Filipitɔnŋ kiri 3:9 - Jɔ Biibili ki

⁹ niŋ fa míŋ fa ntiŋ i ji yimaŋ fan. Míŋ ńʼwɔ telibi ki ceeli-la ńʼwɔ sariya ki rasɔɔ ki baraka ra kili kì, nka míŋ i ǹʼkila-a, sabu míŋ bili-i Kirisa ra. Niŋ telibi ki i po-a Kirinŋ yɛrima ki ru, sabu míŋ bili-i ǹʼna.

Filipitɔnŋ kiri 3:9 Iomraidhean Croise

Matiyu 9:13

Á ta á miiri Kirinŋ wɔ wulu ki ru wulu kari kɔri ki sun tu : ‹ A ábɛɛ ámaŋ sunmakwulupa, míŋ i niŋ tɛ, ŋì i fwuu ábɔɔ saraka wɔrimaan sun ńʼtɛ. › Míŋ na koŋ telimaan kiri dɔri kì, duu bijɛmatɔnŋ kiri. »

Ɔrɔmutɔnŋ kiri 1:17

Wulujii ki i nwɔ̀ ji-a, niŋ i kaa tu : Kirinŋ konanmini kiri shɛɛli-la ǹʼtelimaan ni i, a kí bili ǹʼna. Niŋ telibi ki i kila-a bilinabi ki sababu ra, miŋ tu ǹʼsɛbɛ-i Kirinŋ wɔ wulu sɛbɛ kiri ru ɲaan wɔ̀ tɛ tu : « Koŋ telimaan ki a awɔ ɲaninkulutɔnbi ki ma bilinabi ki baraka ra. »

Ɔrɔmutɔnŋ kiri 10:10

Sabu, a konwɔtiŋ bilinabi ki ma a ciiru ki bataa wu, ŋi i ji-a koŋ telimaan a Kirinŋ ɲaanfɛ, ŋi i ǹʼpo nʼtɔnŋ ki ra, ninki i miŋ mwu-a.

Ɔrɔmutɔnŋ kiri 16:7

Á i Andoronikusi fa Juniyasi co, nini wɔ̀ri i míŋ tindaŋ Yawutu ri i, yi i ji wuru nkasu ki ru yimaŋ fan. Kíbɛɛ tɔ shɔɔrinŋ i cindaŋ kiri kanfɛ. Kíbɛɛ bilinabi ki ma-i Kirisa ra míŋ jɛŋ.

Ɔrɔmutɔnŋ kiri 5:21

nwɔma bijɛ ki ŋununtinbi kila-i beŋ ki baraka ra ɲaan wɔ̀ tɛ, Kirinŋ wɔ shɔɔrinŋ ki i ŋununtinbi kila telibi ki baraka ra, ŋì i ɲaninkulutɔnbi kɔbali ki wɔri yi Ŋuntiŋ Yesu Kirisa baraka ra.

Ɔrɔmutɔnŋ kiri 8:1

Dɔnsaŋ, nwɔ̀ri fa Yesu i tenŋ i, Kirinŋ a kiti ki fɛɛn nini sun kili kì.

Ɔrɔmutɔnŋ kiri 8:3

Musa wɔ sariya ki wuru-ra so bi wɔ̀ ma-i yibɛɛ konanmini baraka ki rakurubi ki sababu ra kì, Kirinŋ yɛrima ki niŋ ma-i : Kirinŋ a Danshuru ki cin na-i, ntiŋ i na konanmini firi ru, nwɔ̀ i bijɛmatɔnŋ i. Bijɛ wɔ̀ wuru awɔ ŋununtinbi ki sɔɔ-ra yibɛɛ sun, Kirinŋ ntiŋ wɔri-i saraka niŋ bijɛ ki ŋunfɛ, ntiŋ i niŋ wɔ ŋununtinbi ki li.

Korɛntitɔnŋ kiri (1) 1:30

Nka Kirinŋ baraka ra ábɛɛ fa Yesu Kirisa i tenŋ i. Kirinŋ Kirisa ji-i yibɛɛ fa ábɔɔ ɲakilitinbi ki fa yɔɔ telibi ki i. Kirinŋ i yibɛɛ ji-a koŋ fɔɔmaan ni i a ɲaanfɛ, ŋì i yi ji awɔ konanbi i, ŋì i yi mwu san-ni bijɛ ki wu Kirisa bira,

Korɛntitɔnŋ kiri (2) 5:17

A konwɔtiŋ fa Kirisa dɛbɛ, nintiŋ i ji-a miŋ tu koŋ ŋunaŋ, finŋ woo finŋ i ǹʼbwuumaan, niŋ bataa i fɔni-na, finŋ ŋunaŋ ni i na.

