi banba tu niŋ sun, sabu sarakawɔrɔtɔnŋ ŋununtiŋ sinaŋ bataa ru sinaŋ ki i yibɛɛ gbɛ, nwɔ̀ tunpa so-i Kirinŋ sun, niŋ i Yesu, Kirinŋ Danshuru ki.

Pyɛɛri (2) 3:17

Míŋ tindaŋ byii ri, míŋ ábɛɛ racin-i, á á yɛri paka tɔ. Á fa ncusun koŋ jɛ kiri i á curu san á gbɛbilimaŋ shɔɔrinŋ ki sun kì.