Korɛntitɔnŋ kiri (2) 5:21

Kirisa wɔ̀ ki bijɛ ma kì, Kirinŋ awɔ kiti ki fɛɛn ninki sun yibɛɛ bijɛmatɔnŋ kiri ta ru, nwɔma yi i ji koŋ telimaan ni i a ɲaanfɛ Kirisa bira.

Galasitɔnŋ kiri 2:16

Yibɛɛ ǹʼtɔ-a tu koŋ ji-a koŋ telimaan a Kirinŋ ɲaanfɛ sariya ki baraka ra kì, duu Yesu Kirisa wɔ bilinabi ki. Niŋ ki ra yibɛɛ i bili Yesu ra, nwɔma yi i so ji-i koŋ telimaan a niŋ bilinabi ki baraka ra, sariya ki a so nwɔ̀ ma-i kì. Sabu koŋ tɔri tenŋ so-a ji-i koŋ telimaan a Kirinŋ ɲaanfɛ sariya ki mabi ri ra kì.

Filipitɔnŋ kiri 3:6

Míŋ cɛrukɔli wuru niŋ na, fɔ ŋí i egilisidaŋ kiri ɲaanfɛkwulu-li. Míŋ Yawutu kiri wɔ sariya ki pa wuru ɲaan wɔ̀ tɛ, koŋ wuru pɔlimaŋ ja-a míŋ na niŋ bi ru kì.

Timote (2) 1:9

Mìnki yibɛɛ mwu-i, ŋì i yi dɔri, yi i ji awɔ konanbi i. Yibɔɔ mabi shɔɔrinŋ ncin ŋì i niŋ ma kì, nka ŋì niŋ ma-i, ŋì i kɛɲɛ awɔ bi gbɛbilika ɲaan ki fa awɔ shɔɔrinŋ ki wu, ŋì ninwɔ̀ wɔri-i yibɛɛ tɛ Yesu Kirisa bira juniɲa cɛtu ki jɛŋ.

Tite 3:5

Yibɔɔ mabi shɔɔrinŋ kiri mwɔɔn niŋ i kì dɛ! Kirinŋ niŋ ma-i awɔ koŋ sunmakwulupabi ki bira. Ŋì yibɛɛ wu po san-i yɔɔ bijɛ kiri ru Ɲiniwɔlinŋ ki wɔ so ki wu, yi i ji koŋ ŋunaŋ ni i, ŋì i ɲaninkulutɔnbi ŋunaŋ wɔri yi tɛ.

Iburu kiri 6:18

Niŋ ɲaan ki tɛ, Kirinŋ i bi rapwulubali fuuli ji yibɛɛ wu, ŋì a puru bi nwɔ̀ri ru fyewu kì. Niŋ bi kiri i cunadi bi sinaŋ ni i yibɛɛ gbɛ, yibɛɛ wɔ̀ri yi gbɛ faa niŋ gbɛbilimaŋ tɔnŋ wɔrimaan ki ru.

Yakuba 3:2

Yibɛɛ bataa i fɔni-na mani mwɔɔnna nu, ɲaan mwɔɔnna tɛ. Konwɔtiŋ fɔni-na wulu lu kì, nintiŋ i koŋ nafaamaan a, nwɔ̀ a so a yɛri bataa pa-i a mabi kiri bataa ru.

Pyɛɛri (2) 1:1

Míŋ Simɔŋ Pyɛɛri, Yesu Kirisa tɛ baara matɔnŋ, niŋ fa ntiŋ wɔ cindaŋ, míŋ i ka sɛbɛ ka cin ta-a ńʼkaashi bilinatɔnŋ kiri tɛ, nini wɔ̀ri fa yibɛɛ lu kila-i bilinabi sɔbɛ ki ru, Yesu Kirisa wɔ telibi ki bira, ninwɔ̀ i yibɔɔ Kirinŋ ki fa yi Mwutɔnŋ ki i.

Yuhana (1) 3:4

Koŋ woo koŋ bijɛ ma, nintiŋ Kirinŋ wɔ sariya ki li-i, sabu bijɛ ki i Kirinŋ wɔ sariya ki limaan ki i.